Author name: Admin

ရခိုင်ပြည်နယ်မြို့‌တော် စစ်တွေကို အာရက္ခတပ်တော်(AA)က ယနေ့နံနက်ပိုင်းတွင် စတင်တိုက်ခိုက်‌နေပြီဟု ဒေသခံတို့ကဆိုသည်။ ရခိုင်ပြည်နယ်၏မြို့တော် စစ်တွေမြို့နယ်တွင် အာရက္ခတပ်တော်(AA)နှင့် စစ်ကောင်စီတပ်တို့ ယမန်နေ့တွင် တိုက်ပွဲဖြစ်ပွားခဲ့ပြီး စစ်ကောင်စီဘက်မှ သေဆုံးထိခိုက်မှုများပြားခဲ့သဖြင့် ယနေ့ (ဩဂုတ် ၃၀) နံနက်အစောက တိုက်ပွဲဖြစ်ရာနေရာအနီး လေယာဉ်တစ်စီး လာရောက်ပစ်ခတ်ခဲ့ကြောင်း စုံစမ်းသိရှိရသည်။ စစ်တွေမြို့နယ် မြစ်နားရွာရှိအခြေပြုစစ်ကြောင်းနှင့် ရွှေမင်းဂံကျေးရွာဘက်မှ ကူးလာသည့်ပူးပေါင်းစစ်ကြောင်း တို့ မင်းလှ(မီးလောင်ရွာ)သို့လာသည့် လမ်း၌ သြဂုတ် ၂၉ ရက် ညနေ ၃ နာရီကျော်ခန့်တွင် တိုက်ပွဲဖြစ်ပွားခဲ့သည်ဟု မြေပြင်စစ်ရေးသတင်းရင်းမြစ်များနှင့် နီးစပ်သူတစ်ဦးက ပြောသည်။ “မနေ့ ညက မြစ်နားရွာကနေ မင်းလှကိုတက်လာလို့ ကြားမှာ တိုက်ပွဲဖြစ်တယ်။ လက်ရှိ ရန်သူ(စစ်ကောင်စီတပ်) တွေ မြစ်နားရွာကို အထိအခိုက်နဲ့ ဆုတ်ခွာသွားတယ်”ဟု ၎င်းက ဆိုသည်။ စစ်တွေမြို့မှ ၅ […]

တရုတ်ခြိမ်းခြောက်စာအပေါ် TNLA ဗဟိုကော်မတီဆွေးနွေးနေပြီး တုံ့ပြန်ခြင်းမရှိသေး တရုတ်အစိုးရက တိုက်ပွဲများချက်ချင်းရပ်ရန် ဖော်ပြထားသည့်စာကို လက်ခံရရှိကြောင်းနှင့် အဆိုပါ စာကိုအဖွဲ့တွင်းဆွေးနွေးနေကြောင်း တအာင်းတပ်မတော် (TNLA) ပြောရေးဆိုခွင့်ရှိသူ လွေးယေဦးက အတည်ပြုပြောကြားခဲ့ပြီး ယနေ့တွင်လည်း စစ်ကောင်စီနှင့် တိုက်ပွဲဆက်ဖြစ်နေသည်ဟု ပြောသည်။ တရုတ်အစိုးရက ယမန်နေ့ (ဩဂုတ် ၂၉ရက်) နေ့စွဲဖြင့် TNLAထံသို့ ပေးပို့သည့်စာတွင် TNLA အနေဖြင့် တိုက်ပွဲများချက်ချင်းရပ်တန့်ရန် ဖော်ပြထားပြီး မရပ်ပါက တရုတ်ဘက်က ကြောက်ရွံ့ ကျိုးနွံနှင့် ဆုံးမသွန်သင်နည်းလမ်းများ ပိုမိုလုပ်ဆောင်မည်ဖြစ်ကြောင်း ခြိမ်းခြောက်ထားသည်။ အဆိုပါစာနှင့်ပတ်သက်၍ TNLA၏ သဘောထားကို မေးမြန်းရာ အဖွဲ့ပြောရေးဆိုခွင့်ရှိသူ လွေးယေဦးက “ဒီစာနဲ့ပတ်သက်ပြီးတော့မှ ကျမတို့ဆီကို လိပ်မူပြီးတော့တရုတ်အစိုးရက ပေးပို့တာ မှန်ပါတယ်။ ဒီကိစ္စနဲ့ပတ်သက်ပြီးတော့မှ ကျမတို့ TNLA ဗဟိုကော်မတီက ဆွေးနွေးနေပါတယ်။ လက်ရှိမှာတော့ လောလောဆယ်မှာတော့

ရန်ကုန်-မန္တလေး အမြန်လမ်းနှင့် တစ်မိုင်အကွာ နွားထိုးကြီး၊ ကုက္ကိုဇီးရွာစစ်စခန်းကို တိုက်ခိုက် သိမ်းပိုက်မှု စစ်သား ၅ ဦးသေဆုံးပြီး ဗိုလ်ကြီးဝေဖြိုးသူနှင့် တပ်သားတို့ကို လက်နက် ၇ လက်နှင့်အတူ ဖမ်းဆီးရမိ(ရုပ်/သံ) မန္တလေးတိုင်း၊ နွားထိုးကြီးမြို့နယ်၊ ရန်ကုန်-မန္တလေး အမြန်လမ်းနှင့် တစ်မိုင်အကွာ ကုက္ကိုဇီးရွာဘုန်းကြီးကျောင်းတွင် တပ်စွဲထားသော စစ်တပ်စခန်းကို တိုက် ခိုက်သိမ်းပိုက်ခဲ့ရာ စစ်သား ၅ ဦးသေဆုံးပြီး ဗိုလ်ကြီးဝေဖြိုးသူ နှင့်တပ်သား လှဖြိုးအောင်တို့ကို လက်နက် ၇ လက်နှင့်အတူ အရှင်ဖမ်းဆီးရရှိခဲ့ကြေင်း ဒေသစစ်ရေးသတင်းရင်းမြစ်ကပြောကြားသည်။ ယမန်နေ့ ဩဂုတ်လ ၂၉ ရက်နေ့ မွန်းလွဲ ၂ နာရီခန့်အချိန် နွားထိုးကြီးမြို့နယ်၊ ရန်ကုန်-မန္တလေးအမြန်လမ်းမ နှင့်တစ်မိုင်ခန့်အကွာရှိ ကုက္ကိုဇီးကျေးရွာဘုန်းကြီး ကျောင်းတွင် တပ်စွဲထားသော အကြမ်းဖက်စစ်သား များကို မြင်းခြံခရိုင်အထူးစစ်ဆင်ရေးအဖြစ် ဝင်ရောက်တိုက်ခိုက်ခဲ့ရာ စစ်သား

ပြင်ဦးလွင်ခရိုင် ပကဖ ၏ စစ်ရေးရည်မှန်းချက်အတိုင်း မြေပြင် ဝေဟင်စစ်ဆင်ရေးမျာ ဆင်နွှဲနေဟု ပြင်ဦးလွင်ခရိုင် ဒရုန်းတပ်ဖွဲ့ (ရတနာပုံတပ်ဦး)က ထုတ်ပြန်အသိပေးထားသည်။ ဩဂုတ်လ ၂၂ ရက်နေ့ကစ၍ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အမှတ် ၁ စစ် ဒေသ ကွပ်ကဲမှုအောက်ရှိ ပြင်ဦးလွင်ခရိုင် (ပ.က.ဖ) ၏ စစ်ရေး ရည်မှန်းချက် အစီအမံများအတိုင်း ရှေ့တန်းစစ်မြေပြင်၌ ဝေဟင် စစ်ဆင်ရေးသာမက မြေပြင်တိုက်ပွဲများပါ မဟာမိတ်တပ်ဖွဲ့များနှင့်အတူ နေ့၊ ည မပျက် အတူတကွ တိုက်ပွဲဝင်နေခြင်းဖြစ်ပြီး အောင်မြင်မှုများကိုလည်း မကြာမီအချိန်အတွင်း ချပြနိုင်ရန်ကြိုးစားနေကြောင်း အသိပေးထားသည်။ “ခရိုင်စစ်ဆင်ရေးရဲ့ ရည်မှန်းချက်အတိုင်း စစ်ဆင်ရေးဖော်ဆောင်နေတာပါ။ နယ်မြေခံတပ်ရင်း၊ တပ် ဖွဲ့တွေနဲ့အတူတူ ပူးပေါင်းတိုက်ပွဲဝင်နေပါတယ်။ အောင်မြင်မှုရလဒ်တွေကိုလည်း မကြာခင် တဝကြီး ချပြနိုင်အောင် ကြိုးစားနေပါတယ်။ ပြည်သူတွေအနေနဲ့အားတင်းထားပါ၊ မကြာခင်

တအောင်းအမျိုးသား လွတ်မြောက်ရေးတပ်မတော် (TNLA) အနေနဲ့ တိုက်ပွဲတွေကို ချက်ချင်းရပ်တန့်ဖို့ တရုတ်ဘက်က သတိပေးစာ ပေးပို့ခဲ့တယ်လို့ TNLA ပြောခွင့်ရသူ လွေးယေဦးက အတည်ပြုပါတယ်။ အဲဒီကိစ္စနဲ့ပတ်သက်ပြီး ဗဟိုကော်မတီအစည်းအဝေး လုပ်နေတာကြောင့် အသေးစိတ်ကိုတော့ ပြောလို့မရသေးဘူးလို့ လွေးယေဦးက ဆိုပါတယ်။ အဲဒီသတိပေးစာကို သြဂုတ် ၂၉ ရက်နေ့ ရက်စွဲနဲ့ ရွှေလီမြို့ လုံခြုံရေးကော်မတီက ပေးပို့ခဲ့တာဖြစ်ပြီး မြန်မာ – တရုတ်နယ်စပ် တည်ငြိမ်အေးချမ်းရေးနဲ့ တရုတ်နိုင်ငံသားတွေရဲ့ အသက်အိုးအိမ်စည်းစိမ်ကို ကာကွယ်ပေးဖို့ တိုက်ပွဲတွေကို ချက်ချင်း ရပ်တန့်ရမယ်လို့ ရေးထားပါတယ်။ ဒီသတိပေးချက်ကို မလိုက်နာရင် တရုတ်ဘက်က နည်းလမ်းမျိုးစုံနဲ့ ဖိအားပေးမှုတွေ ပိုလုပ်ဆောင်သွားမှာဖြစ်ပြီး ဖြစ်လာမဲ့ အကျိုးဆက်တွေကို TNLA ဘက်က တာဝန်ခံရမယ်လို့လည်း ဖော်ပြထားပါတယ်။ တရုတ်စစ်တပ်ဟာ ရှမ်းပြည်နယ်မြောက်ပိုင်းအနီး နယ်စပ်မှာ ကြည်းတပ်နဲ့

ကမ္ဘာတစ်ဝန်း သုံးစွဲသူ နှစ် ဘီလီယံကျော်ရှိသည့် Tiktok လူမှုကွန်ရက်ကို ယခင်ကထက် ပိုမို အသုံးပြုရန် စစ်ကောင်စီဝါဒဖြန့်သူများ လုပ်ဆောင်လာကြသည်။ မြန်မာနိုင်ငံ၌ စစ်ကောင်စီဝါဒဖြန့်သူများသည် တယ်လီဂရမ်ချန်နယ်များတွင် စစ်တပ်ဝါဒဖြန့်ခြင်း၊ သတင်း အတု၊ သတင်းအမှားများဖြန့်ခြင်း၊ လူမျိုးရေး၊ ဘာသာရေးနှင့် ပတ်သက်၍ အမုန်းစကားများ ရေးသားဖြန့်ချိလေ့ ရှိသည်။ ၂၀၂၄ခုနှစ်၊ ဩဂုတ် ၂၅ရက်က တယ်လီဂရမ် စီအီးအို ပါဗဲလ်ဒူရို့ဗ်သည် ပြင်သစ်နိုင်ငံ ပါရီမြို့ပြင် ဘူရှေးလေဆိပ်၌ ဖမ်းဆီးခံရပြီးနောက် စစ်ကောင်စီ ဝါဒဖြန့် ချန်နယ်များ၌ ၎င်းတို့၏ Tiktokအကောင့်များကို Follow လုပ်ရန်နှင့် ဝါဒဖြန့် ပို့စ်များအောက်တွင် တစ်တော့လင့်ခ်များ ထည့်သွင်း ဖော်ပြလာကြသည်။ Kyaw Swar အမည်ရှိ တယ်လီဂရမ်ချန်နယ်က ဩဂုတ် ၂၇ရက်တွင် ၎င်း၏ Tiktokအကောင့်ကို Follow

မွန်ပြည်နယ်၊ ရေးမြို့နယ်၊ အာယုတောင် ကျေးရွာ၊ အာယုတောင်လမ်းဝ ရှိ စစ်ကောင်စီစစ်ဆေးရေး ဂိတ်စခန်းတစ်ခုကို ယမန်နေ့ ဩဂုတ် ၂၈ ရက်၊ နံနက် ၈ နာရီဝန်းကျင်က ရေးဘီလူးအဖွဲ့ နှင့် KNU တပ်ခွဲ-၅ တို့မှ ပူးပေါင်းကာ ဝင်ရောက်တိုက်ခိုက်ခဲ့ကြောင်း သိရသည်။ စစ်ကောင်စီတပ်ဖွဲ့ဝင် အင်အား ၃၀ ဝန်းကျင် ရှိ စစ်ဆေးရေးဂိတ်စခန်းကို ဝင်ရောက်တိုက်ခိုက်ခဲ့ရာ တစ်နာရီဝန်းကျင်ကြာ အပြန်အလှန်ပစ်ခတ်မှုပစ်ပွားခဲ့ပြီးနောက် စစ်ကောင်စီဘက်မှ ထိခိုက်သေဆုံးမှုများရှိနိုင်သော်လည်း အတည်ပြုနိုင်ခြင်းမရှိသေးကြောင်း သိရသည်။ “ငွေတောင်းခံများတာရယ်၊ စစ်ကောင်စီတပ် ဖြစ်နေတာရယ်ကြောင့်တိုက်တာပါ။ စစ်ကောင်စီဘက်က ထိခိုက်မှုရှိတယ်။ ကျဆုံးမှုနဲ့ ထိခိုက်မှု အရေအတွက်ကိုတော့ ကျွန်တော်တို့ အတိအကျထုတ်ပြန်ဖို့ သတင်းမရဘူး။ လက်နက်ကြီးတွေရော လက်နက်ငယ်တွေရော အပြန်အလှန်ပစ်ခတ်မှုဖြစ်တယ်။ ဆုတ်လမ်းကိုတော့အကောင်းဆုံးဆုတ်ခွာနိုင်ခဲ့တယ်” ဟု ရေးဘီလူးတပ်ဖွဲ့ခေါင်းဆောင်က ပြောသည်။ ပစ်ခတ်မှုဖြစ်ပွားခဲ့သည့်

ရွှေ​ရောင်းဝယ်မှုအ​ပေါ် စစ်​ကောင်စီအခွန်တိုး​ကောက်မည်ဟုဆို ရွှေ ဝယ်ယူ၊ရောင်းချမှုများအပေါ် အခွန် ကို ယခင် ၁ ရာခိုင်နှုန်းမှ သုံးရာခိုင်နှုန်းသို့တိုးမြှင့်ကောက်ခံရန် စစ်ကောင်စီက ကြေညာသည်။ သြဂုတ် ၂၈ ရက်ဖြင့် ထုတ်ပြန်သည့် ပြည်ထောင်စု အခွန်အကောက်ဥပဒေ ပြင်ဆင်သည့် ဥပဒေ ဖြင့် ပုဒ်မ ၁၄ ပုဒ်မခွဲ (က) နှင့် (စျ) ကို ပြင်ဆင်ကြောင်း ဖော်ပြထားသည်။ ပုဒ်မ ၁၄ ပုဒ်မ ခွဲ(က)အရ ကုန်သွယ်လုပ်ငန်းခွန် နောက်ဆက်တွဲ ဇယားများ အမှတ်စဥ် ၃၉ တွင်ပါရှိသော “ရွှေစင်၊ရွှေတုံးများ၊(စံချိန်မီ ရွှေချောင်း၊ရွှေတုံး၊ရွှေဒဂ်ါများ) နှင့် ဆိုသည့် စကားရပ်ကို ပယ်ဖျက်ရန် စစ်ကောင်စီက ဆိုသည်။ မူလ ပုဒ်မ အရ ကုန်သွယ်လုပ်ငန်းခွန်မကျသင့်သော ကုန်စည်များအနက် ရွှေစင်၊ရွှေတုံးများ၊(စံချိန်မီ ရွှေချောင်း၊ရွှေတုံး၊ရွှေဒဂ်ါများ)

အမြောက်တပ် ၉၀၂နဲ့ ၃၄၅ စတဲ့ စစ်စခန်းတွေမှာ တိုက်ပွဲဆက်လက်ပြင်းထန် ရှမ်းမြောက်၊ နောင်ချိုမြို့နယ်၊ တောင်ခမ်းကျေးရွာက အမြောက်တပ် နှစ်ခုကို တအာင်းအမျိုးသား လွတ်မြောက် ရေးတပ်မတော် – TNLAက မနေ့က အပြီးသိမ်းပိုက်နိုင်ခဲ့တယ်လို့ ဒီနေ့ ညပိုင်းမှာ ထုတ်ပြန်ပါတယ်။ “နောင်ချိုမြို့နယ် တောင်ခမ်းကျေးရွာရှိ စစ်ကောင်စီ အမြောက်တပ်စခန်း နှစ်ခု ဖြစ်သည့် အမတ (၄၀၆) နှင့် အမ တ (၂၀၆) တို့ကို သြဂုတ်လ (၂၈)ရက်နေ့တွင် သိမ်းပိုက်နိုင်ခဲ့ပြီးဖြစ်သည် ” လို့ TNLA က ဖော်ပြပါတယ်။ ဒါ့အပြင် ဩဂုတ် ၂၉ရက် ဒီနေ့မှာလည်း ကျန်ရှိနေတဲ့ နောင်ချိုမြို့နယ် တောင်ခမ်းရွာမှာရှိ စစ်အုပ်စုရဲ့ အမှတ် (၉၀၂) အမြောက်စခန်းကွပ်ကဲမှု ဌာနချုပ် အမှတ်

ကရင်ပြည်နယ်၊ မြဝတီမြို့တောင်ဘက် လေးကေ့ကော်မြို့အနီးရှိ စစ်ကောင်စီ၏ စွယ်တော်ကုန်း(အမြောက်တပ်ကုန်း)အား ကော်ဘရာစစ်ကြောင်း ပူးပေါင်းတပ်များက ဝန်းရံပိတ်ဆို့တိုက်ခိုက်နေကြောင်း ကရင်စစ်ရေးသတင်းရင်းမြစ်က ပြောသည်။ စစ်ကောင်စီ၏အောင်ဇေယျစစ်ကြောင်း တိုက်ခိုက်နေသော ကော်ဘရာစစ်ကြောင်းအား လက်နက်ကြီးပစ်ကူများဖြင့် အသုံးပြုပစ်ခတ်ပေးနေသော စွယ်တော်ကုန်း အမြောက် တပ်အား ကော်ဘရာစစ်ကြောင်း ပူးပေါင်းတပ်များက ယခုရက်ပိုင်းအတွင်း ဝန်းရံပိတ်ဆို့ထားခြင်းဖြစ်သည်။ “ကော်ဘရာအဖွဲ့က မစ်ဇိုင်းတွေနဲ့ ထုပြီး ဝိုင်းထားတယ်။ စကစတောင်ပေါ်မှာ အောက်လည်းဆင်းလို့မရဘူး။ ပိတ်မိနေပြီ”ဟု ကရင်စစ်ရေးသတင်းရင်းမြစ်က ပြောသည်။ ထို့အပြင် မြဝတီမြို့စောင့်တပ် ခလရ (၂၇၅)တပ်ကလည်း ပစ်ကူမပေးနိုင်ကြောင်း ၎င်းက ဆက်ပြောသည်။ ကရင်ပြည်နယ် မြဝတီမြို့နယ်ရှိ သင်္ဃန်းညီနောင်နှင့် လေးကေ့ကော်မြို့ရှိ စစ်ကောင်စီတပ်စခန်းများအား တော်လှန်ရေးတပ်များက တိုက်ခိုက်သိမ်းပိုက်ထားရာ အဆိုပါနေရာအနီးတွင် စွယ်တော်ကုန်းတပ်ရင်းတစ်ခုသာ ကျန်ရှိနေသည်။ အဆိုပါစွယ်တော်ကုန်းတပ်စခန်းကိုလည်း ကော်ဘရာပူးပေါင်းတပ်များက ယခင်က မကြာခဏတိုက်ခိုက်နေရာ ယခုအကြိမ်တွင် ဝန်းရံပိတ်ဆို့ထားနိုင်သည့် အခြေအနေဖြစ်သည်။