(၇)ရက်သားသမီးအလှူအဖြစ် ပဲခူးမြို့ရေဘေးအတွက် အလှူငွေ သိန်း (၁၀၀) ကျပ်တိတိ လှူဒါန်းခဲ့တဲ့ ခိုင်နှင်းဝေ

ပရိသတ်ကြီးရေ ….

မြန်မာ့ရုပ်ရှင်လောကရဲ့ မင်းသမီးကြီး ခိုင်နှင်းဝေဟာ ပရိသတ်တွေရဲ့ အချစ်တွေကို အပြည့်အဝရရှိထားတဲ့ သရုပ်ဆောင်တစ်ယောက်ပဲ ဖြစ်ပါတယ်။

သူမဟာ သူမရဲ့သရုပ်ဆောင်စွမ်းရည်ကြောင့်သာမက ပြည့်ဝလွန်းတဲ့ စိတ်ထားကြောင့်ပါ ပရိသတ်တွေရဲ့ နှလုံးသားကို သိမ်းပိုက်ထားနိုင်ခဲ့တာ ဖြစ်ပါတယ်။

သရုပ်ဆောင် ခိုင်နှင်းဝေကတော့ အနုပညာလောကမှာ နာမည်တစ်လုံးနဲ့ ရပ်တည်နေတဲ့ မင်းသမီးတစ်ယောက်ပဲဖြစ်ပါတယ်။

ခိုင်နှင်းဝေဟာ ခိုင်နှင်းဝေဖောင်ဒေးရှင်းကို တည်ထောင်ထားပြီး မိဘမဲ့ကလေးတွေကို သူမရဲ့ မေတ္တာနဲ့ လွှမ်းခြုံပေးထားတာလည်း ဖြစ်ပါတယ်။

အကယ်ဒမီဆုကြီးနဲ့ လွဲချော်ခဲ့ပေမယ့် ပရိသတ်တွေရဲ့ အားပေးမှုကြောင့် ခိုင်မာတဲ့နေရာတစ်နေရာမှာ ရပ်တည်နေတဲ့ ခိုင်နှင်းဝေဟာ ပရဟိတအလုပ်တွေကိုလည်း စွမ်းစွမ်းတမံ လုပ်ဆောင်နေလျက်ရှိတာပဲဖြစ်ပါတယ်။

ကလေးတွေကို သူမရဲ့သားသမီးအရင်းကဲ့သို့ စောင့်ရှောက်နေတဲ့ သူလည်း ဖြစ်ပါတယ်။

ကလေးတွေဟာ သူမလက်ထဲမှာ ရှိနေရင်ပျော်နေကြပြီး သူမကလည်း သားသမီးလေးတွေရဲ့ အပြုံးကို မြင်နေရတာနဲ့တင် အမောတွေပြေနေတဲ့သူလည်း ဖြစ်ပါတယ်။

အကူအညီလိုအပ်တဲ့နေရာဒေသ လူပုဂ္ဂိုလ်တိုင်းကို တတ်စွမ်းသလောက် ကူညီပေးနေတဲ့ ခိုင်နှင်းဝေဟာ ဒီတစ်ခါမှာလည်း ရေကြီးနေတဲ့ ပဲခူးမြို့အတွက် အလှူငွေတွေ လှူဒါန်းခဲ့တယ်လို့ဆိုပါတယ်။

ခိုင်နှင်းဝေက “ပဲခူးမြို့ ​ရေဘေး အတွက် ငွေကျပ် သိန်း (၁၀၀) ကျပ် တိတိ ကို ခုနှစ်ရက် သားသမီးများ အလှူ အဖြစ် လိုအပ်သော နေရာများ၊ ကယ်ဆယ်ရေး အသင်းများ သို့ ဆက်သွယ် လှူဒါန်းဖြစ်ပါတယ်ရှင်..🙏🙏🙏
Khine Hnin Wai Foundation” ဆိုပြီး သူမရဲ့ ဖေ့စ်ဘုတ်စာမျက်နှာကနေ အသိပေးလာခဲ့ပါတယ်။

ခိုင်နှင်းဝေကတော့ သူမရဲ့ ဂေဟာကို လာရောက်လှူဒါန်းကြတဲ့ အလှူရှင်တွေရဲ့ အလှူငွေနဲ့ ငွေသိန်း (၁၀၀)ကျပ်တိတိကို လှူဒါန်းခဲ့တာပဲဖြစ်ပါတယ်။

ပရိသတ်ကြီးလည်း ခိုင်နှင်းဝေနဲ့ (၇)ရက်သားသမီးတွေရဲ့ ကုသိုလ်လေးအတွက် ထပ်တူဝမ်းမြောက်စွာ သာဓုခေါ်ဆိုပေးကြပါဦးနော်။