Author: Admin

မန္တလေးတိုင်း ပြင်ဦးလွင်မြို့ရှိ စစ်တက္ကသိုလ်(DSA)နှင့် တပ်မတော်နည်းပညာတက္ကသိုလ်(DSTA) ကျောင်းဆင်းပွဲများ လာမည့်ရက်များအတွင်း ပြုလုပ်ရန် အမှတ်(၁) စစ်ဆင်ရေးအထူးအဖွဲ့ ကစထမှူး ဒုတိယ ဗိုလ်ချုပ်ကြီးကိုကိုဦး ကိုယ်တိုင် အထူးလုံခြုံရေး တာဝန်ယူဆောင်ရွက်နေကြောင်း စစ်ရေးသတင်းရင်းမြစ်များကဆိုသည်။ အမှတ်(၁) စစ်ဆင်ရေးအထူးအဖွဲ့အောက်တွင် ကချင်ပြည်နယ် မြောက်ပိုင်းတိုင်းစစ်ဌာနချုပ်(မပခ)၊ စစ်ကိုင်းတိုင်း၊ မကွေးတိုင်းမြောက်ပိုင်း၊ ချင်းပြည်နယ်များကို ထိန်းချုပ်ထားသည့် မုံရွာမြို့အခြေစိုက် အနောက်မြောက်တိုင်းစစ်ဌာနချုပ် (နမခ)၊ မန္တလေးတိုင်း၊ မကွေးတိုင်းတောင်ပိုင်းများကို ထိန်းချုပ်သည့် အလယ်ပိုင်းစစ်ဌာနချုပ်(လပခ) များကို ဦးစီးကွပ်ကဲရပြီး လက်ရှိ ကစထမှူး DSA ၃၈ ကျောင်းဆင်း ဒုတိယဗိုလ်ချုပ်ကြီးကိုကိုဦးမှာ အလယ်ပိုင်းစစ်ဌာနချုပ်(လပခ) တိုင်းမှူးတာဝန် ထမ်းဆောင်ခဲ့သူလည်း ဖြစ်သည်။ “သူတို့ရဲ့ Green Bookလို့ ခေါ်တဲ့ လေ့ကျင့်ရေးသင်ရိုးညွှန်းတမ်းမှာတော့ စစ်တက္ကသိုလ်က ၅ ရက်နေ့မှာ ကျောင်းဆင်းမှာ ဖြစ်ပြီးတော့ DSTA ကတော့…

စစ်တပ်အတွင်းရှိ တပ်မတော်သားများအားလုံးအနေဖြင့် စစ်ရာဇဝတ်တရားခံနှင့်အတူ ရှေ့ဆက်မလား၊ မိမိ မိသားစု၊ မိမိနိုင်ငံအတွက် အကောင်းဆုံးဆုံးဖြတ်ချက်များ ချမလားဆိုသည်ကို သေချာစွာ စဉ်းစားကြရတော့မည့်အချိန်ဖြစ်ကြောင်း အမျိုးသားညီညွတ်ရေးအစိုးရ(NUG) ပြည်ထောင်စုဝန်ကြီးချုပ် မန်းဝင်းခိုင်သန်းက ပြောကြားသည်။ “နောက်ဆုံးအချက်ပေး ခေါင်း‌လောင်းထိုးနေတဲ့ အချိန်ဖြစ်ကြောင်း သတိပေးပြောကြားလိုတာ ဖြစ်ပါတယ်”ဟု ဝန်ကြီးချုပ် မန်းဝင်းခိုင်သန်းက မင်းအောင်လှိုင်နှင့် ရှေ့ဆက်ခြင်းပြုမပြု၊ ပြည်သူ့တော်လှန်ရေးဘက် ရပ်တည်ခြင်းပြုမပြု စဉ်းစားရန် စစ်ကောင်စီ တပ်ဖွဲ့ဝင်များကို သတိပေးသည်။ အမျိုးသားညီညွတ်ရေးအစိုးရ၊ အစိုးရ အဖွဲ့အစည်းအဝေးကို ဒီဇင်ဘာ ၃ရက်က ကျင်းပစဉ် စစ်ကောင်စီခေါင်းဆောင် မင်းအောင်လှိုင်ကို ရိုဟင်ဂျာအရေးနှင့်ပတ်သက်ပြီး နိုင်ငံတကာ ရာဇဝတ်ခုံရုံး (ICC)မှ တရားလို ရှေ့နေတစ်ဦးက ဖမ်းဝရမ်းထုတ်ရန်လျှောက်ထားသည့် အခြေအနေကို ဝန်ကြီးချုပ်က ထည့်သွင်းပြောကြားစဉ် ယခုကဲ့သို့ သတိပေးခဲ့ခြင်းဖြစ်သည်။ “တော်လှန်ရေးအင်အားစုတွေအတွက်တော့ ယိုင်နဲ့နေတဲ့ စစ်အုပ်စုကို အပြီးတိုင် ဖြိုလှဲနိုင်ဖို့…

မြန်မာ့စီးပွားရေးတိုးတက်နေသည်ဟု မကြာခဏ ထုတ်ဖော်ပြောဆိုလေ့ရှိသူ စစ်ခေါင်းဆောင်က စီးပွားရေးအချက်အလက်များသည် မြေပြင်နှင့်ကွဲလွဲနေကြောင်း ဝန်ခံပြောဆိုခဲ့သည်။ စစ်ကောင်စီ ဝန်ကြီးဌာနများ၏ စီးပွားရေးဆိုင်ရာ ကိန်းဂဏန်းစာရင်းအချက်လက်များသည် မြေပြင် ပကတိအခြေအနေနှင့် ကွဲလွဲမှုရှိကြောင်း အာဏာသိမ်း စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင် က ဝန်ခံပြောကြားသည်။ ယမန်နေ့ (ဒီဇင်ဘာ ၃) က နေပြည်တော်တွင် ပြုလုပ်သည် ပြည်ထောင်စုအစိုးရအဖွဲ့အစည်းအဝေးတွင် စစ်ခေါင်းဆောင်က ဝန်ခံပြောကြားချက်များကို စစ်ကောင်စီထိန်းချုပ်သည့် နိုင်ငံပိုင်သတင်းစာများတွင် ဖော်ပြထားသည်။ ကိန်းဂဏန်းအချက်လက်များအရ စီးပွားရေးတိုးတက်သည့်နည်းတူ မြေပြင်အမှန်တိုးတက်ရန်လိုအပ်ပြီး အချက်လက် မမှန်ကန်ပါက စီမံကိန်းများရေးဆွဲရာတွင် မှားယွင်းနိုင်ကြောင်း၊ တိုင်းနှင့် ပြည်နယ်များရှိ စီးပွားရေးဝန်ကြီးများနှင့် စီမံကိန်းရေးဆွဲရေးဌာနများက မြေပြင်အခြေအနေမှန်ကို လေ့လာသုံးသပ်ပြီးမှ ဆောင်ရွက်သင့်ကြောင်း စစ်ခေါင်းဆောင်က ဆိုသည်။ “ဥပမာအနေဖြင့် မိမိတို့နိုင်ငံတွင် ဝါများပိုလျှံမှုရှိသည်ဟု ကိန်းဂဏန်းအချက်လက်များအရ သိရှိရပြီး ပြည်ပသို့ တင်ပို့ထားသည့် ကိန်းဂဏန်းအချက်အလက်နှင့်…

စစ်ရေးအသုံးစရိတ်ဆိုပြီး မဟာမြိုင်တောထဲက ရွှေနဲ့သစ်တွေကို ပသုံးလုံးအဖွဲ့တွေ အထိန်းအကွပ်မဲ့ တူးဖော်ခုတ်ယူနေ အောက်ခြေ ရဲဘော်တွေက‌ ပြည်သူ့ဆီက အလှူခံပြီး စစ်တိုက်နေရဟုဆို စစ်ကိုင်းတိုင်းအတွင်း တော်လှန်ရေးအဖွဲ့တွေ စိုးမိုးထိန်းချုပ်ထားတဲ့ မဟာမြိုင်ဘေးမဲ့တော ဧရိယာမှာ စစ်ရေးအ သုံး စရိတ်လိုအပ်ချက်အတွက်လို့ အကြောင်းပြပြီး ရွှေမျောတိုက်တာနဲ့ သစ်ခုတ်ယူတာတွေ ပသုံးလုံးအဖွဲ့ အစည်း တွေက အထိန်းအကွပ်မဲ့ တူးဖော်ခုတ်ယူနေတယ်လို့ ဒေသခံတွေက ပြောပါတယ်။ ပသုံးလုံးအဖွဲ့အစည်းတွေဟာ မဟာမြိုင်တောအတွင်းရှိ ရွှေနဲ့သစ်တွေကို တူးဖော် ခုတ်ယူတဲ့အခါ စစ်ဘေးရှောင် တွေအတွက် တဲထိုးအိမ်ဆောက်ပေးဖို့ အကြောင်းပြချက်ဖြင့် ခုတ်ယူသလို ရွှေမျောတိုက်တာကိုလည်း စစ်ရေးအ သုံး စရိတ်အတွက် တူးဖော်နေတာဖြစ်တယ်လို့ ပြောဆိုအကြောင်းပြလေ့ရှိတယ်လို့ ဒေသခံတွေက‌ ပြောပါတယ်။ လက်ရှိ ရွှေတူးဖော်တာနဲ့ သစ်ခုတ်တာတွေဟာ မဟာမြိုင်တောကြီးကနေ ဖြတ်သန်းသွားလာရတဲ့ မုံရွာ-ရေဦး-တန့်ဆည်-ကလေးဝလမ်းကြောင်းရဲ့ လမ်းမကြီးနဲ့ ပေ…

မင်္ဂလာဒုံမြို့နယ်ရှိ စစ်တပ်၏ အမှတ် ၁ဝ၆ ခြေမြန်တပ်ရင်းဌာနချုပ် အဝင်ဂိတ်ကို ၇၉ မမ ဗုံးပစ်လောင်ချာဖြင့် ပစ်ခတ် တိုက်ခိုက်မှု စစ်တပ်ဘက်မှ ထိခိုက်မှုရှိ ရန်ကုန်တိုင်း၊ မင်္ဂလာဒုံမြို့နယ်ရှိ အကြမ်းဖက် စစ်တပ်၏ အမှတ် ၁ဝ၆ ခြေမြန်တပ်ရင်းဌာနချုပ် အဝင်ဂိတ်ကို ၇၉ မမ ဗုံးပစ်လောင်ချာဖြင့် ပစ်ခတ် တိုက်ခိုက်ရာ စစ်တပ်ဘက်မှ ထိခိုက်မှုရှိကြောင်း Rangoon Urban Column (RUC) စစ်ကြောင်း တာဝန်ခံ ရဲခေါင်က ပြောဆိုသည်။ ဒီဇင်ဘာလ ၃ ရက်နေ့ ည ၇ နာရီ ၂၅ မိနစ်ခန့်တွင် မင်္ဂလာဒုံမြို့နယ်၊ ထောက်ကြန့် – လှော်ကား တာဆုံအနီးရှိ အကြမ်းဖက် စစ်တပ်၏ အမှတ် ၁ဝ၆ ခြေမြန်တပ်ရင်းဌာနချုပ် အဝင်ဂိတ်ကို…

မန္တလေးတိုင်း၊ မြင်းခြံခရိုင်အခြေစိုက် Myingyan Black Tiger – MBT မြင်းခြံခရိုင်အမှတ် ၉ တပ်ရင်း အခြေခံစစ်ပညာသင်တန်း အပတ်စဉ် ၁၅ သင်တန်းဆင်းပွဲကို ဒီဇင်ဘာ ၂ ရက်မှာ ပြုလုပ်ခဲ့တယ်လို့ အဲ့ဒီအဖွဲ့ဆီက သိရပါတယ်။ သင်တန်းသား ၄၀ ဦးပါတဲ့ အဆိုပါစစ်သင်တန်းကို နိုဝင်ဘာ ၂ ရက်ကစတင်ကာ ၁ လကြာ ပြုလုပ်ခဲ့တာဖြစ်ပြီး သင်တန်းဆင်းပွဲကိုလည်း တပ်ဖွဲ့အခြေစိုက်ရာဒေသအတွင်းမှာ ပြုလုပ်ခဲ့တာလို့ ဆိုပါတယ်။ သင်တန်းအတွင်း အခြေခံစစ်ပညာနဲ့ ပြည်သူအပေါ်ဆက်ဆံပေါင်းသင်းရေးတွေကို အဓိကသင်ကြားပေးခဲ့တယ်လို့ တပ်ဖွဲ့ခေါင်းဆောင် ဗိုလ်မိုက်ခဲ က ပြောပါတယ်။ MBT မြင်းခြံခရိုင်အမှတ် ၉ တပ်ရင်း အခြေခံစစ်ပညာသင်တန်း အပတ်စဉ် ၁၄ သင်တန်း ဆင်းပွဲကိုလည်း အောက်တိုဘာ ၂၈ ရက်မှာ ပြုလုပ်ခဲ့တယ်လို့…

ပဲခူးတိုင်းအနောက်ခြမ်း၊ ကြို့ပင်ကောက်မြို့မှာ စစ်ကောင်စီအဖွဲ့ဝင်တွေနဲ့ပေါင်းပြီး စစ်မှုထမ်းအတွက်အဓမ္မ လူသစ်စုဆောင်းတဲ့ ရာအိမ်မှူး အမျိုးသား ၁ ဦးကို သေနတ်နဲ့ပစ်သတ်ခဲ့တယ်လို့ Dragon Brother(GBK PDF)က သတင်းထုတ်ပြန်ထားပါတယ်။ အသတ်ခံရသူမှာ ကြို့ပင်ကောက်မြို့နယ်၊ တောင်ရွာမရပ်ကွက်ရဲ့ ရာအိမ်မှူး အသက် ၄၅ နှစ်ဝန်းကျင် ကိုအောင်ထွန်း ဖြစ်ပြီး ဒီဇင်ဘာ ၃ ရက် မနေ့မနက် ၁၀ နာရီဝန်းကျင်မှာ ရုံးလမ်းထောင့် ဆိုင်ကယ်ကယ်ရီဂိတ်အနီးမှာ ပစ်သတ်ခဲ့တာလို့ ဆိုပါတယ်။ “ အုပ်ကြီးရယ် အခြားသူတွေရယ် ၄ ယောက်စုပြီးစကားပြောနေတုန်းမှာ သူ့ကိုရွေးပြီးပစ်ခဲ့တာ။ ဒီကောင်က အုပ်ကြီးကို ကြိုးကိုင်နေတာ။ ခေါင်းကို ၂ ချက်ပစ်ခဲ့တယ်။ သူ့ဆီက လက်ကိုင်ဖုန်း ၁ လုံးတော့ သိမ်းခဲ့တယ်“ လို့ Dragon Brother(GBK PDF)က ယာယီစစ်ကြောင်းမှူးက…

မန္တလေးတိုင်း၊ မတ္တရာမြို့နယ်အရှေ့ခြမ်းရှိ ပြည်သူ့ကာကွယ်ရေးတပ်မတော်(မန္တလေး) ထိန်းချုပ်နယ်မြေသို့ စစ်ကောင်စီတပ်စစ်ကြောင်းဝင်ရောက်လာ၍ တိုက်ပွဲဖြစ်ပွားပြီး စစ်သား ၇ ဦးခန့်သေဆုံးကာ စစ်သုံ့ပန်းနှင့် ခဲယမ်းအချို့ သိမ်းဆည်းရမိခဲ့ကြောင်း မန္တလေး PDFက အသိပေးထုတ်ပြန်သည်။ ဒီဇင်ဘာ ၂ ရက် ညပိုင်းက မန္တလေး PDF ထိန်းချုပ်စိုးမိုးထားသော မတ္တရာမြို့နယ် အရှေ့ဘက်ခြမ်းရှိ မြို့ကုန်းကျေးရွာသို့ စစ်ကောင်စီတပ် စစ်ကြောင်းဝင်ရောက်လာပြီးနောက် တိုက်ပွဲဖြစ်ပွားခဲ့သည်။ ဒီဇင်ဘာ ၃ ရက်တွင် စစ်ကောင်စီ စစ်ကြောင်းနှင့် မန္တလေး PDFတို့ တနေကုန်နီးပါး တိုက်ပွဲဖြစ်ပွားခဲ့ပြီး ညနေပိုင်းတွင် စစ်ကောင်စီတပ်များ ပြန်လည်ဆုတ်ခွာသွားကြောင်း မန္တလေး PDFက ယနေ့(ဒီဇင်ဘာ ၄ ရက်)တွင် သတင်းထုတ်ပြန်သည်။ တိုက်ပွဲအတွင်း စစ်သုံ့ပန်း တစ်ဦး နှင့် လက်နက်ခဲယမ်းအချို့ သိမ်းဆည်းရမိခဲ့ပြီး စစ်သားအလောင်း(၇)လောင်းခန့် သိမ်းဆည်းရမိခဲ့ကြောင်း မန္တလေး…

စစ်အုပ်စု လုံခြုံရေး ယူခိုင်းပြီး ဝမ်ပေါင်ကုမ္ပဏီက လက်ပံတောင်းတောင် ကြေးနီစီမံကိန်း လုပ်ငန်း အားလုံးနီးပါး ပြန်လည်ပတ် စစ်ကိုင်းတိုင်း ဆားလင်းကြီးမြို့နယ်မှာရှိတဲ့ လက်ပံတောင်းတောင် ကြေးနီစီမံကိန်း လုပ်ငန်းတွေ အားလုံးနီးပါး ပြန် လည်ပတ်နေသလို စက်ရုံထွက် ကြေးနီတွေကိုလည်း တရုတ်ဝမ်ပေါင်ကုမ္ပဏီက တစ်လတစ် ကြိမ်နှုန်းနဲ့ စစ်အုပ်စု လုံခြုံရေးကို အသုံးချပြီး ကုန်းကြောင်း၊ ရေကြောင်းကနေ သယ်ယူနေတယ်လို့ ယင်းမာပင်-ဆားလင်းကြီး ရွာပေါင်းစုံသပိတ် ဦးဆောင်ကော်မတီ ခေါင်းဆောင် ကိုလွမ်းသူက ပြောပါတယ်။ “အခုကတော့ ကြေးနီတွေ သယ်နေတာက လစဉ် ပုံမှန်လိုလို သယ်ထုတ်နေတာပေါ့။ တစ်လကို တစ်ကြိမ်နှုန်းနဲ့ ကြေးနီတွေ သယ်ယူနေတာ။ ကြေးနီတွေ သယ်တာကတော့ ဒီနှစ် ဇူလိုင်လ လောက်ကမှ စသယ်နေတာပေါ့။ အဲဒီ အချိန်တုန်းက ကျနော်တို့လည်း စစ်ဘေး ရှောင်လိုက်ရသေးတယ်။…