နိုင်ငံတော် စီမံအုပ်ချုပ်ရေးကောင်စီအား ယနေ့ရက်စွဲဖြင့် ပြင်ဆင်ဖွဲ့စည်း

နိုင်ငံတော်စီမံအုပ်ချုပ်ရေးကောင်စီအား ယနေ့ စက်တင်ဘာ (၂၅) ရက် ရက်စွဲဖြင့် ပြင်ဆင်ဖွဲ့စည်းကြောင်း နစက က သတင်းထုတ်ပြန်သည်။

ဖွဲ့စည်းပုံ အခြေခံဥပဒေ ပုဒ်မ ၄၁၉ အရ နိုင်ငံတော် စီမံအုပ်ချုပ်ရေး ကောင်စီအား ပြင်ဆင်ဖွဲ့စည်းကြောင်း အမိန့်အမှတ် ၈၅/၂၀၂၃ ဖြင့် ထုတ်ပြန် ကြေညာခဲ့ခြင်း ဖြစ်သည်။

ပြင်ဆင်ဖွဲ့စည်းခဲ့သည့် နိုင်ငံတော်စီမံအုပ်ချုပ်ရေးကောင်စီ၌ ဗိုလ်ချုပ်မှူးကြီး မင်းအောင်လှိုင်မှ ဥက္ကဋ္ဌ၊ဒု-ဗိုလ်ချုပ်မှူးကြီး စိုးဝင်းမှ ဒု-ဥက္ကဋ္ဌအဖြစ် ဆက်လက်တာဝန်ယူခဲ့ပြီး အတွင်း ရေးမှူးအဖြစ် ဒု-ဗိုလ်ချုပ်ကြီး အောင်လင်းဒွေး၊ တွဲဖက်အ တွင်းရေးမှူးအဖြစ် ဒု-ဗိုလ်ချုပ်ကြီးရဲဝင်းဦးတို့က တာဝန်ယူထားသည်။

ထို့အပြင် နစက အဖွဲ့ဝင်များအဖြစ် ဗိုလ်ချုပ်ကြီးမြထွန်းဦး၊ ဗိုလ်ချုပ်ကြီးတင်အောင်စန်း၊ ဗိုလ်ချုပ်ကြီး မောင်မောင်အေး၊ ဒု-ဗိုလ်ချုပ်ကြီးရာပြည့်၊ ဒု- ဗိုလ်ချုပ်ကြီးညိုစော၊ ဦးဝဏ္ဏမောင်လွင်၊ ဒေါ်ဒွဲဘူ၊ ပိုးရယ်အောင်သိန်း၊ မန်းငြိမ်းမော င်၊ ဒေါက်တာမှုထန်၊ ဒေါက်တာဘရွှေ၊ ခွန်စံလွင်၊ ဦးရွှေကြိမ်းနှင့် ဦးရန်ကျော်တို့ ပါဝင်ကြောင်း အမိန့်ထုတ်ပြန်ချက်အရသိရသည်။

အဆိုပါ အမိန့်အား နစက ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်က လက်မှတ်ရေးထိုးထုတ်ပြန်ခဲ့ခြင်းဖြစ်သည်။

ဒု-ဗိုလ်ချုပ်ကြီး မိုးမြင့်ထွန်းနဲ့ စိုးထွဋ်တို့ကို စစ်ကောင်စီကထုတ်ပယ်ပြီး ဗိုလ်ချုပ်ကြီး မောင်မောင်အေး၊ ဒု-ဗိုလ်ချုပ်ကြီး ညိုစောနဲ့ အစားထိုးပြင်ဆင်ဖွဲ့စည်း

ဒု-ဗိုလ်ချုပ်ကြီး မိုးမြင့်ထွန်းနဲ့ ဒု-ဗိုလ်ချုပ်ကြီး စိုးထွဋ် တို့ကို စစ်ကောင်စီကနေ ထုတ်ပယ်ပြီး ဗိုလ်ချုပ်ကြီး မောင်မောင်အေးနဲ့ ဒု-ဗိုလ်ချုပ်ကြီး ညိုစောတို့ကို အစားထိုးပြင်ဆင်ဖွဲ့စည်းတယ်လို့ စက်တင်ဘာ ၂၅ ရက် ဒီနေ့ညပိုင်းမှာ စစ်ကောင်စီက ထုတ်ပြန်ပါတယ်။

စစ်ကောင်စီအဖွဲ့ဝင်တွေလည်းဖြစ်တဲ့ စစ်ဦးစီးအရာရှိချုပ်(ကြည်း) ဒု-ဗိုလ်ချုပ်ကြီး မိုးမြင့်ထွန်းနဲ့ ပြည်ထဲရေးဝန်ကြီးဟောင်း ဒု-ဗိုလ်ကြီး စိုးထွဋ်တို့ဟာ စက်တင်ဘာလ ဒုတိယအပတ်ကစလို့ အဂတိမှုတွေနဲ့ ထိန်းသိမ်းစစ်ဆေးခံနေရပြီးတဲ့နောက် အခုလိုစစ်ကောင်စီကနေ ထုတ်ပယ်လိုက်တာပါ။

စစ်တပ်ထိပ်ပိုင်းခေါင်းဆောင် ၉ ဦး ပါဝင်ဖွဲ့စည်းထားတဲ့ စစ်ကောင်စီအတွက် ထုတ်ပယ်လိုက်တဲ့ စစ်ဗိုလ်ချုပ်ကြီး ၂ ဦးနေရာမှာ ညှိနှိုင်းကွပ်ကဲရေးမှူး (ကြည်း/ရေ/လေ) ဗိုလ်ချုပ်ကြီး မောင်မောင်အေးနဲ့ စစ် ခေါင်းဆောင်ရဲ့ အကြံပေးအဖြစ်ခန့်ထားတဲ့ ဒုဗိုလ်ချုပ်ကြီး ညိုစောတို့ ၂ ဦးနဲ့ အစားထိုးလိုက်တာလည်း ဖြစ်ပါတယ်။

စစ်ကောင်စီရဲ့ထုတ်ပြန်ချက်တွေအရ ဒု-ဗိုလ်ချုပ်ကြီး မိုးမြင့်ထွန်းကို အသစ်ဖွဲ့စည်းလိုက်တဲ့ စစ်ကောင်စီအဖွဲ့မှာ ပါဝင်တာမျိုးမရှိတော့တာကိုသာ တွေ့ရပြီး သူ့ရဲ့နောက်ဆုံးအခြေအနေတွေကိုတော့ ထုတ်ပြန်ပြောဆိုတာမျိုး မရှိပါဘူး။

ပြည်ထဲရေးဝန်ကြီးဟောင်းနဲ့ ပြည်ထောင်စုအစိုးရအဖွဲ့ဝန်ကြီး ဒု-ဗိုလ်ချုပ်ကြီး စိုးထွဋ် ကိုတော့ ပြည်ထောင်စုအစိုးရအဖွဲ့ဝန်ကြီးရာထူးကနေ အနားပေးကာ မူလစစ်ဘက်တာဝန်တွေကို ပြန်လည်ထမ်းဆောင်စေတယ်လို့ ထုတ်ပြန်ထားကာ သူ့ရဲ့နေရာကို ယခင်စီးပွားကူးသန်းဝန်ကြီး ဦးအောင်နိုင်ဦးနဲ့ အစားထိုးခန့်အပ်တယ်လို့လည်း ဆိုပါတယ်။