ရန်ကုန်-ပဲခူးကားလမ်းဟောင်း တွင် စစ်ကောင်စီတပ်များ ဂိတ်ချစစ်ဆေးနေသော လှည်းကူး ဇီးရိုးမိုင် စစ်ဆေးရေးဂိတ်ကို မိုင်းခွဲတိုက်ခိုက်

ရန်ကုန်-ပဲခူးကားလမ်းဟောင်း တွင် စစ်ကောင်စီတပ်များ ဂိတ်ချစစ်ဆေးနေသော လှည်းကူး ဇီးရိုးမိုင် စစ်ဆေးရေးဂိတ်ကို မိုင်းခွဲတိုက်ခိုက်

ရန်ကုန်တိုင်း၊ လှည်းကူးမြို့နယ်တွင် ရန်ကုန်-ပဲခူးကားလမ်းဟောင်း တွင် စစ်ကောင်စီတပ်များ ဂိတ်ချစစ်ဆေးနေသော လှည်းကူး ဇီးရိုးမိုင် စစ်ဆေးရေးဂိတ်ကို မိုင်းခွဲတိုက်ခိုက်ခဲ့ကြောင်း ရန်ကုန်မြို့ပြပြောက်ကျားတပ်ဖွဲ့မှ တာ ဝန် ရှိသူတစ်ဦးက ပြောဆိုသည်။

မတ်လ ၁ ရက်နေ့ ညနေ ၄ နာရီ ၄၀ မိနစ်အချိန် လှည်းကူးမြို့၊ ရန်ကုန်-ပဲခူးကားလမ်းဟောင်း ဇီးရိုးမိုင်တွင် ပြည်သူများကို ဒုက္ခပေါင်းစုံပေးငွေကောက်ခံနေသောစစ်သားများနှင့် ယာဉ်ထိန်းရဲများကို အ​နောက်ပိုင်းခရိုင်ပြည်သူ့ကာကွယ်ရေးအဖွဲ့(ပကဖ)နှင့် Yangon Army (YA)တို့က ပူးပေါင်း၍ ပြင်းအားမြင့်အဝေးထိန်းမိုင်းဖြင့် ထိထိရောက်ရောက်တိုက်ခိုက်ခဲ့ကြောင်း၊ ပြည်သူများကို နည်းမျိုးစုံဖိနှိပ်နေသော စစ်ကောင်စီနှင့် ဒေါက်တိုင်များအားလုံးကို တိုက်ခိုက်သွားမည်ဖြစ်ကြောင်း ရန်ကုန်မြို့ပြပြောက်ကျားတပ်ဖွဲ့မှ တာဝန်ရှိသူက ရှင်းပြသည်။

လှည်းကူးမြို့မှ ပြည်သူတချို့ကမူ ရန်ကုန်-ပဲခူးကားလမ်းဟောင်း လှည်းကူးတိုးဂိတ်တွင် ညနေ ၄ နာရီ ၃၀ ကျော်အချိန် ဗုံးပေါက်ကွဲသံကြားရကြောင်း ပြောဆိုကြသည်။

ဓာတ်ပုံ- လှည်းကူး ဇီးရိုးမိုင် တိုးဂိတ်။(ပုံအဟောင်းဖြစ်ပါသည်။)