News

ရန်ကုန်မြို့ နေရာ ၁၁ ခုမှာ မိုင်းဖောက်ခွဲမှုနဲ့ စစ်ဆင်ရေး စတင်ဖော်ဆောင်နေပြီလို့ Alpha Operation ထုတ်ပြန် လမ်းဘေးချထားတဲ့ Bluetooth Speaker များကိုတွေ့ရှိပါက မထိတွေ့ မကိုင်တွယ်ဖို့ အထူးသတိပေးထား လွတ်မြောက်နယ်မြေအသီးသီးက အထူးလေ့ကျင့်မှုများ ပြီးဆုံးပြီး ရန်ကုန်တိုင်းအတွင်း ပြန်လည်ဝင်ရောက် တာဝန်ထမ်းဆောင်နေကြတဲ့ အထူးတပ်ဖွဲ့များနဲ့ ရန်ကုန်မြေအောက် တော်လှန်ရေးတပ်ဖွဲ့များတဲ့ စုပေါင်းထားတဲ့ Alpha Operation ကို ရန်ကုန်မြို့တွင်းမှာ ပြီးခဲ့တဲ့ ဒီဇင်ဘာ ၁၅၊ ၁၆ ရက်ကတည်းက စတင်လုပ်ဆောင်နေပြီလို့ Alpha Operation တာဝန်ရှိသူတစ်ဦးထံမှ သိရပါတယ်။ ပထမဆုံး Alpha Operation စုပေါင်းစစ်ဆင်ရေးကို စစ်ကောင်စီ ယန္တရားနဲ့ အဆွယ်အပွားများရှိရာ စစ်ကောင်စီ ထောက်တိုင်နေရာများကို ရည်ရွယ်ပြီး စမ်းသပ်စစ်ဆင်ရေး လုပ်ဆောင်ခဲ့တာလည်း ဖြစ်တယ်လို့လည်း သိရပါတယ်။ […]

ရန်ကုန်တိုင်း၊ ကော့မှူးမြို့နယ်၊ ကျိုက်ထော်ကျေးရွာ ရဲစခန်းမှ နယ်ထိန်း ၁ ဦး အရပ်ဝတ်ဖြင့် တော်လှန်ရေး ရဲဘော်များ၏ သတင်းများ စုံစမ်းနေစဥ် ပစ်ခတ် တိုက်ခိုက်ရာ သေဆုံးခဲ့ကြောင်း ကော့မှူး ပကဖမှ တာဝန်ရှိသူ တစ်ဦးကပြောဆိုသည်။ ယနေ့ ဒီဇင်ဘာလ ၁၇ ရက်နေ့ နံနက် ၁၁ နာရီ ၂၅ မိနစ်ခန့်တွင် ကျိုက်ထော်ကျေးရွာ ရဲစခန်းမှ နယ်ထိန်း ၁ ဦးဖြစ်သော တင်မိုးဇော် (ခ) စမိုင်းသည် အရပ်သားအသွင်ဖြင့် တော်လှန်ရေး ရဲဘော်များ၏ သတင်းများ စုံစမ်းနေစဥ် တလုတ်ထော်ကျေးရွာနှင့် အင်ယားချောင်ကျေးရွာ အကြားတွင် ကော့မှူးမြို့နယ် ပြည်သူ့ကာကွယ်ရေးအဖွဲ့က ပစ်ခတ် တိုက်ခိုက်ရာ ပွဲချင်းပြီး သေဆုံးခဲ့ကြောင်း သိရသည်။ သေဆုံးသွားသော တင်မိုးဇော်သည် တော်လှန်ရေး ရဲဘော်များ၊

ပဲခူးတိုင်း၊ သဲကုန်းမြို့နယ်တွင် စစ်ကောင်စီခန့်အုပ်ချုပ်ရေးမှူးတစ်ဦးကို နေအိမ်အတွင်းဝင်ရောက်၍ ပစ်ခတ်ရှင်းလင်းခဲ့ကြောင်း ပြည်ခရိုင် တပ်ရင်း ၃၆၀၁(PPDF)မှ တာဝန်ရှိသူတစ်ဦးက ပြောသည်။ ယမန်နေ့(ဒီဇင်ဘာ ၁၆)ည ၉ နာရီခန့်က သဲကုန်းနယ်၊ ဓါးသွေးကျောက်ကျေးရွာအုပ်စုမှ စစ်ကောင်စီခန့် အုပ်ချုပ်ရေးမှူး ကျော်ဝင်း (ခ)ကျော်ကြီးအား တပ်ရင်း ၃၆၀၁၊ တပ်ခွဲ (၃) Wisdomအဖွဲ့နှင့် တပ်ခွဲ(၅)နွေဦးအဖွဲ့မှ ဝင်ရောက်ပစ်ခတ်ခဲ့ခြင်းဖြစ်ပြီး နေရာတင်ပွဲ သေဆုံးသွားကြောင်း ၎င်းက ဆက်ပြောသည်။ အဆိုပါ အုပ်ချုပ်ရေးမှူး ကျော်ဝင်း(ခ)ကျော်ကြီးမှာ ပျူစောထီးဖွဲ့ရန်လူငယ်များအား စည်းရုံးခြင်း၊ ပြည်သူ့ကာကွယ်ရေးတပ်ဖွဲ့ဝင်များ ၏ သတင်းအချက်အလက်များကို စုံစမ်းကာ စစ်ကောင်စီထံ ပေးပို့ခြင်း၊ သစ်သမားများနှင့် ၂ လုံး ၃လုံးလောင်းကစားဒိုင်များထံမှ လိုင်းကြေးကောက်၍ စစ်ကောင်စီတပ်ဖွဲ့ဝင်များအား ထောက်ပံ့နေသူဖြစ်သည်ဟု တပ်ရင်း(၃၆၀၁)က ဆိုသည်။ ပစ်ခတ်ခံရ၍ သေဆုံးသွားသော အုပ်ချုပ်ရေးမှူး ကျော်ကြီးထံမှ

ကချင်ပြည်နယ် လိုင်ဇာမြို့အနီးရှိ စစ်ကောင်စီ၏ ခရာဘွမ်တပ်စခန်းသို့ စစ်လက်နက်နှင့် ရိက္ခာများ ပို့ဆောင်သည့် စစ်ကောင်စီတပ်ကို ကချင်လွတ်လပ်ရေးတပ်မတော်(KIA)နှင့် ပူးပေါင်းတပ်က ယမန်နေ့တွင် တိုက်ခိုက်ခဲ့သည်ဟု KIA သတင်းပြန်ကြားရေးက အသိပေးသည်။ စစ်ကောင်စီ၏ ခလရ(၁၄၂) တပ်ရင်းကခရာဘွမ်ဘက်သို့ ရိက္ခာ၊ စစ်လက်နက်များအား စစ်ကား ၁၈ စီးဖြင့် သယ်ဆောင်လာသည့် စစ်ကြောင်းကို KIA တပ်မဟာ(၅) တပ်ရင်း(၁၉)နယ်မြေတွင် ကြားဖြတ်တိုက်ခိုက်ခဲ့ခြင်းဖြစ်သည်ဟုသိရသည်။ စစ်ကောင်စီရဲ့ စစ်ကြောင်းကို KIA တပ်ရင်း(၁၉)နှင့်ပူးပေါင်းတပ်ဖွဲ့များက ကြားဖြတ်တိုက်ခိုက်ခဲ့ရာ စစ်ကောင်စီဘက်ကလည်း လက်နက်ကြီးဖြင့်ပြန်လည်ပစ်ခတ်ခဲ့သည်ဟုဆိုသည်။ တိုက်ခိုက်မှုကြောင့် ထိခိုက်​သေဆုံးမှုရှိ ၊မရှိကိုမူမသိရပေ။ ထို့ပြင် စစ်ကောင်စီတပ်သည် KIA ဌာနချုပ် လိုင်ဇာသို့လည်းလက်နက်ကြီးဖြင့် ၁၀ ကြိမ်ထက်မနည်းရမ်းသန်းပစ်ခတ်ခဲ့သည်ဟုဆိုသည်။ လတ်တလောတွင် စစ်ကောင်စီ က လိုင်ဇာအနီးဝန်းကျင်၌ စစ်ရေးလှုပ်ရှားခြင်းများ ပြန်လည်လုပ်လာကြောင်းလည်း အသိပေးထားသည်။ KIAသည် ပြီးခဲ့သည့်

“”””#တင်ပြီဗျို့””” 17/12/23–05:15am ကထဲက “””ခလရ ၃၂၁ “””ရှိသောရွှေညောင်ပင်ကိုတက်လုံးသည်။ ဆယ်မိုင်ခန့်အကွာဝိုင်းမော်မှ ဦးတည့်ရာကိုအမြောက်နှင့်ထုလေသည်တမနက်လုံးတဝုန်းဝုန်း။ ရွှေညောင်ပင် ရွာထဲချည့်ကျသဖြင့်အိမ်ခြေအတော်များများမီးလောင်သည်။ ဟေးးးးးးးးးးးးးး ရွှေညောင်ပင်နှင့်တမိုင်ခန့်အကွာ “””#ဝါဆာဒီး”””ရွာသစ်မှာ “”Mi35 ရဟတ်ယာဥ်တစီး”””” မိုးပေါ်ကနေမြေကြီးပေါ်ဒလိမ့်ခေါက်ကွေး—— ဟားဟားဟား p/s ဘယ်သတင်းမှမတက်သေး ခွင့်ပြုချက်အရတင်သည် ငသိုက် ရှမ်းပြည်နယ်မြောက်ပိုင်း၊ နမ့်ဆန်တွင် ပိတ်မိနေသည့် မြေပြင်တပ်များကို စစ်ကူရန် အတွက် ရဟတ်ယာဉ်ဖြင့်ပို့သည့် စစ်ကောင်စီတပ်ဖွဲ့ဝင်များ မြေပြင်တပ်ကိုမကူနိုင်ဘဲ ကစဉ့်ကလျားထွက်ပြေးခဲ့ရပြီး လာရောက်ပို့ဆောင်သည့် ရဟတ်ယာဉ်မှလည်း ပစ်ကူပေးခြင်းမရှိဘဲ ၎င်းတို့ကိုထား၍ ပြန်လှည့်ပြေးသွားကြောင်း သိရသည်။ ပြီးခဲ့သည့် ဒီဇင်ဘာ ၁၄ ရက်နေ့က ညီနောင်မဟာမိတ်တပ်ဖွဲ့များနှင့် ဖြစ်ပွားနေသည့် နမ့်ဆန် တိုက်ပွဲအတွင်း ပိတ်မိနေသည့် စစ်ကောင်စီက မြေပြင်တပ်ကိုကူရန်အတွက် ရဟတ်ယာဉ်ဖြင့် စစ်ကူပို့ရာတွင် ကြိုးဖြင့်ဆင်းလာသည့် စစ်ကောင်စီတပ်သားများကို ညီနောင်မဟာမိတ်တပ်ဖွဲ့များက ဆီးကြိုပိတ်ဆို့တိုက်ခိုက်ခဲ့သဖြင့် ကစဉ့်ကလျား

ကချင်ပြည်နယ်၊ မြစ်ကြီးနားခရိုင်၊ ဝိုင်းမော်မြို့နယ်၊ ရွှေညောင်ပင်အနီးရှိ ဝါဆာဒီရွာသစ် တွင် စစ်ကောင်စီတပ်မှ Mi-35 ရဟတ်ယာဉ်တစ်စီးပျက်ကျသွားကြောင်း ဒေသခံများထံက သိရသည်။ ယနေ့ ဒီဇင်ဘာ ၁၇ ရက်နေ့တွင် ရွှေညောင်ပင်နှင့် တစ်မိုင်ခန့်အကွာတွင်ရှိသည့် ဝါဆာဒီရွာသစ်တွင် စစ်ကောင်စီ၏ Mi-35 ရဟတ်ယာဉ်စီးပျက်ကျ သွားခြင်း ဖြစ်ကြောင်း ဒေသခံများက ဆိုသည်။ “ရွှေညောင်ပင်ကို ဝိုင်းမော်မြို့ပေါ် ခလရ-၃၂၁ ကနေ လက်နက်ကြီးတွေနဲ့ရော လေကြောင်းက ပါပစ်နေတာ မနက် ၅ နာရီလောက်ကတည်းက။ ရွာထဲကိုကျပြီး အိမ်တွေလည်း မီးလောင်ကုန်တယ်။ နောက် ဝါဆာဒီရွာပေါ်ကို ရဟတ်ယာဉ် တစ်စီးပျက် ကျသွားတယ်”ဟု ဝိုင်းမော်မြို့တွင် နေထိုင်သည့် ဒေသခံတစ်ဦးက ဧရာ၀တီတိုင်းမ်ကို ပြောသည်။ အဆိုပါ ရဟတ်ယာဉ်သည် ကချင်လွတ်လပ်ရေးတပ်မတော် (KIA) နှင့် ပြည်သူ့ကာကွယ်ရေးတပ်မတော် (PDF)

ဟောင်ဝစ်ဇာအမြောက် ၄ လက်နှင့် လက်နက်မျိုးစုံများစွာရ ၊စစ်သားအလောင်း ၆၀ ကျော်​​တွေ့ပြီး ၃၀ ဦးအရှင်ဖမ်းမိ ရှမ်းမြောက် နမ့်ဆန်မြို့ရှိ စစ်ကောင်စီတပ်စခန်းအားလုံးကို တိုက်ခိုက်ရှင်းလင်း ချေမှုန်းသိမ်းပိုက်နိုင်ပြီး တိုက်ပွဲကာလအတွင်း စစ်ကောင်စီ၏ ဟောင်ဝစ်ဇာ အမြောက် (၄)စင်း၊လက်နက်မျိုးစုံ ၊ မိုင်းမျိုးစုံ၊ ခဲယမ်းမျိုးစုံ အမြောက်အများနှင့် စစ်အသုံးအဆောင်ပစ္စည်းများသိမ်းဆည်းရရှိခဲ့‌ကြောင်း တအာင်းတပ်မတော်(TNLA)က ယနေ့ညပိုင်း၌ ထုတ်ပြန်သည်။ နမ့်ဆန်မြို့သိမ်းတိုက်ပွဲကို TNLAက ဒီဇင်ဘာ ၁၀ရက်တွင် စတင်ဆင်နွှဲခဲ့ရာ ၆ရက်အကြာ ဒီဇင်ဘာ ၁၅ရက်တွင် အောင်မြင်ခဲ့ခြင်းဖြစ်သည်။ နမ့်ဆန်မြို့ရှိ စစ်ကောင်စီ တပ်မ-၁၀၁၊ တပ်မမှူးအခြေချ ကွပ်ကဲနေသည့် တပ်စခန်းအားလုံးတို့ကို ဒီဇင်ဘာ ၁၅ ရက် ညနေပိုင်း၌ အလုံးစုံ ဝင်ရောက်ရှင်းလင်းနိုင်ခဲ့ခြင်းဖြစ်သည်ဟု အသိပေးသည်။ စစ်ကောင်စီတပ်က လေကြောင်း ပစ်ကူ၊ လက်နက်ကြီးပစ်ကူအကြိမ်များစွာ ပြုလုပ်နေသည့်ကြားမှ မြို့ကိုသိမ်းပိုက်နိုင်ခဲ့ခြင်းဖြစ်သည်။

ကျောင်းသားကလေးငယ်တွေအပေါ် လိင်ပိုင်းဆိုင်ရာ ကျူးလွန်ခဲ့တယ်ဆိုတဲ့ စွပ်စွဲချက်နဲ့ ရန်ကုန်မြို့၊ ပန်းဘဲတန်းမြို့နယ်၊ ၂၆ လမ်းက အစ္စလာမ်ဘာသာရေးစာသင်ကျောင်းတစ်ခုက ကျောင်းဆရာနှစ်ယောက်ကို ရဲစခန်းမှာ အမှုဖွင့်ထားပါတယ်။ ဒီဖြစ်ရပ်ကို ကျောင်းအုပ်ချုပ်ရေးပိုင်းက ဒီဇင်ဘာ ၈ ရက်မှာ စတင်သိရှိခဲ့ပါတယ်။ “အဲ့ဒီနေ့မနက်ပိုင်းမှာ ကျောင်းသားမိဘတစ်ဦးက ကျွန်တော့်ကို ခေါ်တယ်။ အဲဒီမှာ သိရတယ်။ သိတာနဲ့ ချက်ချင်း ကျောင်းဆရာတွေကို ခေါ်တယ်။ စစ်တယ်။ ပထမတော့ ငြင်းတယ်။ ခိုင်ခိုင်လုံလုံစစ်တော့ ဝန်ခံတယ်။ ဝန်ခံတာနဲ့ ကျောင်းထုတ်လိုက်တယ်” လို့ ကျောင်းဥက္ကဋ္ဌ ဖြစ်သူ မုဟမ္မဒ်ရှာမင်းဟာရှင်မ်ဘာဝါးက ပြောပါတယ်။ ဒီလို လိင်ပိုင်းဆိုင်ရာ ကျူးလွန်မှု ကို ကျောင်းထုတ်လိုက်တာတစ်ခုတည်းနဲ့ မလုံလောက်ဘူးလို့ ကန့်ကွက်မှုတွေ ရှိလာပြီးတဲ့နောက် ရဲစခန်းအထိ ရောက်လာခဲ့တာပဲ ဖြစ်ပါတယ်။ ကျူးလွန်မှုဘယ်လို ပေါ်ပေါက်ခဲ့သလဲ ကျောင်းဆရာနှစ်ဦးရဲ့ လိင်ပိုင်းဆိုင်ရာ

စစ်ကိုင်းတိုင်း၊ ဆားလင်းကြီးမြို့နယ် ရဲစခန်းအပါအဝင် ဘုန်းကြီးကျောင်း၊ စာသင်ကျောင်း၊ ဆေးရုံတွင် စသည့်နေရာများတွင် တပ်စွဲထားသည့်အာဏာသိမ်းစစ်တပ်ကို ကျွန်တော်တို့ ယင်းမာပင်ခရိုင်တပ်ရင်း ၃၅ နှင့်အတူ ဒေသခံကာကွယ်ရေးတပ်တွေက ယနေ့မနက် ၁၀ နာရီ ၁၅ မိနစ်မှာ စတင်တိုက်ခိုက်တာ ဖြစ်ပြီး တိုက်ပွဲကြာချိန် တစ်နာရီကျော် ကြာမြင့်ခဲ့ပါသည်။ အဆိုပါတိုက်ခိုက်မှုအတွင်း အာဏာသိမ်းစစ်တပ်ဘက်က ၁၅ဦးဝန်းကျင် သေဆုံးပြီး ပြည်သူ့ကာကွယ်ရေးရဲဘော် မစိုးရိမ်ရ ဒဏ်ရာ လေးဦး ရှိခဲ့သည်။ အထက်ပါစစ်ဆင်ရေးကို ယင်းမာပင်ခရိုင် ၃၅ – PDA Yinmarbin နှင့်အတူ တပ်ခွဲ ၃ တောင်ပံနီအထူးပျောက်ကြားတပ်ဖွဲ့၊ ယင်းမာပင်ခရိုင် ၁၆ တပ်ခွဲ (၁) – Brother Defence Force၊ ဆားလင်းကြီးမြို့နယ်လက်နက်ကြီးမဟာမိတ်တပ်ပေါင်းစု၊ ချင်းတွင်းနွေဦး၊ SPDF၊ မုံရွာခရိုင်တပ်ရင်း ၂၅

နမ့်ဆန်မြို့တွင် စစ်ကူများနှင့် စစ်ကြောင်းများကို ကွပ်ကဲရန် စေလွှတ်ခံခဲ့ရသော အမှတ် ၁၀၁ ခြေမြန်တပ်မဌာနချုပ် ၊ တပ်မမှူး ဗိုလ်မှူးချုပ် အဆက် အသွယ်မရဘဲ ပျောက်ဆုံးနေ ရှမ်းပြည်နယ်မြောက်ပိုင်း၊ နမ့်ဆန်မြို့ရှိ စစ်တပ် ဗျူဟာကုန်းကို TNLA တပ်များက သိမ်းပိုက်ပြီးနောက် စစ်ဗျူဟာကုန်းတွင် စစ်ကူများ အပါအဝင် စစ်ကြောင်းများကို အထိုင်ချ ကွပ်ကဲနေသော အမှတ် ၁၀၁ ခြေမြန်တပ်မဌာနချုပ် ၊ တပ်မမှူး ဗိုလ်မှူးချုပ် အဆက်အသွယ်မရဘဲ ပျောက်ဆုံးနေကြောင်း နေပြည်တော်၊စစ်တပ်သတင်းရင်းမြစ်ကအတည်ပြုပြောဆိုသည်။ ဒီဇင်ဘာလ ၁၅ ရက်နေ့ နမ့်ဆန်မြို့ရှိ စစ်ကောင်စီ၏ ဗျူဟာကုန်းကို TNLA က သိမ်းပိုက်ပြီးနောက် အမှတ် ၁၀၁ ခြေမြန်တပ်မဌာနချုပ်၊ တပ်မမှူး အပါအဝင် စစ်အရာရှိကြီးများ၊ ရဲအရာရှိကြီးများနှင့်စစ်ကြောင်းတချို့ပါ အဆက်အသွယ်မရတော့ဘဲ ပျောက်ဆုံးနေခြင်းဖြစ်ကြောင်း သိရှိရသည်။