အတင်းအဓမ္မပေါ်တာဆွဲ ဖမ်းဆီးရာ၌ ပူးပေါင်း ပါဝင်နေသည့် ရာအိမ်မှူး အေးထွန်း ပစ်ခတ်ခံရပြီး သေဆုံး

သဲကုန်းမြို့နယ်တွင် စစ်တပ်က ပြည်သူများကို အတင်းအဓမ္မပေါ်တာဆွဲ ဖမ်းဆီးရာ၌ ပူးပေါင်း ပါဝင်နေသည့် ရာအိမ်မှူး အေးထွန်း ပစ်ခတ်ခံရပြီး သေဆုံး

ပဲခူးတိုင်း၊ သဲကုန်းမြို့နယ်တွင် အကြမ်းဖက် စစ်တပ်က ပြည်သူများကို အတင်းအဓမ္မပေါ်တာဆွဲ ဖမ်းဆီးရာ၌ ပူးပေါင်း ပါဝင်နေသည့် ရာအိမ်မှူး အေးထွန်းကို ပစ်ခတ် တိုက်ခိုက်ရာ သေဆုံးခဲ့ကြောင်း သဲကုန်းမြို့နယ် ပကဖအဖွဲ့ တာဝန်ခံက ပြောဆိုသည်။

ဒီဇင်ဘာလ ၈ ရက်နေ့ နံနက် အစောပိုင်း ၁ နာရီ ၄၀ မိနစ်ခန့်တွင် သဲကုန်းမြို့နယ်၊ နွယ်ကောက်ရွာ ရာအိမ်မှူး အေးထွန်းကို သဲကုန်းမြို့နယ် ပကဖ နှင့် ပေါင်းတည်မြို့နယ် ပကဖ မှ တော်လှန်ရေး ရဲဘော်များက ပစ်ခတ်တိုက်ခိုက်ရာ ပွဲချင်းပြီး သေဆုံးခဲ့ကြောင်း သိရသည်။

သေဆုံးသွားသော ရာအိမ်မှူး အေးထွန်းသည် အကြမ်းဖက် စစ်ကောင်စီ တပ်သားများနှင့် တက်ကြွစွာ ပူးပေါင်းပြီး မမှန်သတင်းပေး တိုင်တန်းခြင်း၊ ပြည်သူများကို မတရားဖမ်းဆီး နှိပ်စက်ခြင်း၊ တော်လှန်ရေးရဲဘော်များကို စောင့်ကြည့် ဖမ်းဆီးခြင်း၊အဓမ္မ စစ်သားစု‌ဆောင်းရေးအကြောင်းပြ၍ မတရားငွေကြေးမျာ းတောင်းယူခြင်း၊ ၎င်းနှင့် အဆင်မပြေသူများကို အကြမ်းဖက် စစ်တပ် အလိုကျ စစ်မှူထမ်း အဖြစ် အဓမ္မ ဖမ်းဆီးခိုင်းခြင်းများ လုပ်ဆောင်နေပြီး ပြည်သူများကို နည်းမျိုးစုံ ဒုက္ခပေးနေသောကြောင့် ပစ်ခတ် တိုက်ခိုက်ခဲ့ခြင်းဖြစ်ကြောင်း သိရှိရသည်။

“ရာအိမ်မှူး အေးထွန်းက စစ်ခွေး၊ ရဲခွေးတွေနဲ့ တက်ကြွစွာ ပူးပေါင်းပြီး သူ့ရဲ့ ကိုယ်ကျိုးအတွက် ပြည်သူလူထုအပေါ် နည်းမျိုးစုံ မတရားမှုတွေ ပြုလုပ်‌နေတဲ့သူပါ ပြည်သူတွေ သတင်းပေး တိုင်ကြားချက်တွေလည်း လက်ခံရရှိခဲ့ပါတယ်။ ကျန်တော်တို့ အချိန်ယူစောင့်ကြည့် စုံစမ်းစစ်‌ဆေးချက်များအရ တိုင်ကြားချက်များ မှန်ကန်တဲ့အတွက် သူ့ကို ချက်ခြင်းရပ်တန့်ဖို့ သတိ‌ပေးခဲ့ပါတယ်။ အဲတာကို လိုက်နာခြင်းမရှိဘဲ ဆက်လက် ကျူးလွန်နေတဲ့ အတွက် ပစ်ခတ် တိုက်ခိုက်ခဲ့တာပါ” ဟု သဲကုန်းမြို့နယ် ပကဖအဖွဲ့ တာဝန်ခံက ပြောဆိုသည်။

သဲကုန်းမြို့နေ ပြည်သူများကို အကြမ်းဖက် စစ်တပ် အလိုကျ မတရားဖိနှိပ်အုပ်ချုပ်ခြင်း၊ ရပ်ကွက်နှင့် ကျေးရွာများ အပါအဝင် ခရီးသွား ပြည်သူများကို စစ်မှူထမ်းအဖြစ် ပေါ်တာဆွဲခြင်း၊ မတရားဖမ်းဆီးငွေညှစ်ခြင်း လုပ်ရပ်များဖြင့် ပြည်သူ့တော်လှန်ရေးကိုနှောက်ယှက်တားဆီးလျှက်ရှိ‌သော အကြမ်းဖက် စစ်ကောင်စီ ဒေါက်တိုင် စစ်ကောင်စီ တပ်သားများ အပါအဝင် ပျူစောထီးနှင့် အုပ်ချုပ်ရေးမှူးများကို အပြစ်ပေးရန် အမြဲစောင့်ကြည့်လျက်ရှိသောကြောင့် မတရားစစ်မှုထမ်း စုဆောင်းခြင်း၊ ငွေကောက်ခံခြင်း၊ အကြမ်းဖက် စစ်ကောင်စီနှင့်ပူးပေါင်း၍ မည်သည့်နည်းလမ်းဖြင့်မဆို ပြည်သူလူထုကို ဒုက္ခပေးခြင်းများ လုံးဝ မပြုလုပ်ရန် သဲကုန်းမြို့နယ် ပကဖအဖွဲ့ တာဝန်ခံက သတိပေး ပြောဆိုသည်။