မန္တလေး မြို့လယ်ခေါင် ရွှေဆိုင် ဓားပြတိုက်

မန္တလေးမြိုု့၊ အောင်ရွှေဆိုင် ဓားပြတိုက်ခံရပြီး ရွှေထည်များအားလုံး ပါသွား၊ တိုယိုတာမတ်တူးကားအဖြူဖြင့်လာရောက် ဓားပြတိုက်

ရန်ကုန်၊ နိုဝင်ဘာ ၁၇

မန္တလေးမြိုု့၊ အောင်ရွှေဆိုင် ဓားပြတိုက်ခံရပြီး ရွှေထည်များအားလုံး ပါသွားပြီး တိုယိုတာမတ်တူးကားအဖြူဖြင့်လာရောက် ဓားပြတိုက်သွားခြင်းဖြစ်ကြောင်း မန္တလေးမြို့ခံများက ပြောဆိုသည်။

နိုဝင်ဘာလ ၁၇ ရက်နေ့ နံနက် ၁၀ နာရီခွဲအချိန် မန္တလေး လမ်း၃၀ ၇၂ x ၇၃ မင်္ဂလာဈေးဟောင်းမြောက်ဘက် အောင်ရွှေဆိုင်ကို လက်နက်ကိုင်ထားသော လူတချို့က Mark2 အဖြူ 2E 6723 ကားနံပါတ်ဖြင့်ရောက်ရှိလာပြီး သေနတ်ပြကာ ပစ်ခတ်မှု လုပ်ဆောင်ပြီး ရွှေထည်များအားလုံး လုယက်သွားခြင်းဖြစ်ကြောင်း သိရှိရသည်။

“မိနစ်ပိုင်းအတွင်း ရွှေတွေအကုန်လုံးကို လူအင်အားများများနဲ့ လုသွားတာ။ ကားနဲ့လာတာ။ သူတို့လုယက်ပြီး မိနစ်ပိုင်းအတွင်း ရဲတွေလည်း လာတာပဲ။ အဝင်အထွက်လို့တောင် ပြောလို့ရတယ်။ တစ်ဆိုင်လုံးအကုန်ယူသွားတာဆိုတော့ ငွေကျပ် သိန်းသောင်းချီမှာပေါ့။ ဆုံးရှုံးမှုက။ လက်ရှိတော့ ရဲနဲ့စစ်တပ်က စစ်နေတယ်” ဟု ဒေသပြည်သူတစ်ဦးက ပြောဆိုသည်။

အကြမ်းဖက်စစ်ကောင်စီက ရွှေဆိုင်များ၊ဘဏ်များ ဓားပြတိုက်မှုများဖြစ်ပွားတိုင်း ဖမ်းဆီးမှုများ လုပ်ဆောင်ပြီး PDF များက လုပ်ဆောင်သည်ဟုဆိုကာ သတင်းထုတ်ပြန်မှုများ မကြာခဏဆိုသလို ထုတ်ပြန်လေ့ရှိသည်။

မန္တလေးမြို့ခံတစ်ဦးကမူ မန္တလေးတွင် ယခုရက်ပိုင်းအတွင်း လုံခြုံရေး အလွန်တင်းကျပ်နေကြောင်း၊ ထိုသို့ တင်းကျပ်သည့်ကြားမှ ရွှေဆိုင်ဓားပြတိုက်မှုဖြစ်ပွားခြင်းဖြစ်ကြောင်း သုံးသပ်ပြောဆိုသည်။

မန္တလေးမြို့လယ်ခေါင် လမ်း(၃၀)ပေါ်က ရွှေဆိုင် ဓားပြတိုက်ခံရပြီး ကျပ်သိန်း (၁၁၃၀၀)ကျော် ပါသွား၊

စစ်အုပ်စုရုံးတွေ အနီးက ရွှေဆိုင်ကို သေနတ်ဖောက်၊ ကောင်တာတွေ ရိုက်ခွဲကာ ဓားပြတိုက်တာဖြစ်

မန္တလေးမြို့လယ်ခေါင်၊ ချမ်း​အေးသာစံမြို့နယ်၊ လမ်း(၃၀)နဲ့ (၇၃)လမ်းထောင့် မ​၏င်္လာဈေးဟောင်းရဲ့ မျက်နှာချင်းဆိုင်က ရွှေဆိုင် တစ်ဆိုင် ဒီမနက်ပိုင်း ဓါးပြတိုက်ခံရပြီး ကျပ်သိန်း​ (၁၁၃၀၀)ကျော်ဖိုး ပါသွားတယ်လို့ သတင်း ရရှိပါတယ်။

ဒီနေ့ နိုဝင်ဘာ(၁၇)ရက် မနက်(၁၀)နာရီကျော်က 2E/ 6723 နံပါတ်ပါ မတ်တူးကားနဲ့ လူသုံးဦး ရောက်လာပြီး အဲ့ဒီ လမ်း(၃၀)ပေါ်က ရွှေဆိုင်ကို သေနတ်ပစ်ဖောက်၊ ရွှေကောင်တာတွေ ရိုက်ခွဲ လုယက်ကာ ဓားပြတိုက်တာလို့ ဆိုပါတယ်။

ဓားပြတိုက်ခံရတဲ့ ရွှေဆိုင်ဟာ စစ်အုပ်စုရဲ့ မန္တလေးတိုင်း ရဲရုံး၊ တိုင်းတရားလွတ်တော်၊ မန္တလေးနန်းတွင်းထဲက တိုင်းစစ်ဌာနချုပ်နဲ့ အနီးအနားမှာ ရှိပြီး စစ်အုပ်စု မီးသတ်ရုံးနဲ့လည်း ကပ်လျှက် ဖြစ်ပါတယ်။

“ဆိုင် ဓားမြ တိုက်ခိုက်ခံလိုက်ရပြီ။ ရင်တွေလည်း ကွဲပါပြီ။ သေနတ်တွေလည်း ပစ်။ လူမထိတာဘဲ ကံကောင်ရ။ ပစ္စည်းတွေပါသွားပြီ။ လုပ်ရက်ကြတယ် လူတွေ”လို့ ဆိုင်ပိုင်ရှင်က ဆိုပါတယ်။

အင်္ကျီအနက်ရောင်၊ ဘောင်းဘီရှည် အနက်ရောင် ဝတ်ဆင်ထားသူ အမျိုးသား သုံးဦးက မတ်တူးကားနဲ့ ရောက်လာပြီး သေနတ် အတို နှစ်လက်ကိုင် ဆောင်ကာ သေနတ် နှစ်ချက် ပစ်ဖောက်ပြီး ကောင်တာ ငါးလုံးကို ရိုက်ခွဲကာ ဓားပြတိုက်တာလို့ ဆိုပါတယ်။

ကောင်တာအတွင်းရှိ စိန်လက်စွပ် ၁၈၀ကွင်း ခန့်မှန်းတန်ဖိုးငွေ ကျပ်သိန်း ၁၈၀၀၊ ရွှေဆွဲသီး ၁၅ ပဲရည် ၁၀၅ ခု ခန့်မှန်းတန်ဖိုးငွေ ကျပ်သိန်း ၅၂၅ သိန်း၊ ရွှေ လက် ကောက် ၉၃ ကွင်း ခန့်မှန်တန်းဖိုးငွေ ကျပ်သိန်း ၇၄၀၊ ပလက်တီနမ်ဆွဲသီး အလုံး ၄၀လုံး ခန့်မှန်းတန်ဖိုးငွေ သိန်း ၃၀၀၊ ရွှေဆွဲကြိုး ၁၄ပဲရည် ၁၁၅ ကုံး (၃၀ ကျပ်သားခန့်) ခန့်မှန်းတန်ဖိုးငွေ သိန်း ၈၀၀၊ ဒင်္ဂါးလက်ကောက် ၁၄ပဲရည် ၁၁၄ ကွင်း (၂၈ ကျပ်သားခန့်) ခန့်မှန်းတန်ဖိုး သိန်း ၉၅၀၊ ပလက်တီနမ်ဆွဲကြိုး ၂၈ ကုံး ခန့်မှန်းတန် ဖိုး သိန်း ၂၀၀၊ စိန်းနားကပ် ၄ ရံ ခန့်မှန်းတန်ဖိုး ၄၅ သိန်း၊ ရွှေကလစ် အချောင်း ၆၀ ခု ခန့်မှန်းတန်ဖိုး သိန်း ၂၀၀ ခန့်၊ ရွှေဟန်းချိန်း ၂၅၀ ခု ခန့်မှန်းတန်ဖိုးငွေ သိန်း ၂၀၀၀၊ ၁၅ပဲရည် လက်စွပ် ၇၅၀ ကွင်း ခန့်မှန်း တန်ဖိုးငွေသိန်း ၁၅၀၀၊ ၁၅ ပဲရည် နားကပ် ၄၆၅ ရံ ခန့်မှန်းတန်ဖိုးငွေ သိန်း ၃၀၀၀၊ စုစုပေါင်းတန်ဖိုးငွေ သိန်း ပေါင်း (၁၁၃၁၀)သိန်းခန့် ဓားပြတိုက်သွားတာလို့ စစ်လော်ဘီတွေက ဖော်ပြပါတယ်။

ပြီးခဲ့တဲ့ ရက်ပိုင်းကလည်း မန္တလေးမြို့လယ် (၈၄)လမ်းပေါ်၊ (၄၂)လမ်းက ရွှေဆိုင် ဓားပြတိုက်ခံရပြီး ကျပ်သိန်း တစ်သောင်းကျော် ဆုံးရှုံးခဲ့ပါသေးတယ်။

စစ်အာဏာသိမ်းပြီးနောက် မန္တလေးမှာ လူသတ်၊ လုယက်၊ ဓားပြမှုတွေ ဆက်တိုက်ဖြစ်ပွားနေပြီး ကျူးလွန်သူတွေကို စစ်အုပ်စုက ဖမ်းဆီးအရေးတယူနိင်တာ မရှိသလောက်ပဲလို့ ဒေသခံတွေက ပြောပါတယ်။