မွန်ပြည်နယ် မုဒုံမြို့နယ်ရှိ အကြမ်းဖက်စစ်တပ်လက်အောက်ခံ ပြည်သူ့စစ်ခေါင်းဆောင် ၃ ဦးကို ဖမ်းဆီးကာ လက်နက်များကို သိမ်းဆည်းခဲ့ကြောင်း မွန်ပြည်သစ်ပါတီ (NMSP-AD) မှ ပြောရေးဆိုခွင့်ရှိသူ နိုင်ဗညားမွန်က ပြောဆိုသည်။
မတ်လ ၂ ရက်နေ့ ကော့ခပီထဝ်နှင့် ကမာဝက်စိန်တောင်ရှိ ပြည်သူ့စစ်များနေရာကို ဝင်ရောက်၍ ပြည်သူ့စစ်ခေါင်းဆောင် ၃ ဦးကို ဖမ်းဆီးကာ လက်နက် ၁၅ လက်ခန့် သိမ်းဆည်းခဲ့ခြင်းဖြစ်ကြောင်း မွန်ပြည်သစ်ပါတီ (NMSP-AD) ၏ ပြောရေးဆိုခွင့်ရ နိုင်ဗညားမွန် က ပြောကြားသည်။
” ကျနော်တို့တပ်တွေက ကော့ခပီထဝ် နဲ့ ကမာဝက်စိန်တောင် ရှိ ပြည်သူ့စစ်လက်နက်တွေ သိမ်းဆည်းပြီး သူတို့ခေါင်းဆောင်တွေကို ဖမ်းဆီးလိုက်ပါတယ်”ဟု မွန်ပြည်သစ်ပါတီ(NMSP-AD)၏ ပြောရေးဆိုခွင့်ရ နိုင်ဗညားမွန် က ရန်ကုန်ခေတ်သစ်သတင်းဌာနသို့ ပြောဆိုသည်။
မွန်ပြည်သစ်ပါတီက ပြည်သူ့စစ်များ ဖမ်းဆီး၍ လက်နက်များကို သိမ်းဆည်းပြီးနောက်တွင် အကြမ်းဖက်စစ်တပ်ဘက်က မွန်ပြည်သစ်ပါတီ အဖွဲ့ဝင်အချို့၏ မိသားစုဝင် အမျိုးသမီး ၃ ဦးကို ဖမ်းဆီးသွားခဲ့ကြောင်း သိရှိရသည်။
Leave a Reply