စစ်ကိုင်းမြို့မှ ရဲတပ်ကြပ်ကြီး ယာဉ်ထွန်းမောင်ကို PDF က ဝင်ရောက်ဖမ်းဆီးရာ ခဲယမ်းများနှင့်အတူ ဖမ်းဆီးရရှိ
စစ်ကိုင်းတိုင်း၊ စစ်ကိုင်းမြို့ပေါ်မှ ရဲတပ်ကြပ်ကြီးတစ်ဦးကို ဝင်ရောက်ဖမ်းဆီးခဲ့ကြောင်း ရတနာပုံ တပ်ဦး တာဝန်ခံ ကိုကီရီက ပြောကြားသည်။
ယမန်နေ့ ဒီဇင်ဘာလ ၈ ရက် နံနက် ၁၁ နာရီခန့်က စစ်ကိုင်းမြို့ပေါ်ရှိ ရပ်ကွက်တစ်ခုအတွင်း ထိုး ဖောက်ဝင်ရောက်ကာ အမှတ် ၃ ရဲလေ့ကျင့်ရေးသင်တန်းကျောင်းမှ ရဲတပ်ကြပ်ကြီး ယဉ်ထွန်းမောင် ကို နေအိမ်အတွင်း ဝင်ရောက်ဖမ်းဆီးခဲ့ကြောင်း၊ ၎င်းနှင့်အတူ 7.62 ကျည် ၁၈ တောင့်၊ 5.56 ကျည် ၃၈ တောင့်၊ လက်ပစ်ဗုံး ၁ လုံး ၊ လက်ထိပ် ၁ ခု၊ ဦးထုတ် ၂ လုံး၊ အပေါ်ဖောင်း ၂ စုံ တို့ကို သိမ်း ဆည်းရရှိခဲ့ကြောင်း သိရသည်။
“သေချာပြင်ဆင်ပြီးမှ လှုပ်ရှားခဲ့တာဖြစ်တဲ့အတွက် အားလုံးအေးဆေးဖြစ်ခဲ့ပါတယ်။ အိမ်မှာက မိ သားစုတွေရှိပေမယ့် သူ့မိသားစုဝင်ကို ဘာမှမလုပ်ခဲ့ပါဘူး၊ သူတစ်ယောက်တည်းပဲ ဖမ်းလာတာပါ။ စခတွေကတော့ စစ်ကိုင်းမြို့ထဲမှာ ကင်းပတ်နေတာတွေရှိပါတယ်။” ဟု ရတနာပုံ တပ်ဦး တာဝန်ခံ ကိုကီရီက ပြောကြားသည်။
အဆိုပါ လုပ်ဆာင်မှုကို Brave Revolution Force – B.R.F ၊ ရတနာပုံတပ်ဦး၊ Brave Soldiers Guerilla Force နှင့် မဟာမိတ်အဖွဲ့များ ပူးပေါင်းကာ လုပ်ဆောင်ခဲ့ခြင်းဖြစ်ပြီး ပြည်သူ့ကာကွယ်ရေး ရဲဘော်များ အထိအခိုက်မရှိ အောင်မြင်ခဲ့ကြောင်း သိရသည်။
Leave a Reply