ဇကျမ်းရဲစခန်း တိုက်ခိုက်ခံရပြီး စစ်ကူလာတဲ့ သီတာယုမွန်အဖွဲ့ ထပ်မံမိုင်းဆွဲခံရလို့ ၂၂ ဦးသေဆုံးဟုဆို (ရုပ်/သံ)

မန္တလေးတိုင်း၊ တောင်သာမြို့နယ်၊ ဇကျမ်းရဲစခန်းကို တိုက်ခိုက်ခဲ့တဲ့အပြင် ကား ၄ စီးနဲ့ စစ်ကူလာတဲ့ ပျူစောထီးခေါင်း‌ဆောင် သီတာယုမွန်အဖွဲ့ကို မြင်းခြံလမ်းပေါ်မှာ ထပ်မံမိုင်းဆွဲတိုက်ခိုက်ခဲ့တယ်လို့ Freedom Revolution Force အဖွဲ့ဆီက သိရပါတယ်။

ရဲနဲ့ စစ်သား အင်အား ၃၀ ခန့်ရှိတဲ့ ဇကျမ်းရဲစခန်းကို နိုဝင်ဘာ ၁၂ ရက် မနက် ၅ နာရီ ၄၅ မိနစ်လောက်မှာ တိုက်ခိုက်ခဲ့တာဖြစ်ပြီး မြင်းခြံဘက်က ကား ၄ စီးနဲ့ စစ်ကူလာတဲ့ ပျူစောထီးခေါင်း‌ဆောင် သီတာယုမွန်အဖွဲ့ကိုလည်း အဲဒီနေ့မနက် ၆ နာရီ ၁၅ မိနစ်မှာ ထပ်မံမိုင်းဆွဲခဲ့တာလို့ ဆိုပါတယ်။

အဆိုပါ ဇကျမ်းရဲစခန်းကို ကာကွယ်ရေးပူပေါင်းအဖွဲ့တွေ ဝင်ရောက်တိုက်ခိုက်စဉ် စစ်ကူလာတဲ့ သီတာယုမွန်အဖွဲ့ကိုလည်း မြင်းခြံကားလမ်းတနေရာမှာ မိုင်းဆွဲတိုက်ခိုက်ခဲ့လို့ ဇကျမ်းရဲစခန်းက အပါအဝင် စစ်အုပ်စုဘက်က ၂၂ ယောက် သေဆုံးတယ်လို့ Freedom Revolution Force တာဝန်ခံ Lion က ပြောပါတယ်။

ဒီတိုက်ခိုက်မှုကို Freedom Revolution Force၊ Burmese Guerilla Force (BGF)၊ တောင်သာမြို့နယ် ပကဖ နှင့် မဟာမိတ်ပူးပေါင်းတပ် တို့က လုပ်ဆောင်ခဲ့တာ ဖြစ်ပါတယ်။