အလင်းဝင်မယ်လို့ ပြောပြီး ထွက်ပြေးလို့ ပစ်ခတ်ရာ သေဆုံး
စစ်ကိုင်းတိုင်း စစ်ကိုင်းမြို့နယ် ညောင်ငုတ်တိုရွာ ပျူစခန်းကနေ ဆားတောင်မြို့ပေါ် စျေးဝယ်လာတဲ့ စစ်အုပ်စု တပ်မ(၃၃)က တပ်ကြပ်ကြီး ထွန်းထွန်းဝင်း ဆိုသူကို ဒီမနက်ပိုင်း ဖမ်းမိခဲ့ပြီး CDM လုပ်ဖို့ ပြောဆိုနေချိန် ထွက်ပြေးတဲ့အတွက် ပစ်ခတ်ရာ သေဆုံးတယ်လို့ ဆားတောင်မြို့ပြ ပြည်သူ့ကာကွယ်ရေး – ပကဖ က သတင်း ထုတ်ပြန်ပါတယ်။
ဒီနေ့ ဒီဇင်ဘာ(၂၅)ရက် မနက်(၁၁)နာရီလောက်က စစ်ကိုင်းမြို့ ညောင်ငုတ်တိုရွာ ပျူစခန်းမှာ အခြေပြု အထိုင်ချနေတဲ့ စစ်အုပ်စုထဲက တပ်ကြပ်ကြီး ထွန်းထွန်းဝင်း ဆိုသူ ဆားတောင်မြို့ပေါ် စျေးဝယ်လာချိန် ဆားတောင် ပကဖ က ဖမ်းမိခဲ့တာလို့ ဆိုပါတယ်။
“ဖမ်းမိပြီး စစ်တယ်၊ CDM လုပ်မယ် ပြောပြီး ထွက်ပြေးလို့ ပစ်သတ်လိုက်ရတာပါ” လို့ ဆားတောင်မြို့ပြ ပြည်သူ့ကာကွယ်ရေး – ပကဖ က ပြောပါတယ်။
အဲ့ဒီ စစ်အုပ်စု တပ်ကြပ်ကြီးဟာ စစ်ကိုင်းမြို့ တပ်မ(၃၃)က ဖြစ်ပြီး ညောင်ငုတ်တိုရွာ ပျူစခန်းမှာ တပ်စွဲနေတာလို့ ဆိုပါတယ်။ သူ့ထံကနေ လက်ပစ်ဗူုံ၊ ငွေအနည်းငယ်၊ စာရွက်စာတမ်းနဲ့ စျေးပစ္စည်းတချို့ သိမ်းဆည်း ရရှိတယ်လို့ ဆိုပါတယ်။
စစ်ကိုင်းမြို့နယ်ထဲက ညောင်ငုတ်တို၊ ကြွယ်ပုံ စတဲ့ ရွာတွေမှာ စစ်အုပ်စုက ပျူစခန်းဖွင့်ထားပြီး ဒေသခံတွေကို ပျူအဖြစ် လက်သပ်မွေးထားတာ ဖြစ်ပါတယ်။