Author name: Admin

မကွေးတိုင်း၊ ပခုက္ကူမြို့နှင့် (၁၈)မိုင်ခန့်ဝေးသော ကမ္မမြို့လျှပ်စစ်ဓါတ်အားခွဲရုံရှိ စစ်ကောင်စီ​၏ ရဲကင်းစခန်း လေးရက်ဆက် တိုက်ခိုက်ခံရပြီးနောက် စခန်းစွန့်ဆုတ်ခွာသွားကြောင်း သတင်းရရှိသည်။ အင်အား ၃၀ ခန့်ရှိသော ကမ္မဓာတ်အားခွဲရုံ ရဲကင်းစခန်းအား တော်လှန်ရေးမဟာမိတ်အဖွဲ့များ ပူးပေါင်း၍ ဩဂုတ် ၃၁ ရက်မှ စက်တင်ဘာ ၃ ရက်အထိ လေးရက်ဆက် ဒရုန်းများဖြင့် Drop Bombများ နေ့ရောညပါ ဆက်တိုက်ချတိုက်ခိုက်ခဲ့ကြောင်း မြိုင်မြို့နယ်ပြည်သူ့ကာကွယ်ရေးအဖွဲ့(ပကဖ) တာဝန်ရှိသူက ပြောသည်။ အဆိုပါတိုက်ခိုက်မှုများကြောင့် စစ်ကောင်စီတပ်သားများ ထိခိုက်မှုရှိလာ၍ ယမန်နေ့ (စက်တင်ဘာ ၄ ရက်) နံနက်ပိုင်းတွင် ရဲကင်းစခန်းအား စခန်းစွန့် ဆုတ်ခွာသွားကြောင်း အထက်ပါတာဝန်ရှိသူက ပြောသည်။ “ကမ္မကို ဆုတ်သွားတယ်။ ဒီလျှပ်စစ်ဓါတ်အားခွဲရုံစခန်းနဲ့ ကမ္မရဲစခန်းက မလှမ်းမကမ်းပဲ။ ဒီကောင်တွေက အုပ်ချုပ်ရေးနယ်ကျယ် ပြန့်ချင်လို့ ဒီနေရာကို လုံခြုံရေးယူထားတဲ့သဘောပါ။”ဟု […]

အကြမ်းဖက်မင်းအောင်လှိုင် လွိုင်ကော်မြို့သို့ ရောက်ရှိချိန် တော်လှန်ရေးတပ်များက လက်နက်ကြီးဖြင့် ပစ်ခတ်မှုနှင့် လုံခြုံရေး စိတ်မချရမှုတို့ကြောင့် လွိုင်ကော်တက္ကသိုလ်နှင့် လေဆိပ်အပျက်အစီးများ စစ်ဆေးမည့် အစီအစဉ် ဖျက်သိမ်းပြီး တက်သုတ်ရိုက် ထွက်ခွာ အကြမ်းဖက် စစ်ခေါင်းဆောင် မင်းအောင်လှိုင် လွိုင်ကော်မြို့သို့ ရောက်ရှိချိန် ကရင်နီတော်လှန်ရေးတပ်များက လက်နက်ကြီးဖြင့် ပစ်ခတ်မှု နှင့် လုံခြုံရေးအခြေအနေ စိတ်မချရမှုတို့ ကြောင့် လွိုင်ကော်တက္ကသိုလ်နှင့်လေဆိပ်တို့ကို သွားရောက် စစ်ဆေးကြည့်ရှုမည့် အစီအစဉ်တချို့ကို ဖျက်သိမ်းပြီး တက်သုတ်ရိုက်ပြန်လည် ထွက်ခွာသွားကြောင်း စစ်ဘက်သတင်းရင်းမြစ်ကပြောဆိုသည်။ စက်တင်ဘာလ ၄ ရက်နေ့ အကြမ်းဖက် စစ်ခေါင်းဆောင် မင်းအောင်လှိုင်သည် လွိုင်ကော်မြို့သို့ ရောက်ရှိလာခဲ့ပြီး အစည်းအဝေးများလုပ် ဆောင်ခဲ့ကြောင်း၊ ယင်းနောက် လုံခြုံရေးအခြေအနေ စိတ်မချရမှုကြောင့် လွိုင်ကော်တက္ကသိုလ်နှင့် လွိုင်ကော်လေဆိပ်တို့ရှိ အပျက်အစီးများကို သွား ရောက် ကြည့်ရှုမည့် အစီအစဉ်များကို

နောင်ချို၊ တောင်ခမ်းရှိ စစ်ကောင်စီ၏ အမြောက်တပ်များကို သိမ်းပိုက်ရေး တိုက်ပွဲတွင် TNLA က စစ်တပ်၏ သံချပ်ကာများကို အသုံးပြုနေပြီး လက်နက်နှင့်စစ်သားအလောင်းများ သိမ်းဆည်းရရှိသည့် မှတ်တမ်းများ ထုတ်ပြန် ရှမ်းပြည်နယ်မြောက်ပိုင်း၊ နောင်ချိုမြို့နယ်၊ တောင်ခမ်းကျေးရွာရှိ စစ်ကောင်စီ၏ အမြောက်တပ်များဖြစ်သည့် ၂၀၆၊ ၃၅၄၊ ၄၀၆ ၊ ၉၀၂ တပ်များကို တိုက်ခိုက်သိမ်းပိုက်ရေး တိုက်ပွဲတွင် TNLA က စစ်တပ်၏ သံချပ်ကာများကို အသုံးပြုနေပြီး လက်နက်နှင့်အလောင်းများ သိမ်းဆည်းရရှိသည့် မှတ်တမ်းများကို ယမန်နေ့ ထုတ်ပြန်လိုက်သည်။ တောင်ခမ်းတွင် အမြောက်တပ်ရင်း ၄ ခုရှိသည့်အနက်မှ အမြောက်တပ် ၄၀၆ နှင့် အမြောက်တပ် ၂၀၆ တို့ကို သြဂုတ်လ ၂၈ ရက်နေ့တွင် TNLA က သိမ်းပိုက်နိုင်ခဲ့ပြီး ကျန်ရှိသော

ကရင်ပြည်နယ်၊ KNU တပ်မဟာ ၅ နယ်မြေတွင် ဩဂုတ်လတိုက်ပွဲများအတွင်း စစ်တပ်ဘက်မှ ၃၅ ဦးသေဆုံးကြောင်း KNU မူတြော်သတင်းစဉ်က သတင်းထုတ်ပြန်သည်။ သြဂုတ်လ ၁ ရက်နေ့မှ ဩဂုတ်လ ၃၁ ရက်နေ့အထိ တိုက်ပွဲများအတွင်း KNU ပူးပေါင်းတပ်များနှင့် စစ်တပ်အကြား တိုက်ပွဲပေါင်း ၁၁၅ ကြိမ်ဖြစ်ပွားခဲ့ပြီး အထက်ပါ တိုက်ပွဲများအတွင်း စစ်တပ်ဘက်မှ ၃၅ ဦးသေဆုံးသွားကြောင်း၊ စစ် ကောင်စီတပ်ဖွဲ့ဝင် ၁၃ ဦး ထိခိုက်ဒဏ်ရာရရှိကာ တော်လှန်ရေးတပ်များဘက်မှ ထိခိုက်မှု တစ်စုံတစ်ရာ မရှိကြောင်း သိရှိရသည်။ စစ်ကောင်စီတပ်က ဩဂုတ်လ တစ်လတာအတွင်း လက်နက်ကြီးအလုံးရေ ၂၂ လုံးရမ်းသမ်းပစ်ခတ်ခဲ့ရာ အပြစ်မဲ့ပြည်သူ ၁ ဦးထိခိုက်ဒဏ်ရာရရှိခဲ့ပြီး ခိုင်းနွားတစ်ကောင်ပါ ထိခိုက်ဒဏ်ရာရရှိသွားခဲ့ကြောင်း သိရှိရသည်။

မကွေးတိုင်း ထီးလင်းမြို့နယ် ရေမျက်နီစခန်းမှပြန်လာသည့် စစ်ကောင်စီတပ် စစ်ကြောင်းကို ဂန့်ဂေါခရိုင် ပြည်သူ့ကာကွယ်ရေးတပ်(PDF) တပ်ရင်း ၅ရင်းစုပေါင်း တိုက်ခိုက်ခဲ့ကြောင်း ယောတော်လှန်ရေးတပ်(YRA)-ထီးလင်း တာဝန်ရှိသူ သခင်ဇော်က ပြောသည်။ PDFများ တိုက်ခိုက်မှုကြောင့် ရေမျက်နီစခန်းသို့ စစ်ကူသွားပြန်လာသည့်တပ်ကို စက်တင်ဘာ ၂ရက်တွင် ကြားဖြတ်တိုက်ခိုက်ခဲ့ခြင်းဖြစ်သည်ဟု ဆိုသည်။ တိုက်ခိုက်မှုကို ဂန့်ဂေါခရိုင် PDFတပ်ရင်း ၅ရင်းဖြစ်သော ၁၃၊ ၁၅၊ ၁၆၊ ၁၇နှင့် တပ်ရင်း ၁၈တို့စုပေါင်းတိုက်ခိုက်ခဲ့ခြင်းဖြစ်သည်ဟု သခင်ဇော်က ပြောသည်။ ” ၅ရင်းစုဖွဲ့ထားတဲ့ ရဲဘော်တွေကတိုက်တာ ဖြစ်ပါတယ်။ လက်ရှိ အခြေအနေကကျနော်တို့ ထိတွေ့မှု ဖြစ်တဲ့နေရာနဲ့ထီးလင်းမြို့ သူတို့ အထိုင်နေရာနဲ့က ၃မိုင်လောက်ပဲ ဝေးတာပေါ့။ အခု သူတို့ ထီးလင်းမြို့ကို ရောက်သွားပြီ။ သူတို့ဘက်ကထိခိုက် ကျဆုံးရှိတယ်လို့သိရတယ်”ဟု ၎င်းက ပြောသည်။ တပ်တွင်းသတင်းရင်းမြစ်၏

စစ်ကောင်စီတပ်က ဆေးရုံ ဆေးခန်းများကို ဗုံးကြဲဖျက်ဆီးနေသော်လည်း ဆေးရုံများတွင် လာရောက် ကုသသည့်ပြည်သူများ အားကိုးဖွယ်ရာဖြစ်အောင် ဆောင်ရွက်ရန် စစ်ခေါင်းဆောင် ညွှန်ကြား စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်က ဆေးရုံများအနေဖြင့် ပြည်သူများအတွက် အားကိုး ဖွယ်ရာဖြစ်အောင် ဆောင်ရွက်ရန်လိုအပ်ကြောင်း ပြောဆိုခဲ့သည်။ ယမန်နေ့ စက်တင်ဘာ ၃ ရက်နေ့က တောင်ကြီးမြို့ စဝ်စံထွန်းဆေးရုံသို့ သွားရောက်ကြည့်ရှုစစ်ဆေးစဉ် ဆေးရုံများအနေဖြင့် လာရောက်ကုသသည့်ပြည်သူများ အားကိုးသည့်စိတ်များဖြစ်ပေါ်အောင် ‌ဆောင် ရွက်ရမည်ဟု စစ်ခေါင်းဆောင်က ပြောဆိုခဲ့ခြင်းဖြစ်သည်။ အစိုးရဆေးရုံများတွင် ဆေးနှင့် ဆေးဘက်ဆိုင်ရာ ပစ္စည်းများရှားပါးနေပြီး တက်ရောက် ဆေးကုသရာတွင် ဆရာဝန်များအသုံးပြသည့် လက်အိတ်များမှအစ ဆေးထိုးအပ်၊ ဆေးထိုးပြွန်နှင့် ဆေးဝါးများကို ပြင်ပမှဈေးကြီးပေးဝယ်၍ တက်ရောက်ဆေးကုသနေရသည့်အချိန်တွင် စစ်ခေါင်းဆောင်က ဆေးရုံတက်ပြည်သူများ ကျန်းမာရေးနှင့်ညီညွတ်သည့် အစာအာဟာရများ ရရှိစေရေး စီမံဆောင်ရွက်ပေးရန်လို ကြောင်း မှာကြားမှုများ ပြုလုပ်ခဲ့ကြောင်း

မြ၀တီမြို့နယ်၊ လေးကေ့ကော်မြို့သစ်အနီးရှိ စွယ်တော်ကုန်း ဗျူဟာအမြောက်ကုန်းတွင် တိုက်ပွဲပြင်းထန်နေပြီး KNU ဦးဆောင်သော တော်လှန်ရေးတပ်များက ပူးပေါင်းတိုက်ခိုက်နေ ကရင်ပြည်နယ်၊ မြ၀တီမြို့နယ်၊ လေးကေ့ကော်မြို့သစ်အနီးရှိ စွယ်တော်ကုန်း ဗျူဟာအမြောက်ကုန်းတွင် တိုက်ပွဲများ ပြင်းထန်နေပြီး KNU ဦးဆောင်သော တော်လှန်ရေးတပ်များက စစ်တပ်ကို ပူးပေါင်းတိုက်ခိုက်နေကြောင်း ပြည်သူ့ကာကွယ်ရေးတပ်မတော် သတင်းရင်းမြစ်ကပြောဆိုသည်။ စက်တင်ဘာလ ၃ ရက်နေ့ ည ၁၀ နာရီ ၂၀ မိနစ်အချိန်မှစတင်၍ မြ၀တီမြို့ရှိ စစ်ကောင်စီတပ်က လက်ခတ်တောင်ပတ်ဝန်းကျင်သို့ လက် နက်ကြီးများဖြင့် စတင်ပစ်ခတ်ခဲ့ကြောင်း၊ အတွဲလိုက် လက်နက်ကြီးများလည်းပစ်ခတ်ခဲ့ပြီး လက်နက်ကြီး ၂၅ လုံးထက်မနည်းကို ပစ်ခတ်ခဲ့ကြောင်း၊ ယင်းနောက် မြဝတီမြို့ တောင်ဘက် လေ့ကေကော်မြို့သစ်အနားရှိ စစ်ကောင်စီ၏ စွယ်တော်ကုန်း ဗျုဟာအမြောက်ကုန်းကလည်း လက်နက်ကြီးများဖြင့် တော်လှန်ရေးတပ်များရှိနိုင်မည့်နေရာများသို့ ပစ်ခတ်ခဲ့ကြောင်း ၊ ယနေ့နံနက်ပိုင်းတွင်မူ

အရာတော်တွင် စစ်ကောင်စီက အသုံးပြုနေသော တရုတ် AheadX ကုမ္ပဏီထုတ် ထောက်လှမ်းရေးဒရုန်း အသစ်တစ်စင်း သိမ်းဆည်းရရှိ စစ်ကိုင်းတိုင်း၊ အရာတော်မြို့နယ်တွင် စစ်ကောင်စီက အသုံးပြုနေသော တရုတ် AheadX ကုမ္ပဏီထုတ် ထောက်လှမ်းရေးဒရုန်း အသစ်တစ်စင်း သိမ်းဆည်းရရှိကြောင်း တော်လှန်ရေး သတင်းရင်းမြစ်များထံမှ သိရှိရသည်။ ယနေ့ စက်တင်ဘာလ ၄ ရက်နေ့ အရာတော်မြို့နယ်အတွင်း ပျံသန်းသွားလာ ထောက်လှမ်းနေသော စစ်ကောင်စီ၏ ဒရုန်းတစ်စင်းကို သိမ်း ဆည်းရရှိကြောင်း၊ အဆိုပါ ဒရုန်းမှာ တရုတ်နိုင်ငံ၊ ဘေဂျင်းအခြေစိုက် AheadX က ထုတ်လုပ်ထားသော ထောက်လှမ်းရေး ဒရုန်းတစ်စင်းဖြစ်ပြီး အရာတော်မြို့နယ်တွင် ထောက်လှမ်း ပျံသန်းစဉ် ပျက်ကျသွားခြင်းဖြစ်ကြောင်း သိရှိရသည်။ “ဒရုန်းကတော့ သူ့ဘာသူ ပျက်ကျတာပဲ။ တရုတ်ဒရုန်းအမျိုးအစား” ဟု တော်လှန်ရေး သတင်းရင်းမြစ်က ဆိုသည်။