နမ့်ဆန်မြို့ တိုက်ပွဲတွင် စစ်ကောင်စီတပ်ဘက်မှ ထိခိုက်သေဆုံးမှုများပြား

ရှမ်းပြည်နယ်မြောက်ပိုင်း၊ နမ့်ဆန်မြို့အတွင်း ဖြစ်ပွားသော တိုက်ပွဲတွင် စစ်ကောင်စီတပ်ဘက်မှ ထိခိုက်သေဆုံးမှုများပြားကြောင်း တအာင်း TNLA သတင်းရင်းမြစ်က ပြောဆိုသည်။

ဒီဇင်ဘာလ ၁၂ ရက်နေ့ နမ့်ဆန်မြို့နယ်တွင် စစ်ကောင်စီတပ်နှင့် TNLA တို့ တိုက်ပွဲဖြစ်ပွားခဲ့ကြောင်း ၊ နမ့်ဆန်မြို စစ်ကောင်စီတပ်စခန်းကို ယမန်နေ့ ညနေ ၅ နာရီ ၄၀ မိနစ် အချိန်တွင် တိုက်ခိုက်ရာ စစ်ကောင်စီတပ်နှင့် တအာင်းတပ်မတော် PSLF/TNLA တို တိုက်ပွဲဖြစ်ပွားခဲ့ကြောင်း သိရှိရသည်။

တိုက်ပွဲ ပြင်းထန်စွာဖြစ်ပွားခဲ့သော နမ့်ဆန်မြို့နယ်ဘက်သို စစ်ကောင်စီ မန်တုံ ၁၃၀ တပ်စခန်းက လက်နက်ကြီးဖြင့် ၁၀ကြိမ် ပစ်ခတ်တိုက်ခိုက်ခဲ့ပြီး စစ်ကောင်စီတပ်က နမ့်ဆန်မြိုနယ်အတွင်း Y12 လေယာဥ်ဖြင့် ဗုံး ၄ ကြိမ် လာရောက်ကြဲချခဲ့ကြောင်း သိရှိရသည်။

အလားတူ ဒီဇင်ဘာ ၁၁ ရက်နေ့ နံနက် ၅ နာရီ ၀၃ မိနစ် အချိန် နမ့်ဆန်မြိုနယ် စစ်ကောင်စီ ရဲစခန်းကို တအာင်းတပ်မတော် PSLF/TNLA မှ ဝင်ရောက်ရှင်းလင်း သိမ်းပိုက်နိုင်ခဲ့ကြောင်း၊ ၎င်းတိုက်ပွဲအတွင်း စစ်ကောင်စီ၏ ပစ္စတို ၃ လက်၊ လက်နက် ၁၄ လက်၊ ခဲယမ်းများစွာနှင့် စစ်သုံးပစ္စည်းများ သိမ်းဆည်းရမိခဲ့ကြောင်း သိရှိရသည်။

ရှမ်းပြည်နယ်မြောက်ပိုင်း၊ နမ့်ခမ်းမြို့နယ်တွင် နမ့်ခမ်းစခန်းသစ်ကုန်း မကျဆုံးစေရေးအတွက် စစ်ကောင်စီက ရဟတ်ယာဉ်ဖြင့် ချထားပေးသော အင်အား ၁၀၀ နီးပါးပါ စစ်ကြောင်းကို TNLA က တိုက်ခိုက်ရာ စစ်တပ်ဘက်မှ သေဆုံးမှုများပြားပြီး လက်နက်ခဲယမ်း အများအပြား သိမ်းဆည်းရရှိကြောင်း TNLA က တရားဝင် သတင်းထုတ်ပြန်သည်။

နမ့်ခမ်းမြိုရှိ စစ်ကောင်စီ စခန်းသစ်မကျဆုံးရေးအတွက် စစ်ကောင်စီတပ်က ရဟတ်ယာဥ်ဖြင့် ပိုဆောင်လိုက်သော စစ်ကူလူအင်အားများကို တအာင်းတပ်မတော် PSLF/TNLA က လိုက်လံရှင်းလင်းချေမှုန်းနိုင်ခဲ့ကြောင်း၊ ယမန် နေ့ ဒီဇင်ဘာ ၁၂ ရက်နေ့တွင် စစ်ကောင်စီတပ်မှ စခန်းသစ်ကုန်းဘက်သို စစ်ကူပေးရန် နမ့်ခမ်းမြိုနယ်၊ နောင်ကောင်ကျေးရွာ သချိုင်းကုန်းနှင့် ကွန်လုံကျေးရွာဘောလုံးကွင်းဘက်တွင် ရဟတ်ယာဥ်ဖြင့် စစ်ကူလူအင်အား ၁၀၀ နီးပါးကို ၃ ကြိမ် လာရောက်ပိုချခဲ့ကြောင်း သိရှိရသည်။

စစ်ကောင်စီတပ်က ပို့ဆောင်လိုက်သော စစ်ကူတပ်ကို တအာင်းတပ်မတော် PSLF/TNLA က လိုက်လံရှင်းလင်းချေမှုန်းရာ စစ်ကောင်စီတပ်မှ ဖယိုဖရဲဖြစ်ပြီး အများအပြား သေဆုံးခဲ့ကြောင်း၊ ချေမှုန်းခံလိုက်ရသော စစ်ကောင်စီတပ်ထံမှ လက်နက်မျိုးစုံ (၁၉)လက်၊ ကျည်ဆံ (၄)သေတ္တာ၊ ဆက်သွယ်ရေးစက်၊ ဆေးဝါးများနှင့် စစ်သုံးဆောင်ပစ္စည်းများ သိမ်းဆည်းရမိခဲ့ကြောင်း သိရှိရသည်။

စစ်ကောင်စီတပ်မှ စခန်းသစ်မကျဆုံးရေးအတွက် စစ်ကူလူအင်အားများ ပို့ ဆောင် ခြင်းသော်လည်းကောင်း၊ လက်နက်ကြီးဖြင့်သော်လည်းကောင်း၊ လေကြောင်းတိုက်ခိုက်မှုဖြင့်သော်လည်းကောင်း နေ့စဥ်ရာချီ အသုံးပြုတိုက် ခိုက်နေကြောင်း၊ ထို့ပြင် စစ်ရေးပစ်မှတ်မဟုတ်သော နမ့်ခမ်းမြိုနယ်ရှိ ကျေးရွာများကိုလည်း နေ့စဥ်ဦးတည်ပစ်ခတ်တိုက်ခိုက်နေကြောင်း သိရှိရသည်။