ကောလင်းမြို့ မင်းတဲကြီးရပ်ကွက်အတွင်းဝင်​ရောက်လာ​​သောစစ်​ကောင်စီတပ်ကို​တော်လှန်​ရေးအဖွဲ့များမြို့ပြင်သို့တိုက်ထုတ်နိုင်ခဲ့

ကောလင်းမြို့တွင် ​ခြောက်ရက်ဆက် တိုက်ပွဲပြင်းထန်​နေပြီး မြို့​ပေါ်ရှိ မင်းတဲကြီးရပ်ကွက်သို့ ထိုး​ဖောက်ဝင်​ရောက်လာ​သောစစ်​ကောင်စီတပ်ကို ​တော်လှန်​ရေးတပ်ဖွဲ့များက တိုက်ထုတ်နိုင်ခဲ့​ကြောင်း ​တော်လှန်​ရေးအင်အားစုများကသတင်းထုတ်ပြန်သည်။

“လက်ရှိအချိန်တွင်မင်းတဲကြီးရပ်ကွက်မှစစ်ကြောင်းမှာ တော်လှန်ရေးတပ်များလိုက်လံပစ်ခတ်မှုကြောင့်ကောလင်းတောင်ဘက် ဆိုင်ဒူးရွာသို့ ဆုတ်ခွာထားပြီး ကောလင်းမြောက်ခြမ်းမှတိုးလာသော စစ်ကြောင်းမှာ ကျွန်းလှခုံရွာထိဆုတ်ခွာထားကြောင်းသတင်းရရှိပါတယ်”ဟု ​ကောလင်းမြို့ တိုက်ပွဲသတင်းများ​ဖော်ပြ​ပေး​နေ​သောKawlin Revolution-KR က ယနေ့ညတွင် ထုတ်ပြန်သည်။

​တော်လှန်​ရေးတပ်ဖွဲ့များက နိုဝင်ဘာလတွင် သိမ်းပိုက်ထိန်းချုပ်ထား​​​​သော ခရိုင်မြို့ ​ကောလင်းကို စစ်​ကောင်စီက ပြန်လည်သိမ်းပိုက်နိုင်ရန် ဇန်နဝါရီ လကတည်းက ပြင်ဆင်ပြီး ​ဖေ​ဖော်ဝါရီ ၃ ရင်ညတွင် ပြန်လည်ထိုးစစ်ဆင်တိုက်ခိုက်လာခြင်းဖြစ်သည်။

စစ်ကောင်စီတပ်သည် လက်နက်ကြီးပစ်ကူ၊ လေကြောင်းပစ်ကူများဖြင့် ကောလင်းမြို့အတွင်းသို့ ၆ညရက်​မြောက်​နေ့တွင် မြို့တွင်း ဝင်ရောက်လာနိုင်ပြီး မြို့တွင်းတိုက်ပွဲများကို ယ​နေ့ညဦးပိုင်းအထိ့အပြင်အထန်ဖြစ်ပွားခဲ့​ကြောင်း Kawlin Revolution-KR က အသိပေးထားသည်။

စစ်​ကောင်စီတပ်က​လေ​ကြောင်းနှင့် လက်နက်ကြီးပစ်ကူ များစွာပစ်ခတ်ပြီး ​မြေပြင်စစ်​ကြောင်းကမြို့တွင်းဝင်နိုင်ရန် ကြိုးစားခြင်းဖြစ်သည်။

ယနေ့ (​ဖေ​ဖော်ဝါရီ ၈ )တိုက်ပွဲသည် မင်းတဲကြီးရပ်ကွက်အတွင်း အပြင်းထန်ဆုံးဖြစ်ပွားခြင်းဟု မြေပြင်စစ်ရေးသတင်းရင်းမြစ်တစ်ဦးကပြောသည်။ ထို​နောက် ​တော်လှန်​ရေး အဖွဲ့များ၏ တိုက်ခိုက်မှု​ကြောင့် မင်းတဲကြီးရက်ကွက်မှ မြို့တွင်းဝင်လာ​သောစစ်​ကောင်စီတပ်မှာ ဆိုင်ဒူးရွာဘက်သို့ ဆုတ်ခွာသွား​ကြောင်းသိရသည်။

ထိုအပြင် ယနေ့ (​ဖေ​ဖော်ဝါရီ ၈)တိုက်ပွဲတွင် ကောလင်းနှင့် ကန့်ဘလူမြို့ကြားရှိချက်သင်းဘေးမဲ့တော အတွင်းတိုက်ပွဲမှာလည်းပြင်းထန်​ကြောင်း ​​တော်လှန်​ရေးတပ်ဖွဲ့များက​ပြောသည်။ ချက်သင်းဘေးမဲ့တောရှိစစ်​ကောင်စီတပ်နှင့်ပျူ​စောထီယစခန်းကို ​တော်လှန်​ရေးအဖွဲ့များက ​ဖေ​ဖော်ဝါရီ ၇ ရက်ညမှစတင်တိုက်ခိုက်ရာ စစ်တပ် အထိနာပြီး​လေ​ကြောင်းပစ်ကူသုံးခဲ့ရသည်။ ​ဖေ​ဖော်ဝါရီ ၈ ရက် မွန်းလွဲပိုင်းတွင် လေကြောင်းမှ ဗုံးကြဲတိုက်ခိုက်သည့် စစ်ကောင်စီ၏ Mi35 ရဟတ်ယာဉ်ကို ပြည်သူ့ကာကွယ်ရေးတပ်ဖွဲ့များက
ပွိုင့် ဖိုက်ပစ်ခတ်ရာ ထိမှန်သွားပြီး မီးခိုးတန်းထွက်လျက် ကန်ဘလူမြို့ရှိ တင့်ကားတပ်ရင်း ၆၀၀၆ သို့ မောင်းနှင်ထွက်ပြေးသွားကြောင်း ​ဒေသခံများက​ပြောသည်။

ရဲဘော်တွေပစ်တာ ထိပြီး မိးခိုးထွက်သွားတယ်။ ၆၀၀၆ ဘက် ပြန်ပြီးမောင်းပြေးတယ်။ ဘယ်လောက်အထိပျက်စီးတယ်တော့မသိဘူး” ဟု မြေပြင်မှကာကွယ်ရေးရဲဘော်များနှင့် အဆက်အသွယ်ရှိသည့် ပြည်သူ့အုပ်ချုပ်ရေးအဖွဲ့ဝင်တဦးကပြောသည်။
ကန့်ဘလူမြို့နယ်စပ်နေရာများမှနေ၍ ကောလင်းမြို့ဖတ်သို့ စစ်ကြောင်းထိုးလာသည့် စစ်ကောင်စီတပ်ကို ပြည်သူ့ကာကွယ်ရေးတပ်ဖွဲ့များက ချပ်သင်းဘေးမဲ့တောအတွင်း ကြားဖြတ်တိုက်ခိုက်စဉ် အဆိုပါရဟတ်ယာဉ်က လာရောက်တိုက်ခိုက်ခြင်းဟုသိရသည်။ သေနတ်ကျည်မှန်သွားသည့် ရဟတ်ယာဉ် နောက်ဆက်တွဲအခြေအနေကို မသိရှိရသေးပေ။

ယနေ့ည ၁၀ နာရီအထိ ချပ်သင်းရွာအနီးတွင် တိုက်ပွဲဆက်လက်ပြင်းထန်နေပြီး စစ်ကောင်စီဘက်မှ ​သေဆုံးထိခိုက်မှုများ၍ လေကြောင်းဆက်တိုက်ပစ်ကူနေပြီး ​တော်လှန်​ရေးတပ်ဖွဲ့များဘက်မှလည်း အထိအခိုက်အကျအဆုံးအချို့ရှိကြောင်းသိရသည်။ထို့အပြင် Mi-35 ရဟတ်ယာဉ်အား တော်လှန်ရေးအဖွဲ့များမှ M80 ဖြင့် ပစ်ခတ်၍ ထိမှန်ခဲ့ခြင်းကြောင့် ကန့်ဘလူ ၆၀၀၆ သို့ အရေးပေါ်ဆင်းသက်သွားပြီး ယ​နေ့ညအထိ မုံရွာမြို့ရှိ နမခသို့ ပြန်လည်ဆင်းသက်နိုင်ခြင်းမရှိသေးကြောင်းကျွန်းလှ-ကန့်ဘလူ တက်ကြွလှုပ်ရှားသူများအဖွဲ့ကထုတ်ပြန်ထားသည်။စစ်ကောင်စီတပ်၏ လေကြောင်းတိုက်ခိုက်မှု‌များကြောင့် ချပ်သင်းရွာအနီးရှိ ချပ်သင်း၊ပုဏ္ဏားငယ်၊ပုဏ္ဏားကြီး၊ကံကြီး၊ဦးကင်းကြည်၊တင်မော်၊ပေါက်ဆိန်ကုန်း စသည့်ကျေးရွာများမှ ပြည်သူများ ဘေးလွတ်ရာရှောင်တိမ်းနေကြရကာ တချို့ကျေးရွာများမှာ အမြဲစစ်ဘေးရှောင်ကျေးရွားများဖြစ်ပြီး လေကြောင်းအန္တရာယ်ကြောင့် ထပ်မံရှောင်‌တိမ်းနေရကြောင်း သိရသည်။

​ကောလင်းမြို့အနီးဝန်းကျင်ရှိ​ကျေးရွာများမှပြည်သူများလည်းထွက်​ပြေးတိမ်း​ရှောင်​နေရပြီ စစ်တပ်က ရွာမှ ​နေအိမ်များကို မကြာခဏ မီးရှို့ဖျက်ဆီး​နေသည်။

ပြည်သူ့ကာကွယ်ရေးတပ်ဖွဲ့များထိန်းချုပ်ထားသည့် ကောလင်းမြို့ကို စစ်ကောင်စီတပ်က ဖေဖော်ဝါရီ ၃ ရက် ညမှစ၍ ကန့်ဘလူမြို့နယ်၊ကိုးတောင်ဘို့ကျေးရွာဘက်ခြမ်း၊ ကြခတ်ကုန်းနှင့် ဖလဲရွာတို့ဘက်မှ မြို့ကို ပိတ်ဆို့ရန် အင်အား ရာ​ပေါင်းများစွာဖြင့် စစ်ကြောင်းများခွဲ၍ ထိုးကာဝင်ရောက်လာခြင်းဖြစ်သည်။ ယနေ့(ဖေဖော်ဝါရီ ၈ရက်)မှာတိုက်ပွဲ ခြောက်ရက်မြောက်ဖြစ်ပြီး ပြည်သူ့ကာကွယ်ရေးရဲဘော်များက မြို့ကိုထိန်းချုပ်ထားဆဲသည်။

၆ ရက်တာ တိုက်ပွဲတွင် နှစ်ဖက် ထိခိုက်​သေဆုံးမှုများရှိပြီး အ​ရေအတွက်အတည်မပြုနိုင်​သေးပါ။ စစ်​ကောင်စီတပ်မှာ တိုက်ပွဲစသည့်​နေကတည်းက ​သေဆုံးထိခိုက်မှုများ​ကြောင်း​​တော်လှန်​ရေးတပ်ဖွဲ့ဝင်အချို့က​ပြောသည်။

ကောလင်းမြို့ကို စစ်ကြောင်းထိုးလာသည့် စစ်ကောင်စီတပ်၌ ထောင်ထဲမှ ခေါ်လာသည့် စစ်သားဟောင်းများနှင့် ပျူစောထီးအများအပြားပါဝင်လာပြီး စစ်​​ကောင်စီတပ်မှတိုက်ပွဲအတွင်း သေဆုံးဒဏ်ရာရသူများပြားကြောင်း မြေပြင်စစ်ရေးသတင်းရင်းမြစ်များထံမှ သိသည်။

ခရိုင်မြို့ ဖြစ်​သော ကောလင်းကို ၂၀၂၃ နိုဝင်ဘာလ ၅ရက်တွင် ပြည်သူ့ကာကွယ်ရေးတပ်ဖွဲ့များက ​​လေးရက်ကြာ တိုက်ခိုက်ပြီးသိမ်းပိုက်ခဲ့သည်။ ထို့နောက်ဝါသဝ၏ လက်အောက်ခံ ပျူစောထီးအများအပြား ပါဝင်သည့် စစ်ကြောင်းသည် နိုဝင်ဘာလ ၁၀ရက်၌ စစ်ကြောင်းထိုး ဝင်ရောက်လာခဲ့​သေးသည်။ ထိုစစ်​ကြောင်းကို PDF များကပိတ်ဆို့ဖြတ်​တောက်တိုက်ခိုက်ရာ ဝါသဝ၏ ပျူစောထီးစစ်ကြောင်းမှ ၈၀ဦးထက်မနည်းသေဆုံးခဲ့ပြီးလက်နက်မျိုးစုံ (၅၉) လက်နှင့်ခဲယမ်းမီးကျောက်အမြောက်အများ သိမ်းဆည်းရရှိခဲ့ကြောင်း အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာန အမှတ်(၁) စစ်ဒေသက ထုတ်ပြန်ခဲ့သည်။

ကောလင်းမြို့သည် အမျိုးသားညီညွတ်ရေးအစိုးရ(NUG)က ပထမဆုံး သိမ်းပိုက်နိုင်ခဲ့သည့်မြို့ဖြစ်ပြီး ကန့်ဘလူ၊ ပင်လည်ဘူး၊ ဝန်းသို၊ ကျွန်းလှမြို့တို့နှင့် နယ်နိမိတ်ချင်း ထိစပ်နေသည်။

နိုင်ငံတစ်ဝန်း​တော်လှန်​ရေးတပ်ဖွဲ့များက ရှမ်း၊ကရင်နီ၊ ချင်း၊ကချင် ၊ ရခိုင်ပြည်နယ်နှင့် စစ်ကိုင်းတိုင်းတို့တွင် သိမ်းပိုက်ထိန်းချုပ်ထား​သော မြို့​ပေါင်း ၃၆ မြို့ရှိ​နေပြီဖြစ်သည်။ စစ်​ကောင်စီတပ်သည်ကျန်​ဒေသများမှဆုံးရှုံးထား​သောမြို့များကို ထိုးစစ်မဆင်ဘဲ စစ်ကိုင်းတိုင်းရှိမြို့သုံးမြို့ကိုသာပြန်ထိုးစစ်ဆင်​ခဲ့ခြင်းဖြစ်သည်။ သို့​သော် ခမ်းပါတ် ၊​ရွှေပြာ်ျပးမြို့များပြန်သိမ်းရန် ကြိုးစား​သောစစ်​ကောင်စီစစ်​ကြောင်းများမှာ​တော်လှန်​ရေးအဖွဲ့များကတိုက်ခိုက်၍ စစ်​ကြောင်းပျက်ကာ ပြန်ဆုတ်​ပြေးခဲ့ကြသည်။

ကောလင်းနောက်ဆုံးရသတင်း

8.2.2024 kawlin at 8:00 pm နောက်ဆုံးအခြေအနေ
ကောလင်းမြို့သို့ မြေပြင်သာလွန်အင်အား နှင့်အတူ
လေကြောင်းတိုက်ခိုက်ခြင်းဟောင်ဝှစ်ဇာပစ်ကူခြင်း
နည်းပေါင်းစုံနှင့်စကစမှထိုးစစ်ဆင်ကာတိုးလာပြီး
3.2.2024 ရက်နေ့မှစပြီး ထိတွေ့မှူတွေဆက်တိုက်ဖြစ်ကာ
8.2.2024 ရက်နေ့တွင် စကစတပ်များ ကောလင်းမြို့
အတွင်းသို့ ဝင်ရောက်လာနိုင်ပြီးဖြစ်ပြီး ယခုအချိန်ထိ
တော်လှန်ရေးတပ်များမှ ခုခံတော်လှန်နေဆဲဖစ်ကာ
ညတိုက်ပွဲပါဆင်နွဲနေကြောင်းသတင်းရရှိထားပါတယ်။

သူတစ်ပြန်ကိုယ်တစ်ပြန် အပြန်အလှန်ပစ်ခတ်သံများ
မြို့အတွင်းပိုင်းမှကြားနေရပြီး 7:00အချိန်ထိငြိမ်သက်
နေခြင်းမရှိသေးပါ။

ကောလင်းမြို့အား စစ်ကောင်စီမှ ရယူရန်ကြိုးစားနေဆဲ
ဖြစ်ပြီး ယခုအချိန်ထိ အပြည့်အဝထိန်းချုပ်နိုင်ခြင်းမရှိ
သေးပါ။

လက်ရှိအချိန်တွင်မင်းတဲကြီးရပ်ကွက်မှစစ်ကြောင်းမှာ တော်လှန်ရေးတပ်များလိုက်လံပစ်ခတ်မှုကြောင့်
ကောလင်းတောင်ဘက် ဆိုင်ဒူးရွာသို့ ဆုတ်ခွာထားပြီး
ကောလင်းမြောက်ခြမ်းမှတိုးလာသော စစ်ကြောင်းမှာ
ကျွန်းလှခုံရွာထိဆုတ်ခွာထားကြောင်းသတင်းရရှိပါတယ်။

ငါတို့မြို့ငါတို့ပိုင်တယ်

Source From ရှေ့တန်းသတင်းရင်းမြစ်