ဒီကနေ့ မတ် ၃၁ ရက် မနက်အစောပိုင်း မန္တလေးမှာ အားပြင်းတဲ့ ငလျင်တစ်ကြိမ် ထပ်လှုပ်ခဲ့တယ်လို့ မြို့ခံတွေကပြောပါတယ်။
“၂ နာရီ ၄၅ မိနစ်ဝန်းကျင်လောက်မှာ လှုပ်တာ” လို့ မြို့ခံတစ်ဦးက ပြောပါတယ်။
မတ် ၂၈ ရက်က ငလျင်ကြီးလှုပ်ပြီးနောက်ပိုင်းလည်း နောက်ဆက်တွဲငလျင်ငယ်တွေ မတ် ၃၀ ရက်အထိ ဆက်လှုပ်နေဆဲဖြစ်ပြီး ဒီနေ့ မနက်လှုပ်ခတ်တဲ့ ငလျင်ကတော့ အားပြင်းတယ်လို့ ဒေသခံတွေက ပြောပါတယ်။
ငလျင်ကြီးလှုပ်ခတ်လို့ မန္တလေးတစ်မြို့လုံးနီးပါးက အဆောက်အဦတွေ ပြိုကျပျက်စီးပြီး လူတွေလည်း ပိတ်မိနေတာကြောင့် လက်ရှိအချိန်အထိ အိမ်ထဲ ပြန်မဝင်ရဲဘဲ လမ်းမပေါ်မှာပဲ ယာယီတဲထိုးပြီး နေနေရတယ်လို့ သိရပါတယ်။