စစ်ကိုင်းတိုင်း၊ အရာတော်မြို့နယ်၊ နောင်ကြီးအိုင်ရဲစခန်းကို ပြည်သူ့ကာကွယ်ရေးတပ်ဖွဲ့များက တိုက်ခိုက် သိမ်းပိုက်ခဲ့ရာ စစ်ကောင်စီ တပ်သား ၁၈ ဦးသေဆုံးခဲ့ကြောင်း NUG ကာကွယ်ရေးဝန်ကြီးဌာနက တရားဝင်ထုတ်ပြန်သည်။
နိုဝင်ဘာလ ၂ ရက်နေ့မှစ၍ အကြမ်းဖက်စစ်ကောင်စီတပ်သား ၃၂ ဦးဖြင့် တပ်စွဲထားသော နောင်ကြီး အိုင်ရဲစခန်းကို ပိတ်ဆို့ပြီး နေ့ည မပြတ် တိုက်ခိုက်ခဲ့ရာ အကြမ်းဖက်စစ်ကောင်စီတပ်သား၊ ရဲ ၁၈ ဦး သေဆုံးပြီး ဒီဇင်ဘာလ ၂၃ ရက်နေ့တွင် စခန်းစွန့်ခွာထွက်ပြေးသွားကြောင်း၊ ထို့ကြောင့် ပြည်သူ့ကာ ကွယ်ရေးတပ်ဖွဲ့များက ဝင်ရောက်ရှင်းလင်းပြီး စခန်းကို မီးရှို့ဖျက်ဆီးလိုက်ကြောင်း သိရသည်။
အဆိုပါ တိုက်ခိုက်မှုကို အရာတော်မြို့နယ်မြို့နယ်(ပကဖ) ၊ တိုက်နယ် ၁/၂/၃/၄/၅/၆/၇/၈ တာဝန် ခံများ နှင့် ရဲဘော်များ၊ ပြည်သူ့ ကာကွယ်ရေးတပ်မတော် (PDF) မုံရွာခရိုင် တပ်ရင်း ၆/၁၈/၁၉/၂၄/ ၂၆ တပ်ရင်းမှ ရဲဘော်များက စုပေါင်းကာ ဝိုင်းဝန်းပိတ်ဆို့ တိုက်ခိုက်ခဲ့ခြင်းဖြစ်ကြောင်း သိရသည်။
အရာတော်မြို့နယ်၊ နောင်ကြီးအိုင်ရဲစခန်း၌ တပ်စွဲထားသော အကြမ်းဖက်စစ်သား၊ ရဲများသည် စက် တင်ဘာလ ၁၀ ရက်နေ့မှစ၍ ကျေးရွာများကို မီးရှို့ခြင်း၊ ပြည်သူများကို ဖမ်းဆီးသတ်ဖြတ်ခြင်း၊ ဒေသ နေပြည်သူလူထုပိုင် ပစ္စည်းများကို ခိုးယူခြင်း လုပ်ဆောင်နေသဖြင့် ပြည်သူများကို ဘေးလွတ်ရာသို့ ရွှေ့ပြောင်းပြီး ပိတ်ဆို့တိုက်ခိုက်ခဲ့ခြင်းဖြစ်ကြောင်း သိရသည်။
Leave a Reply