Author name: Admin

ကရင်ပြည်နယ် ဖာပွန်ခရိုင်မှာ ပြီးခဲ့တဲ့ နိုဝင်ဘာလအတွင်း စစ်ကောင်စီရဲ့ တပ်စခန်းနှစ်ခုကို တိုက် ခိုက်သိမ်းပိုက်နိုင်ခဲ့ပြီး ထွက်ပြေးလာတဲ့ စစ်ကောင်စီတပ်ဖွဲ့ဝင်တွေကို လိုက်လံချေမှုန်းနေတယ်လို့ KNU ဖာပွန်ခရိုင်ထံကနေ သိရပါတယ်။ ပြီးခဲ့တဲ့ နိုဝင်ဘာလ တစ်လအတွင်း KNU ဖာပွန်ခရိုင် တပ်မဟာ ၅ နယ်မြေထဲမှာ KNLA တော် လှန်ရေးပူးပေါင်းတပ်နဲ့ စစ်ကောင်စီတပ်တို့အကြား တိုက်ပွဲပေါင်း ၄၃ ကြိမ်ဖြစ်ပွားခဲ့ရာမှာ စစ်ကောင်စီတပ်ဘက်က ၈၈ ဦးသေဆုံးခဲ့ပြီး ၁၃ ဦး ဒဏ်ရာရရှိခဲ့တယ်လို့ KNU ဖာပွန်ခရိုင်က သတင်း ထုတ်ပြန်ထားပါတယ်။ သေဆုံးသွားတဲ့ စစ်ကောင်စီတပ်သားတွေထဲမှာ တပ်ရင်းမှူး ၁ ဦး၊ ဒုတပ်ရင်းမှူး ၁ ဦးတို့ပါဝင်ပြီး စစ်ကောင်စီတပ်ရဲ့စခန်းဖြစ်ကြတဲ့ မထောစခန်းနဲ့ ကူးဆိပ်စခန်းတို့ကို KNLA တော်လှန်ရေးပူး ပေါင်းတပ်ဖွဲ့တို့က သိမ်းပိုက်နိုင်ခဲ့တာ ဖြစ်ပါတယ်။ […]

လာမယ့် ၂၀၂၅ ခုနှစ်အတွင်း ကျင်းပဖို့ရှိတဲ့ ရွေးကောက်ပွဲကို ပြီးခဲ့တဲ့ ၂၀၁၅ အထွေထွေရွေးကောက်ပွဲကာလကအတိုင်း စောင့်ကြည့်လေ့လာခွင့် စံနှုန်းနဲ့အညီ ခွင့်ပြုသွားမယ်လို့ စစ်ကောင်စီ ရွေးကောက်ပွဲကော်မရှင် ဥက္ကဋ္ဌ ဦးကိုကိုက ပြောလိုက်ပါတယ်။ ဒီဇင်ဘာလ ၇ ရက်နေ့က နေပြည်တော် ပြည်ထောင်စုရွေးကောက်ပွဲကော်ရှင်ရုံးမှာ နိုင်ငံရေးပါတီတွေနဲ့ ရွေးကောက်ပွဲကော်မရှင်တို့ တွေ့ဆုံချိန်မှာ ပြောခဲ့တာပါ။ ပြည်တွင်းပြည်ပ ရွေးကောက်ပွဲ စောင့်ကြည့်လေ့လာရေးအဖွဲ့တွေအနေနဲ့ ရွေးကောက်ပွဲဥပဒေ၊ နည်းဥပဒ အမိန့်ညွှန်ကြားချက်တွေကို စောင့်ကြည့်တာ၊ မဲလက်မှတ်တွေ ရိုက်နှိပ်တာကို လေ့လာစောင့်ကြည့်တာ၊ ရွေးကောက်ပွဲ ကန့်ကွက်လွှာ၊ အမှုတွေကို စစ်ဆေးတာ၊ ဆုံးဖြတ်တာ စတဲ့ အချက်တွေကို စောင့်ကြည့်လေ့လာခွင့် စံနှုန်းနဲ့အညီ ခွင့်ပြုသွားမယ်လို့ ဆိုပါတယ်။ ၂၀၂၀ ပြည့်နှစ် အထွေထွေရွေးကောက်ပွဲမှာ စောင့်ကြည့်ခွင့်မပြုဘဲ လေ့လာခွင့်သာ ခွင့်ပြုခဲ့တယ်လို့ ဦးကိုကိုက ပြောပါတယ်။ ဒါ့အပြင်

အနောက်ပိုင်းတိုင်းစစ်ဌာနချုပ်တွင် ပိတ်မိနေသော ဒဏ်ရာရစစ်သားများ၊ တပ်မိသားစုနှင့် စစ်သားအများစုက လက်နက်ချ အလင်းဝင်ပြီး အသက်ရှင်လျက်ဖြင့် လိုရာသွားခွင့်ရရန် လိုလား သို့သော် တပ်မှူးများက AA က ဖမ်းမိလျှင် သတ်ဖြတ်မည်ဖြစ်၍ အသေခံ တိုက်ပွဲဝင်ကြရန်သာ အမိန့်ပေးခြိမ်းခြောက် ရခိုင်ပြည်၊ အမ်းမြို့နယ်အခြေစိုက် အနောက်ပိုင်းတိုင်းစစ်ဌာနချုပ်မှာ AA တပ်များ၏ ဝိုင်းရံပိတ်ဆို့ခြင်းခံထားရပြီး ခုခံနေသော်လည်း စစ်သားအများစုမှာ အလင်း ဝင်လိုပြီး အသက်ရှင်ခွင့်ရရန် လိုလားနေကြကြောင်း ရန်ကုန်နှင့် နေပြည်တော်တွင် နေထိုင်ကြသော အနောက်ပိုင်းတိုင်းစစ်ဌာနချုပ်အတွင်းမှ စစ်သားများ၏ မိသားစုများက ဆက်သွယ်ပြောဆိုသည်။ နိုဝင်ဘာလအတွင်းမှစတင်ပြီး အနောက်ပိုင်းတိုင်းစစ်ဌာနချုပ်အတွင်းသို့ ဒဏ် ရာရ စစ်သားအများအပြား ရောက်ရှိလာပြီး စစ်ကောင်စီက ဒဏ်ရာရ စစ်သားများကို ခေါ်ထုတ်ခြင်းမရှိဘဲ ထပ်မံ၍သာ ရဟတ်ယာဉ်ဖြင့် လူအင်အားများစွာ ချပေးခဲ့ကြောင်း၊ အနောက်ပိုင်းတိုင်းစစ်ဌာနချုပ်အတွင်းသို့ စစ်ရဟတ်ယာဉ်များဖြင့် ရိက္ခာများ၊

ထီးလင်းမြို့မှ စစ်တပ်စစ်ကြောင်းကို တိုက်ခိုက်မှု ဗိုလ်ကြီး အောင်စိုးဦး အပါ အဝင် စစ်သား ၈ ဦးသေဆုံးပြီး ၁ ဦး အရှင်ဖမ်းဆီးရရှိခဲ့သည့် စစ်တပ်၏ တိုက်ပွဲ လျှို့ဝှက် အစီရင်ခံစာ ပေါက်ကြား မကွေးတိုင်း၊ ထီးလင်းမြို့အနီး စစ်ကြောင်းမှူး ဗိုလ်ကြီး အောင်စိုးဦး အပါအဝင် အကြမ်းဖက် စစ်သား ၈ ဦးသေဆုံးခဲ့သည့် တိုက်ပွဲဖြစ်စဉ် လျှို့ဝှက် ရုံးအစီရင် ခံစာမှာ တော်လှန်ရေးတပ်များထံသို့ ပေါက်ကြားလာကြောင်း ထီးလင်းမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ပြောဆိုသည်။ နိုဝင်ဘာလ ၂၈ ရက်နေ့ နံနက် ၁၀ နာရီ ၁၅ မိနစ်ခန့်တွင် ထီးလင်းမြို့မှ စစ်ကြောင်းမှူး ဗိုလ်ကြီး အောင်စိုးဦး ဦးစီးသော စစ်သားနှင့် ပျူစောထီး ၈၀

တိုက်ပွဲများတွင် တပ်ရင်းလိုက် လက်နက်ချမှုများရှိနေသည့် စစ်ကောင်စီတပ်၏ ခေါင်းဆောင် မင်းအောင်လှိုင်က စစ်ကောင်စီတပ်ဖွဲ့ဝင်များ၏ တိုက်လိုခိုက်လိုစိတ်ကို မြင့်မားအောင် တည်ဆောက်သွားကြရန်လိုအပ်ကြောင်းပြောသည်။ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က ယမန်နေ့ ဒီဇင်ဘာလ ၆ ရက်နေ့က ပြင်ဦးလွင်မြို့တွင် ပြုလုပ်သည့် စစ်တက္ကသိုလ် ဗိုလ်လောင်းသင်တန်းဆင်းပွဲတွင် သတိပေးပြောကြားသည်။ “တိုက်လိုခိုက်လိုစိတ် မြင့်မား​စေဖို့အတွက် တပ်မ​တော်ရဲ့စိတ်ဓါတ်​တွေဖြစ်တဲ့ လှေခွက်ချည်းကျန် အလံမလဲသည့် စိတ်ဓာတ်၊ ပေးအပ်တဲ့တာဝန်အပေါ်မှာ တုံးတိုက်တိုက် ကျားကိုက်ကိုက် မဖြစ်မနေ အောင်မြင်အောင်လုပ်မယ်ဆိုတဲ့စိတ်ဓာတ် ဒို့တပ်မတော်ရဲ့ အစဉ်အလာကောင်းတွေကို အသက်နဲ့လဲပြီး စောင့်ထိန်းမယ်ဆိုတဲ့ စိတ်ဓာတ်မျိုးရရှိအောင် တည်ဆောက်သွားကြဖို့လိုတယ်”ဟု ဆိုသည်။ စစ်ကောင်စီ တပ်ဖွဲ့ဝင်များ ယုံကြည်ချက်၊ ခံယူချက်မှန်ပြီး စိတ်ဓာတ်ကောင်းမွန်ရန် အထူးလိုအပ်သည့်အတွက် တပ်ဖွဲ့ဝင်များ စိတ်ဓာတ်ကောင်းမွန်စေရေး လေ့ကျင့်ရေး၊ အုပ်ချုပ်ရေး ၊ သက်သာချောင်ချိရေးတို့ဖြင့် ဖန်တီးပေးရမည်ဖြစ်သည့်အပြင် မျိုးချစ်စိတ် စသည်တို့ဖြင့်

အနောက်ပိုင်းတိုင်းစစ်ဌာနချုပ် (နပခ) မကျရေးအတွက် စစ်ကောင်စီက ခုခံနေပြီး အာရက္ခတပ်တော် (AA) ဆီမှာ လက်နက်ချအညံ့ခံလိုတဲ့ အရာရှိ ၄ ယောက်ကို စစ်တပ်က ဖမ်းဆီးအချုပ်ချထားတယ်လို့ နပခနဲ့ နီးစပ်တဲ့ သတင်းအရင်းအမြစ်တွေဆီက သိရပါတယ်။ အာရက္ခတပ်တော် (AA) က တိုင်းစစ်ဌာနချုပ်ထဲအထိ တိုးဖောက်ဝင်ရောက်တိုက်ခိုက်နေပြီး လက်နက်ချ အညံ့ခံလိုတဲ့ ဒုဗိုလ်မှူးကြီး ၂ ယောက်နဲ့ ဗိုလ်မှူး ၂ ယောက်ကို ဒီဇင်ဘာ ၆ ရက်က ဖမ်းပြီး အချုပ်ချထားတယ်လို့ သတင်းအရင်းအမြစ်က ပြောပါတယ်။ “နပခသမိုင်းမှာ အခုတိုက်ပွဲက အဆိုးဆုံးပဲ။ သေတာတွေ၊ ထွက်ပြေးတာတွေ၊ သတင်းပေးတွေလည်းများတယ်။ AA ဘက်က သနားလို့ လက်နက်ချအညံ့ခံဖို့ပြောတယ်။ မနေ့က အလင်းဝင်ဖို့ လုပ်နေတဲ့ အရာရှိ ၄ ယောက်ကို ဖမ်းပြီးချုပ်ထားတယ်။”

ရှမ်းပြည်နယ်မြောက်ပိုင်း၊မူဆယ်ခရိုင်၊ မူဆယ်မြို့သို့ အလုပ်လုပ်ရန်သွားသည့် ရခိုင်အမျိုးသမီးတစ်ဦးကိုအာရက္ခတပ်တော် (AA) နှင့်ဆက်စပ်သည်ဟု ဆိုကာ စစ်ကောင်စီမှဖမ်းဆီးသတ်ဖြတ်လိုက်ကြောင်း သတင်းရရှိသည်။ ၎င်းအမျိုးသမီးမှာ မြေပုံမြို့နယ်၊ကမ်းထောင်းကြီးမြို့မှ မနွယ်နွယ်မြင့် အသက် ( ၂၅) နှစ်ဖြစ်သည်။ မူဆယ်မြို့အဝင် စစ်တပ်ဂိတ်တွင် ဒီဇင်ဘာ ၆ရက်နေ့နံနက်ကခရီးသည်များအားစစ်ဆေးစဉ်ရခိုင်အမျိုးသမီးငယ် (၄)ဦးအားခေါ်ယူထားလိုက်ပြီး ထိုအထဲက မနွယ်နွယ်မြင့်ကိုAAနှင့်ဆက်စပ်သည်ဟုဆိုကာစစ်ကောင်စီကသတ်ဖြတ်လိုက်ခြင်းဖြစ်သည်ဟု ကမ်းထောင်းကြီးဒေသခံတစ်ဦးက ပြောသည်။ ” သူတို့ ရန်ကုန်ကနေလာကြတာပါ။ မူဆယ်အဝင်ဝဂိတ်မှာစစ်ဆေးခံရတယ်။ စစ်ကောင်စီဂိတ်ပါ။ အဲ့ဒီမှာ ဖုန်းတွေကိုစစ်တယ်။ မနွယ်နွယ်မြင့်မှာ AAနဲ့ပက်သက်တဲ့ တယ်လီကရမ်မှာ joinထားတာတွေ၊ ဖေ့စ်ဘွတ်မှာ AA နဲ့ပက်သက်တဲ့ ပို့စ်တွေ ရှယ်ထားတာတွေကိုတွေ့တယ်။ မိန်းကလေး ၄ ယောက်လုံးကို စစ်တပ်ထဲခေါ်သွားတာ။ တစ်ယောက်ကသတ်ဖြတ်ခံလိုက်ရပါတယ်” ဟုပြောသည်။ နောက်ထပ် မနွယ်နွယ်မြင့်နှင့်အတူဖမ်းဆီးခံရသည့် ရခိုင်အမျိုးသမီး(၃)ဦးကို စစ်တပ်က ငွေကြေးရာနှင့်ချီတောင်းခံပြီးမှ ပြန်လွှတ်ပေးခဲ့သည်ဟု နီးစပ်သူတစ်ဦးကပြောသည်။ ”

မောင်တောရှိ စစ်ကောင်စီ၏ နောက်ဆုံးလက်ကျန်စခန်း နခခ ၅ မြို့သူကြီးကို AA သိမ်းပိုက်ပြီး နယ်စပ် တစ်လျောက်လုံးကို ထိန်းချုပ် စစ်ကောင်စီ၏ မောင်တောရှိ စစ်ကောင်စီ၏ နောက်ဆုံးလက်ကျန် နယ်ခြားစောင့်စခန်း (နခခ-၅) မြို့သူကြီးကို အာရက္ခတပ်တော် (AA) က သိမ်းပိုက်လိုက်ပြီး မြန်မာ- ဘင်္ဂလားဒေ့ရှ်နယ်စပ် တစ်လျှောက် ကို ထိန်းချုပ်လိုက်ပြီဖြစ်ကြောင်း သိရသည်။ ယမန်နေ့ ဒီဇင်ဘာ ၆ ရက်နေ့တွင် နခခ ၅ ၏ နောက်ဆုံးခံတပ်စည်းအထိ AA က ပြင်းပြင်းထန်ထန် ထိုးစစ်ဆင်ဝင်ရောက်တိုက်ခိုက်ပြီး စခန်းကို သိမ်းယူလိုက်ခြင်းဖြစ်ကြောင်း ဒေသတွင်း သတင်းများ၏ ဖော်ပြချက်အရ သိရသည်။ “စခန်းသိမ်းနေစဉ်ရော၊ သိမ်းပြီးတဲ့ အချိန်မှာရော လေယာဉ်က ဗုံးလာကြဲတာ။ ပေါင် ၁၀၀၀ ဖျက်အား ပြင်း

ဗန်းမော်မြို့တွင်းထိ KIAတပ်များ ဝင်ရောက်နေရာယူထားပြီး မြို့မရဲစခန်းနှင့် ရုံးကြီးကိုသိမ်း၊ စကခ ၂၁ တွင် တိုက်ပွဲပြင်းထန်နေ ကချင်ပြည်နယ်၊ ဗန်းမော်မြို့အတွင်းထိ ကချင်လွတ်လပ်ရေးတပ်မတော် (KIA) တပ်များ ဝင်ရောက် နေရာယူပြီး စစ်ကောင်စီစခန်းအချို့ကို သိမ်းဆည်းထားပြီဖြစ်ကြောင်း သိရသည်။ ယမန်နေ့ ဒီဇင်ဘာ ၆ရက်နေ့တွင် ဗန်းမော်မြို့တွင်းရှိ စစ်ကောင်စီ၏ မြို့မရဲစခန်းနှင့် ဌာနဆိုင်ရာရုံးပေါင်းစုံ ရုံးကြီးအား တိုက်ခိုက်သိမ်းယူပြီး နယ်မြေရှင်းလင်းနေကြောင်း သိရသည်။ “စစ်မျက်နှာ လေးခုလောက်ဖွင့်ပြီး KIAကတိုက်နေတာ။ စစ်တပ်ကတော့ အစဉ်အလာအတိုင်း လေယာဉ်နဲ့ အဓိကတိုက်တယ်ပေါ့။ နည်းပညာတက္ကသိုလ်နားမှာ တိုက်ပွဲပြင်းထန်နေတယ်။ စကခ ၂၁လည်း အနီးကပ်တိုက်ပွဲဖြစ်တယ်” ဟု ကချင်သတင်းရင်းမြစ်က ပြောသည်။ အမှတ် (၂၁) စစ်ဆင်ရေးကွပ်ကဲမှုဌာနချုပ် (စကခ-၂၁) ကို KIAက ထိုးစစ်ဆင်တိုက်ခိုက်နေပြီး စစ်ကောင်စီက ခမရ ၃၁၉

ပြင်ဦးလွင် (မေမြို့)မှာ ဒီဇင်ဘာ ၁ ရက်နေ့ကနေ ၃၁ ရက်နေ့ထိကျင်းပပြုလုပ်သွားမယ့်ပန်းပွဲတော်ကို အရင်နေရာဟောင်းဖြစ်တဲ့ ကန်တော်ကြီးမှာ မဖွင့်လှစ်တော့ဘဲ ပွဲကောက်ရေတံခွန် ဘက်ပြောင်းရွေ့ပြီး ဖွင့်လှစ်ကျင်းပခဲ့တယ်လို့ ပြင်ဦးလွင်မြို့ခံအမျိုးမီးတစ်ဦးက ပြောပါတယ်။ ပြီးခဲ့တဲ့နှစ်တွေမှာ ဗိုလ်လောင်းသင်တန်းဆင်းပြီးတဲ့ သင်တန်းသားနဲ့ ၎င်းတို့ရဲ့မိသားစုဝင်တွေကို စစ်ကောင်စီဘက်က ပွဲကောက်ရေတံခွန်ဘက် အလည်ပို့ပေးတာတွေရှိတယ်လို့သူကဆက်ပြောပါတယ်။ “အမအထင်တော့ အဲ့လိုပြောင်းဖွင့်လိုက်တာက သင်တန်းဆင်းပွဲပြီးတာနဲ့သူတို့မိသားစုတွေနဲ့အတူ ပွဲကောက်ရေတံခွန်လာလည်ရင် အပြင်လူတွေသတိမထားမိနိုင်အောင်လုပ်တာဖြစ်မယ်”လို့ သူကဆက်ပြောပါတယ်။ ဒီဇင်ဘာလ ၆ ရက်နေ့မှာ ပြုလုပ်ကျင်းပခဲ့တဲ့ ဗိုလ်လောင်သင်တန်းဆင်းပွဲကို စစ်ခေါင်းဆောင် မင်းအောင်လှိုင်တက်ရောက်ခဲ့ ပြီး စစ်ရေးဂိတ်တွေကိုလည်း တင်းကြပ်နေတာတွေ ရှိတယ်လို့ သိရပါတယ်။ ဂိတ်တွေမှာ”မှတ်ပုံတင်စစ်တာတော့မရှိဘူး။ ဆိုင်ကယ်ဆို tool box စစ်တာမျိုး။ ကားဆိုလဲအဲ့အတိုင်းပဲ။ မနှစ်ကလိုလမ်းလဲမပိတ်တော့ဘူး။ လုံခြုံရေးတော့ရှိတယ်။ လမ်းကြားတိုင်းသူတို့ရှိတယ်။” ဗိုလ်လောင်းသင်တန်းဆင်းပွဲမစခင် နှစ်ရက်သုံးရက်အလို ကတည်းက လမ်းမှာ စစ်ဆေးတာတွေ၊ ဆိုင်ကယ်၊ကား