စစ်သား ၁၇ ဦး သေကာလက်နက်ခဲယမ်းများရရှိခဲ့သည့်တိုက်ပွဲမှပြန်လာသော PDF များကိုဒေသခံများက သပြေပန်းများဖြင့်ကြိုဆို (ရုပ်သံ)

ဆားလင်းကြီးတိုက်ပွဲ စစ်ကောင်စီတပ် အထိနာ

မုံရွာမြို့၊အနောက်မြောက်တိုင်းစစ်ဌာနချုပ် (နမခ) မှထွက်လာပြီး ဆားလင်းကြီးမြို့နယ်အတွင်းသို့ ဝင်ရောက်လာသော အင်အား ၈၀ခန့်ပါစစ်ကောင်စီစစ်ကြောင်းကို ​တော်လှန်​ရေးအဖွဲ့များက ပိတ်ဆို့တိုက်ခိုက်ခဲ့ရာ စစ်ကောင်စီတပ်ဖွဲ့ဝင်၁၇ဦးထက်မနည်းသေဆုံးသွားကြောင်း ULF(ခရိုင် ပကဖ တိုက်ခိုက်ရေးစစ်ကြောင်း) ပြောရေးဆိုခွင့်ရှိသူ ကိုဂျော်ဒန်ကပြောသည်။

ထိုစစ်ကြောင်းသည် ဇန်နဝါရီလ ၁၉ ရက်နေ့က မုံရွာမြို့၊ အနောက်မြောက်တိုင်းစစ်ဌာနချုပ်မှစစ်ကြောင်းမှ ဆားလင်းကြီးနယ်သို့ စတင်ကူးသန်းလာခြင်းဖြစ်သည်။ ထို့နောက် ဆားလင်းကြီးနယ်မှတဆင့် ဆက်လက်စစ်ကြောင်းထိုးရာ ပုလဲ၊ယင်းမာပင်၊ဆားလင်းကြီး သုံးမြို့နယ် အစပ်ရှိ လက်တောင်းငယ်ကျေးရွာအနီး၌ ဇန်နဝါရီလ ၂၁ ရက်နေ့ နေ့လယ် ၁နာရီခွဲခန့်ကတိုက်ခိုက်ခံရခြင်းဖြစ်ကြောင်း ဒေသတွင်းတော်လှန်ရေးအင်အားစုများက ပြောသည်။

” စစ်​ေ-စစ်ကြောင်းက နားနေတာ။ အဲ့ဒါကို အီနာဂါနဲ့ ပစ်ပြီး ဝရုန်းသုန်းကားဖြစ်နေချိန်မှာ လေးဘက် လေးတန်ကနေ ဝိုင်းပစ်တာ။ကျတော်တို့ ဗျူဟာကောင်းသွားတယ်‌ ပြောရမယ်” ဟု ULF(ခရိုင် ပကဖ တိုက်ခိုက်ရေးစစ်ကြောင်း) ပြောရေးဆိုခွင့်ရှိသူ ကိုဂျော်ဒန်ကပြောသည်။

ထိုကြောင်းသည် ဆားလင်းကြီးမြို့နယ်အတွင်းသို့ ဇန်နဝါရီလ ၁၉ရက်တွင် ဝင်ရောက်လာခြင်းဖြစ်သည်။

ခရိုင်ရင်း၏ ကွပ်ကဲမှုဖြင့်စစ်ဆင်ရေးဗျူဟာကို သေချာပြင်ဆင်ပြီးနောက် တိုက်ခိုက်ခဲ့ခြင်းဟု ULFက ဆိုသည်။ တိုက်ပွဲဖြစ်ပွားချိန် ၄ နာရီခန့်ကြာမြင့်ခဲ့သည်ဟု ကိုဂျော်ဒန်ကပြောသည်

” ၁၇ ယောက်သေတယ်။ ဒဏ်ရာရတာတွေများတယ်။ ၃၀ လောက်ပဲ အကောင်းကျန်တယ်။ သူတို့ အလောင်းတွေ ပြန်ဆွဲပေမယ့်ကျန်ခဲ့တာတွေကျွန်တော်တို့ရလိုက်တယ်။ လက်နက်ခဲယမ်းတွေလည်းရတယ်” ဟု ကာကွယ်ရေးရဲဘော်တဦးကပြောသည်။

တိုက်ပွဲအတွင်း MA-3 တစ်လက်၊ RPG အဖူး ၄ ဖူး၊ 60 အဖူး ၄ ဖူး၊ 40 မမ ဗုန်းသီး ၁၅ လုံး၊ 5.56 ကျည် အတောင့် ၂၀၀၀ကျော် နှင့် ခဲယမ်းပစ္စည်းများ သိမ်းဆည်းရရှိခဲ့ကြောင်းULF ကအသိ​ပေးသည်။

တိုက်ပွဲတွင်ULF(ခရိုင် ပကဖ တိုက်ခိုက်ရေးစစ်ကြောင်း)မှ ရဲဘော် ငါးဦးလည်း လက်နက်ကြီးထိမှန်မှုကြောင့် ဒဏ်ရာရရှိခဲ့သော်လည်း အသက်အန္တရာယ် မစိုးရိမ်ရကြောင်း သတင်းရရှိသည်။

တိုက်ခိုက်ခံရသည့်စစ်ကောင်စီတပ်စစ်ကြောင်းသည် ပုလဲမြို့နယ်အတွင်းသို့ဝင်ရောက်သွားကြောင်းသိရသည်။

တိုက်ပွဲပြန်ပြည်သူ့ကာကွယ်​ရေးတပ်ဖွဲ့ဝင်များကို ပြည်သူများက သ​ပြေပန်းများဖြင့် ကြိုဆိုခဲ့​ကြ​ကြောင်းလည်း ​ဒေသခံအချို့က​ပြောသည်။

စစ်ကိုင်းတိုင်း၊ပုလဲ-ယင်းမာပင်-ဆားလင်းကြီး သုံးမြို့နယ်အစပ် လက်တောင်းငယ်ကျေးရွာအနီးတွင် စစ်ကောင်စီစစ်ကြောင်းကို ကြားဖြတ်ဝင်တိုက်ခိုက်ရာ စစ်သား ၁၇ ဦးသေဆုံးကာ လက်နက်ခဲယမ်းများရရှိခဲ့သည့်တိုက်ပွဲမှပြန်လာသော PDFများကိုဒေသခံများက သပြေပန်းများဖြင့်ကြိုဆို ခဲ့ကြောင်းသိရသည်။

ဇန်နဝါရီလ ၂၁ ရက် နေ့လယ် ၁ နာရီခွဲဝန်းကျင်မှစ၍ ယင်းမာပင်မြို့နယ်၊လက်တောင်းငယ်ရွာသို့ စစ်ကြောင်းထိုးလာသည့် အင်အား ၈၀ ပါစစ်ကြောင်းကို ဒေသကာကွယ်ရေးတပ်ဖွဲ့များက ၄ နာရီကြာ ကြားဖြတ်တိုက်ခိုက်ခဲ့ခြင်းဖြစ်ပြီး စစ်သား ၁၇ ဦးသေဆုံးကာ ၊MA-3 ၁လက်၊RPG အဖူး ၄ ဖူး၊၆၀ မမ အဖူး ၄ ဖူး၊၄၀ မမ ဗုံးသီး ၁၅ လုံး၊၅.၅၆ကျည် ၂၀၀၀ကျော် နှင့်ခဲယမ်းပစ္စည်းမျိုးစုံတို့ကို သိမ်းဆည်းရမိခဲ့ကြောင်းသိရသည်။

ယင်းတိုက်ပွဲအတွင်း စစ်ကောင်စီဘက်မှစစ်သား ၁၇ ဦးသေဆုံးတဲ့အပြင် ဒဏ်ရာရသူများပြားပြီး မဟာမိတ်PDFတပ်ပေါင်းစုဘက် ရဲဘော် ၅ ဦး လည်းမစိုးရိမ်ရသည့်ဒဏ်ရာရရှိခဲ့ကြောင်းသိရသည်။

ထို့နောက်တိုက်ပွဲအပြီး နေရပ်သို့ပြန်ချိန်တွင် လမ်းတလျှောက်ရှိဒေသခံများမှ သပြေပန်းဖြင့်ကြိုဆိုသလို ဂုဏ်ပြုငွေများချီးမြှင့်နေသည်ကိုလည်း ရုပ်သံထဲတွင် မြင်တွေ့ရသည်။

အဆိုပါတိုက်ခိုက်မှုကို ခရိုင်ကွပ်ကဲရေး၏ လမ်းညွှန်မှုဖြင့် ULF(ခရိုင် ပကဖ တိုက်ခိုက်ရေးစစ်ကြောင်း)နှင့် ဒေသခံ LPDFများ၊တပ်ရင်း၊တပ်ဖွဲ့များ ပူးပေါင်းတိုက်ခိုက်ခဲ့ခြင်းဖြစ်သည်။