ပျူနှင့် စစ်တပ်မိသားစုဝင်များစတင်လက်နက်ချအလင်းဝင်
ပြည်သူ့ကာကွယ်ရေးတပ်ဖွဲ့များ တိုက်ခိုက်နေသည့်ဒီပဲယင်းမြို့သိမ်းတိုက်ပွဲ၌ စစ်ကောင်စီက လေကြောင်းမှအပြင်းအထန် ပစ်ကူပေးတိုက်ခိုက်နေပြီး မြေပြင်စစ်ကောင်စီတပ်ဖွဲ့မှ ပျူစောထီးများနှင့် စစ်တပ်မိသားစုဝင်များ လက်နက်ချအလင်းဝင်လာသည်။
ဒီပဲယင်းမြို့သိမ်းတိုက်ပွဲကို ယမန်နေ့(ဩဂုတ်လ ၁၆ရက်)က စတင်ခဲ့ပြီး တိုက်ပွဲအပြင်းအထန်ဖြစ်ခဲ့သည်။ ယနေ့ (သြဂုတ် ၁၇) နံနက်ပိုင်းတိုက်ပွဲ၌ စစ်ကောင်စီက ဂျက်ဖိုက်တာဖြင့်ရော Y12 လေယာဉ်ဖြင့်ပါ တိုက်ခိုက်ခဲ့ကြောင်း ကာကွယ်ရေးရဲဘော်တစ်ဦးကပြောသည်။
” Y12နဲ့ဆို ဗုံးအလုံး ၆၀ လောက်အထိကြဲတာ။ ပေါင် ၅၀၀ လည်း ကြဲတယ်။တိုက်ပွဲက မနေ့က စတိုက်တာမှာ ရဲစခန်း၊ ထွေအုပ်ရုံးကကောင်တွေအကုန်လုံး ရဲစခန်းရှေ့က သုံးထပ်တိုက်မှာ ပြောင်းတပ်စွဲတယ်။ အဲ့နေရာက မြေအောက်ခန်းလည်း ရှ်ိတယ်။ မနေ့ကတည်းက လက်နက်ချဖို့ညှိတာ။ ဒီနေ့တော့ ပျူတွေနဲ့ တပ်မိသားစုဝင်တွေ ထွက်လာပြီး လက်နက်ချတယ်။ စစ်တပ်ကတော့ လက်နက်မချသေးဘူး”ဟု အဆိုပါ ရဲဘော်ကပြောသည်။
တိုက်ပွဲဆက်ပြင်းထန်နေပြီး ဒီပဲယင်းမြို့သို့ ရေဦးမြို့ဘက်မှ စစ်ကူလာနေသည့် အင်အား ၁၀၀ ခန့်ပါ စစ်ကြောင်းကို ရေဦးမြို့နယ်မှ ပြည်သူ့ကာကွယ်ရေးပူးပေါင်းတပ်များက ပိတ်ဆို့ဖြတ်တောက်တိုက်ခိုက်ခဲ့သည်။
” ဒီပဲယင်းနဲ့ ငါးမိုင်လောက်အကွာကနေ ဖြတ်တောက်ထားတာ။ အေးဆေးပဲ။ ဒီပဲယင်းက
ရတော့မှာပါ”ဟုကာကွယ်ရေးရဲဘော်တစ်ဦးကပြောသည်။
တိုက်ပွဲကြောင် ဒီပဲယင်း-ရေဦးလမ်းတစ်လျှောက်မှ ကျေးရွာများမှပြည်သူများ ယာယီထွက်ပြေးတိမ်းရှောင်နေကြရသည်။
ဒီပဲယင်းမြို့သိမ်းတိုက်ပွဲကို အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊
အမှတ်(၁) စစ်ဒေသ၏ ကွပ်ကဲမှုဖြင့် ဒီပဲယင်း၊ ရေဦး၊ ဘုတင်လင် ပကဖများအပါအဝင် ပြည်သူ့ကာကွယ်ရေးတပ်ဖွဲ့များ ပူးပေါင်းတိုက်ခိုက်နေခြင်းဖြစ်သည်။
ထိုအပြင်စစ်ကိုင်းတိုင်းအတွင်း အင်းတော်နှင့် ပင်လည်ဘူးမြို့တို့တွင်လည်း ပြည်သူ့ကာကွယ်ရေးတပ်ဖွဲ့များက တချိန်တည်းမှာပင် မြို့သိမ်းတိုက်ပွဲ ဆင်နွှဲနေသည်။
Leave a Reply