မြင်းခြံတွင် ညအချိန် မီးပြတ်၍ အပြင်ထွက်ထိုင်နေသော ပြည်သူများကို တန်းစီ ပါးရိုက်ခဲ့သူ၊ ပြည်သူ့နေအိမ်များကို ဖောက်ထွင်းလုယက် မီးရှို့ခဲ့သူ ပျူစောထီး လူမိုက် ထွန်းထွန်းဝင်း ပစ်ခတ်ခံရပြီး သေဆုံး
မန္တလေးတိုင်း၊ မြင်းခြံမြို့နယ်တွင် ညအချိန် မီးပြတ်၍ အပြင်ထွက်ထိုင်နေသော ပြည်သူများကို တန်းစီခိုင်းပြီး ပါးရိုက်ခဲ့သူ၊ ပြည်သူ့နေအိမ်များကို ဖောက်ထွင်းလုယက် မီးရှို့ခဲ့သူ ပျူစောထီး လူမိုက် ထွန်းထွန်းဝင်း ပစ်ခတ်ခံရပြီး သေဆုံးသွားကြောင်း ဒေသပြည်သူများနှင့် တော်လှန်ရေး သတင်းရင်းမြစ်ကပြောဆိုသည်။
မေလ ၁ ရက်နေ့ ညနေ ၅ နာရီဝန်းကျင်အချိန် မြင်းခြံမြို့နယ်၊ နတ်ထားကျေးရွာသို့ သီတာယုမွန်ပျူစောထီးအဖွဲ့မှ အဖွဲ့ဝင်လည်းဖြစ်၊ လူမိုက်တစ်ဦးလည်းဖြစ်သူ ပျူစောထီး ထွန်းထွန်းဝင်း (ခ) ငထွန်းရောက်ရှိလာကြောင်း၊ ထို့ကြောင့် တော်လှန်ရေးတပ်ဖွဲ့က ဝင်ရောက်ဖမ်းဆီးရာ အဖမ်းမခံဘဲ ထွက်ပြေးကြောင်း၊ ထို့ကြောင့် ပစ်ခတ်ရာမှ ပွဲချင်းပြီး သေဆုံးသွားကြောင်း ၊ သေဆုံးသူ ပျူစောထီးထွန်းထွန်းထံမှ ကာဘိုင်ကျည် ၂၃တောင့်၊ ၇၉ ဒသမ ၂ ကပစ ထုတ် ကျည်တစ်တောင့် သိမ်းဆည်း ရရှိခဲ့ကြောင်း၊ Freedom Fighter Guerrilla Force (FFGF)၊ Anyar Federal Task Force(AFTF)၊ ပြည်ချစ်သား ပြောက်ကျားတပ်ဖွဲ့(MGN) တို့က ပူးပေါင်း၍ စစ်ဆင်ရေး ဆောင်ရွက်ခဲ့ကြောင်း သိရှိရသည်။
“သူက မြင်းခြံမြို့ပေါ် သီတာယုမွန်ပျူစောထီးအဖွဲ့က ။ မြို့ပေါ်မှာ ပျူစောထီးထွန်းထွန်းနဲ့စစ်တပ်က မြင်းခြံအထက ၂ ကျောင်းမှာ တပ်စွဲထားတယ်။ သူတို့ တပ်စွဲထားတဲ့ ကျောင်းက အမှတ် ၁၇ ရပ်ကွက်ထဲမှာရှိတယ်။ အဲဒီမှာ ပြည်သူတွေက ညပိုင်းပူလို့ အပြင်ထွက်ထိုင်တာကို မှောင်ရိပ်ခိုတယ်ဆိုပြီး ပြည်သူတွေကို တန်းစီခိုင်းတယ်။ ပြီးတော့ သေသွားတဲ့ ပျူစောထီးထွန်းထွန်းက ပြည်သူတွေရဲ့ ပါးတွေကိုချည်း လိုက်ရိုက်တယ်။ သူတို့တပ်စွဲထားတဲ့ အထက ၂ ကျောင်းရှေ့က ဖြတ်သန်းသွားရင်လည်း ပြည်သူတွေကို ပါးခေါ်ရိုက်တယ်။ ရွာတွေဆင်းရင် အိမ်တွေ ဖောက်တယ်။ လုယက်တယ်။ မီးရှို့တယ်။ အဲဒါ မေလ ၁ ရက်နေ့ နတ်ထားကျေးရွာမှာ သူရောက်နေတုန်း အသတ်ခံလိုက်ရတာ။ နတ်ထားနဲ့ မြင်းခြံမြို့ပေါ်က ဆိုင်ကယ်နဲ့ ၁၀ မိနစ်ပဲ သွားရတယ်။ သူအသတ်ခံရတာ ကြားတော့ ပြည်သူတွေဆိုတာ ပျော်လို့ ထတောင်ကကြတယ်” ဟု ဒေသခံပြည်သူတစ်ဦးက ပြောဆိုသည်။
ပျူစောထီး ထွန်းထွန်းဝင်း၏ နာရေးကို မေလ ၂ ရက်နေ့ ချောင်းဒေါင်းသုသာန်တွင် သဂြိုလ်ခဲ့ပြီး သီတာယုမွန် ပျူစောထီးအဖွဲ့နှင့် စစ်တပ်စစ်ကြောင်းများ နာရေးလိုက်ပါပို့ဆောင်ကြကြောင်း သိရှိရသည်။
မြင်းခြံအမှတ် ၁၈ ရပ်ကွက်ကပျူခေါင်းဆောင် မင်္ဂလာဆောင်ကအပြန်အပစ်ခံရလို့သေ၊
မန္တလေးတိုင်း၊ မြင်းခြံမြို့၊ အမှတ်၁၈ရပ်ကွက်ကပျူခေါင်းဆောင်ထွန်းထွန်းဆိုသူ နတ်ထားရွာ မင်္ဂလာဆောင်ကနေအပြန်မှာ ဒေသတော်လှန်ရေးတပ်ဖွဲ့ဝင်တွေက ဖမ်းဆီးစဉ်ထွက်ပြေးလို့ပစ်ခတ်ခဲ့ရာ သေဆုံးသွားတယ်လို့ ဒေသတွင်းသတင်းရင်းမြစ်တွေက ပြောပါတယ်။
ပြီးခဲ့တဲ့ မေလ၁ရက်နေ့ ညနေ၆နာရီခန့်က ပျူခေါင်းဆောင် ထွန်းထွန်းကို ဝင်ရောက်ဖမ်းဆီးစဉ်မှာ အဖမ်းမခံပဲထွက်ပြေးလို့ လိုက်ပစ်တာမှာ ပွဲချင်းပြီးသေသွားတာလို့သိရပါတယ်။
“ဒီကောင်က နတ်ထားရွာသား အမှတ်၁၈ထဲနေတာ၊ စခအားကိုးနဲ့ သတင်းပေးပျူလုပ်နေတာကြာပြီ။ ဖမ်းဖို့သွားတာထွက်ပြေးလို့လိုက်ပစ်တာပွဲချင်းပြီးသေရော။ သူ့ဆီကသက်သေခံပစ္စည်းအချို့ရလာခဲ့တယ်”လို့တော်လှန်ရေးတပ်ဖွဲ့တွေနဲ့နီးစပ်တဲ့ မြင်းခြံမြို့ခံတစ်ဦးကပြောပါတယ်။
သေဆုံးသွားတဲ့ ပျူစောထီးခေါင်းဆောင်ထွန်းထွန်းဝင်းထံကနေ ကာပိုင်ကျည် ၂၃တောင့်၊ ၇၉.၂ ကပစ ထုတ် ကျည်တစ်တောင့်၊ဖုန်းတစ်လုံး(စခ၊ပခ များရဲ့ အချက်အလက်များပါရှိ)တို့ကို သက်သေခံအဖြစ်နဲ့သိမ်းဆည်းလာခဲ့တယ်လို့သိရပါတယ်။
ဒီမစ်ရှင်ကိုတော့ ပြည်ချစ်သား ပြောက်ကျားတပ်ဖွဲ့-MGN၊ Freedom Fighter Guerrilla Force(FFGF)နဲ့ Anyar Federal Task Force(AFTF) တို့ ပူးပေါင်းဆောင်ရွက်ခဲ့တာလို့သိရပါတယ်။