Author name: Admin

စစ်ကောင်စီ၏ မန္တလေးတိုင်းဝန်ကြီးချုပ်ဦးဆောင်၍ စစ်ပွဲတိုင်း အောင်မြင်စေရန်ဆိုကာ မန္တလေးစွယ်တော်၌ ဥပ္ပါတသန္တိကျမ်း ရွတ်ဖတ်ဆုတောင်းပွဲ ဩဂုတ် ၂၂ရက်က ပြုလု​ပ်နေကြောင်း သတင်းရရှိသည်။ စစ်ကောင်စီ​၏ ဝန်ကြီးချုပ် မျိုးအောင် ဦးဆောင်ပြီး စစ်ကောင်စီလက်အောက်ခံ တိုင်းသံဃနာယကအဖွဲ့ဝင်ဆရာတော်များပါ ကြွရောက်ခဲ့သည်။ ထို့အပြင် Non CDM ဝန်ထမ်းများကလည်း ပါဝင်ပြီး ၁၀ရက်တိုင်ပြုလုပ်သွားမ​ည်ဟု သိရသည်။ ၎င်းတို့ရွတ်ဖတ်ကြမည့် ဥပ္ပါတသန္တိကျမ်းမှာ အင်အားကြီးမားသော ရန်သူတို့ အန္တရာယ်ပြုသဖြင့် အရံအတားအလို့ငှါ စီရင်သည်ဟု သိရသည်။ “ရည်ရွယ်ချက်ရှိရှိ ရွတ်ခိုင်းတာပါ။သူတို့စစ်ရှုံးနေလို့ ဘုရားတွေ နတ်တွေကိုခုတုံးလုပ်ကာစောင့်ရှောက်ခိုင်းနေတာပါ။”ဟု ဆရာတော်မင်းပုည(ဗုဒ္ဓတက္ကသိုလ်)က မိန့်ကြားသည်။ အာဏာသိမ်းစစ်ကောင်စီတပ်သည် မန္တလေးမြို့အတွင်း မြို့သိမ်းတိုက်ပွဲများ ပြုလုပ်လာမည်ကိုစိုးရိမ်၍ နန်းတွင်းရှိ တပ်မိသားစုများအပါအဝင် စစ်တပ်နှင့်ရဲစခန်းများအတွင်းရှိ မိသားစုဝင်များ ပြင်ပသို့ပြောင်းရွှေ့နေထိုင်နေကြသည်။ ထို့အပြင် တိုက်ပွဲများဖြစ်ပွားနေသည့် မတ္တရာမြို့ဘက်အထွက်တွင် စစ်ကောင်စီတပ်က ကင်းစခန်းအချို့ ထပ်မံတိုးမြှင့်ထားသည်။ အလယ်ပိုင်းတိုင်းစစ်ဌာနချုပ်ရုံးစိုက်ရာ […]

ရခိုင်တောင်ပိုင်း မြို့နယ်လေးခု၌ စစ်ရေးတင်းမာ သံတွဲမြို့နယ်မှ စစ်ကောင်စီ၏ နောက်ဆုံးလက်ကျန်စခန်းဖြစ်သည့်မောင်ရွှေလေး ရေတပ်စခန်းနှင့် ဂွမြို့နယ်မှစစ် စခန်းများကို အာရက္ခတပ်တော်(AA) ကထိုးစစ်ဆင် တိုက်ခိုက်နေပြီး စစ်ကောင်စီက လေကြောင်းမှ ဗုံးကြဲတိုက်ခိုက်နေကြောင်းသတင်းရရှိသည်။ သံတွဲမြို့နယ်မှ စစ်ကောင်စီ တပ်ရင်းများအားလုံး၊ ငပလီ (မဇင်​)​လေဆိပ် ၊ သံတွဲဟိုတယ်ဇုန် အပါအဝင်​နေရာအများစု ဇူလိုင် ၁၆ ရက်ကတည်းကအပြီးသတ်သိမ်းပိုက်ထားပြီဖြစ်သော်လည်း မောင်ရွှေလေး ရေတပ်စခန်းကျန်နေသေးသဖြင့် AAက ယခုရက်ပိုင်း၌ နောက်တကြိမ်ထိုးစစ်ဆင်တိုက်ခိုက်နေခြင်းဟု ဒေသခံအချို့ကပြောသည်။ “ရေတပ်ကို စစ်တပ်က အင်အားတော်တော်လေးကိုပို့ထားတယ်။ တပ်တော်(AA)ကတော့ သူ့ဗျူဟာအတိုင်းသွားနေတယ်။ ဒီရက်ထဲမှာတော့ အရင်ကထက်ပိုပြီးတိုက်ပွဲပြင်းထန်နေတယ်” ဟု ဒေသခံတစ်ဦးကပြောသည်။ ​မောင်​ရွှေ​လေး ​ရေတပ်စခန်း နှင့် ဘဂ်လားပင်လယ်​အော်ရှိ စစ်တပ် သ​ဘော်များ​ပေါ်မှလက်နက်ကြီးများဖြင့် ဆုံးရှုံးထား​သော စခန်း နှင့် တပ်ရင်းများကို ပသ်ခတ်​နေသဖြင့် ​​​မြောက်ဘက်တွင် ​တောင်ကုတ်မြို့ နယ်

ဆားလင်းကြီးမြို့ပေါ် ရဲစခန်းနှင့် ထွေအုပ်ရုံးကို တော်လှန်ရေး တပ်ဖွဲ့များ ဝင်ရောက် တိုက်ခိုက်မှု စစ်ကောင်စီ တပ်သား ၇ ဦး သေဆုံး စစ်ကိုင်းတိုင်း၊ ဆားလင်းကြီးမြို့ပေါ် ရဲစခန်းနှင့် ထွေအုပ်ရုံးကို တော်လှန်ရေး တပ်ဖွဲ့များ ဝင်ရောက် တိုက်ခိုက်ရာ စစ်ကောင်စီ တပ်သား ၇ ဦး သေဆုံးခဲ့ကြောင်း ဒေါင်းတမာန် GZ Federal Army အဖွဲ့မှ တာဝန်ရှိသူ တစ်ဦးကပြောဆိုသည်။ ဩဂုတ်လ ၂၃ ရက်နေ့တွင် ဆားလင်းကြီးမြို့ပေါ် ရဲစခန်းနှင့် ထွေအုပ်ရုံးတို့ကို တော်လှန်ရေး တပ်ဖွဲ့များက လက်နက်ကြီး၊ လက်နက်ငယ်များဖြင့် ဝင်ရောက် တိုက်ခိုက်ခဲ့ပြီး အကြမ်းဖက် စစ်တပ်ဘက်မှ လက်နက်ကြီးထိမှန်ကာ ၇ ဦး သေဆုံးပြီး ၄ ဦး ထိခိုက်ဒဏ်ရာရရှိခဲ့ကြောင်း သိရသည်။ “ဆားလင်းကြီးမြို့ပေါ်ရဲစခန်းကို

အကြမ်းဖက် စစ်ခေါင်းဆောင် မင်းအောင်လှိုင်သည် ပဲခူးတိုင်း တောင်ငူမြို့သို့ ရောက်ရှိနေပြီး ၎င်း၏ ခရီးစဉ်တွင် လုံခြုံရေး အထူးတင်းကျပ်ထားကြောင်း ဒေသတင်းရင်းမြစ်များက ပြောဆိုသည်။ ယနေ့ နံနက်ပိုင်းတွင် အကြမ်းဖက်စစ်ခေါင်းဆောင် မင်းအောင်လှိုင်သည် တောင်ငူမြို့သို့ ရောက်ရှိလာပြီး တစ်မြို့လုံးတွင် Jammer များ ပတ်ပတ်လည် ချထားကြောင်း၊ တောင်ငူမြို့နှင့် မြို့ပြင်တွင် စစ်အင်အား ရာချီ၍ ချထားပြီး အထူးလုံခြုံရေးများဖြင့် တောင်ငူမြို့သို့ လာရောက်ခဲ့ခြင်းဖြစ်ကြောင်း သိရှိရသည်။ ” မင်းအောင်လှိုင်က မနက် ၁၁ နာရီလောက်က တောင်ငူရောက်တယ်။ ဩဂုတ်လ ၂၀ ရက်နေ့က တောင်ငူလေတပ်ကို ရှော့တိုက်ဒုံးနဲ့ပစ်တယ်။ ဩဂုတ်လ ၂၂ ရက်နေ့မှာ စည်ပင်ရုံး၊ လျှပ်စစ်ရုံးနဲ့ ယာဉ်ထိန်းအိမ်ရာမှာ မိုင်းကွဲတယ်။ အဲဒါကြောင့် မအလလာတဲ့အချိန်မှာ တစ်မြို့လုံး လုံခြုံရေးတွေ တင်းကျပ်ထားတာ”

ထားဝယ်နှင့် လောင်းလုံးတွင် စစ်တပ်စစ်ဆေးရေးဂိတ်နှင့် ပျူစောထီးနေအိမ်များကို တိုက်ခိုက်မှု စစ်သားနှင့် ပျူစောထီး ၃ ဦးသေဆုံး တနင်္သာရီတိုင်း၊ ထားဝယ်မြို့နယ်၊ ဘုရားမဲစစ်ဆေးရေးဂိတ်ကို အကြမ်းဖက်စစ်သားများကို ၂ ရက် ဆက်တိုက် စနိုက်ပါဖြင့် ပစ်ခတ်တိုက်ခိုက်ခဲ့ရာ စစ်သား ၂ ဦးသေဆုံးခဲ့ကြောင်း ရေဖြူမြို့နယ်ပြည် သူ့ကာကွယ်ရေးတပ်ဖွဲ့ ကပြောသည်။ ဩဂုတ်လ ၁၉ ရက် နေ့နှင့် ဩဂုတ် ၂၀ ရက်နေ့ ညနေ ၅ နာရီဝန်းကျင်တွင် ထားဝယ်မြို့နယ်၊ ဘုရားမဲစစ်ဆေးရေး ဂိတ်ရှိအကြမ်းဖက်စစ်ကောင်စီတပ်သားများကို စနိုက်ပါဖြင့်ချောင်းမြောင်းပစ်ခတ်တိုက်ခိုက်ခဲ့ရာ အကြမ်းဖက်စစ်သား ၂ ဦးသေဆုံးခဲ့ကြောင်း၊ယင်းစစ်ဆေးဂိတ်သည် ပြည်သူများကို နည်းလမ်းမျိုးစုံ ဖြင့် ဖမ်းဆီး၊ ဆက်ကြေးကောက်၊ ခြိမ်းခြောက်နေသည့် ဂိတ်တစ်ခုဖြစ်ကြောင်း သိရသည်။ အဆိုပါ တိုက်ခိုက်မှုကို ရေဖြူပြည်သူ့ကာကွယ်ရေးတပ်ဖွဲ့ (YPPDF) နှင့် ဓဝယ်အမျိုးသားလွတ်

မကွေးတိုင်း၊ မြိုင်မြို့နယ်တွင် ယမန်နေ့က တိုက်ခိုက်ခံရသည့် စစ်ကောင်စီစစ်ကြောင်းမှ ဗိုလ်မှူးတစ်ဦးအပါအဝင် ရုပ်အလောင်း ၅လောင်းနှင့် ခဲယမ်းများ ထပ်မံသိမ်းဆည်းရမိကြောင်း Earthquak People’s Pefence Force အဖွဲ့၏ တာဝန်ရှိသူက ပြောသည်။ သြဂုတ် ၂၁ ရက်က မြိုင်မြို့နယ်၊ ကိုင်းတောမရွာသစ်မှလာသော စစ်ကောင်စီစစ်ကြောင်းသည် ဒေသတွင်း PDFများ၏ တိုက်ခိုက်မှုကြောင့် အထိနာခဲ့သည်။ ယနေ့ (သြဂုတ်၂၃ ရက်) နံနက် ၄ နာရီခွဲခန့်တွင် အဆိုပါ စစ်ကြောင်းသည် သရက်ကန်ပျူစောထီးကျေးရွာသို့ ဆုတ်ခွာထွက်ပြေးသွားကြောင်း၊ ထို့ကြောင့် နယ်မြေရှင်းလင်းရာ စစ်ကောင်စီစစ်ကြောင်းမှ ဗိုလ်မှူးမင်းသိန်းကျော်၊ တပ်ကြပ်ကြီးခင်မောင်လွင်နှင့် တပ်သားသုံးဦး၏ ရုပ်အလောင်းများနှင့် ခဲယမ်းများ၊ စစ်အသုံးအဆောင်များစွာထပ်မံသိမ်းဆည်းရရှိခဲ့ကြောင်း Earthquak PDF အဖွဲ့၏ တာဝန်ရှိသူက ပြောသည်။ “အဲဒီစစ်ကြောင်းက ပခုက္ကူတပ်မ(၁၀၁)ရယ်၊ ကပစ(၂)ကရယ်လို့ စစ်သုံ့ပန်းတွေကပြောတယ်။

ပဲခူးတိုင်း၊ တောင်ငူမြို့နယ်အခြေစိုက် တောင်ငူ လေတပ်စခန်းကို ပြီးခဲ့သည့် ဩဂုတ် ၂၀ ရက်နေ့တွင် တော်လှန်ရေးတပ်ဖွဲ့များက ရှော့တိုက်ဒုံးများဖြင့်ပစ်ခတ်ခဲ့ရာ ရှော့တိုက်ဒုံးပေါက်ကွဲမှုကြောင့် စစ်ကောင်စီတပ်မှ အရာရှိ နှစ် ဦးသေဆုံးခဲ့ပြီး ‌‌‌‌‌‌‌‌‌‌‌‌‌‌‌‌‌အခြားအဆင့် ခြောက် ဦး ဒဏ်ရာရှိခဲ့ကြောင်း သိရသည်။ တောင်ငူ လေတပ်ဝင်းအတွင်းသို့ ၁၀၇ မမ ရှော့တိုက်ဒုံး ခုနစ် လုံး ဖြင့် ပစ်ခတ်တိုက်ခိုက်ခဲ့ရာ လေး လုံး ပေါက်ကွဲခဲ့မှုကြောင့် သေဆုံးဒဏ်ရာရသူများအပြင် ဘားတိုက်ထိမှန်မှုကြောင့်လည်း လေတပ် တပ်သားတချို့ ထိခိုက်ဒဏ်ရာရရှိမှုများ ရှိကြောင်းလည်း Mountain Knights Civilian Defense Force (MKCDF) ထံကသိရသည်။ “ခုနစ်လုံးပစ်တာမှာ လေး လုံးပဲအောင်ခဲ့တာပါ။ ရှော့တိုက်ဒုံး လေး လုံးရဲ့ ထိမှန်ပေါက်ကွဲအားကြောင့် စစ်ရှုံးကောင်စီ၏ လေတပ် အရာရှိ

မြန်မာစစ်တပ် နိုင်ငံရေး တိုက်ပွဲနှင့် စစ်ပွဲများတွင် ရှုံးနိမ့်နေပြီး တော်လှန်ရေးတပ်များ အနိုင်ရနေပြီဟု တီမောသမ္မတ၊ ထိုင်းနိုင်ငံခြားရေးဝန်ကြီးဟောင်း၊ ဩစတြေးလျလွှတ်တော်အမတ် အပါအဝင် မြန်မာ့အရေးကျွမ်းကျင်သူများ တညီတညွတ်တည်းပြောဆို မြန်မာနိုင်ငံတွင် အကြမ်းဖက် အာဏာသိမ်းထားသော စစ်တပ်အနေဖြင့် နိုင်ငံရေးတိုက်ပွဲနှင့် စစ်ပွဲများတွင် ရှုံးနိမ့်နေပြီဖြစ်ပြီး တော်လှန်ရေးတပ်များက အနိုင်ရရှိနေပြီဖြစ်ကြောင်း အရှေ့တီမောသမ္မတ JoseRamos-Horta ၊ ထိုင်းနိုင်ငံခြားရေးဝန်ကြီးဟောင်း Kasit Piromya ၊ ဩစ တြေးလျလွှတ်တော်အမတ် Janelle Saffin ၊ မြန်မာ့အရေးလေ့လာသူ အီဂေါဗလစ်နှင့် စီးပွားရေးပညာရှင် ပါမောက္ခ ဒေါက်တာရှောင်တာနယ်တို့က အမြင်တူစွာ ပြောဆိုကြသည်။ ဩဂုတ်လ ၂၁ ရက်နေ့ ပြုလုပ်ခဲ့သည့် “မြန်မာ့နွေဦးတော်လှန်ရေး၏ အောင် မြင် မှု များအပေါ် ရှုမြင်ချက်များ ” စကား၀ိုင်းအစီအစဉ်တွင် မြန်မာ့အရေးတက်ကြွလှုပ်ရှားကြသော အဆိုပါခေါင်း

ကချင်ပြည်နယ် ဝိုင်းမော်မြို့တွင် ကချင်လွတ်လပ်ရေးတပ်မတော်(KIA)နှင့် ပူးပေါင်းတပ်များ တိုက်ခိုက်သိမ်းပိုက်ထားသည့် ခြေမြန်တပ်ရင်း ခမရ(၃၂၁)တစ်ခုလုံးကို ဖြိုချဖျက်ဆီးလိုက်ကြောင်း မြေပြင်စစ်ရေးသတင်းရင်းမြစ်ထံမှ သတင်းရရှိသည်။ ဝိုင်းမော် – ‌ဗန်းမော်လမ်းပိုင်းရှိ ခမရ(၃၂၁)ကို ပြီးခဲ့သည့် မေလ ၂၁ရက်တွင် KIAနှင့် ပူးပေါင်းတပ်များက တိုက်ခိုက်သိမ်းပိုက်ခဲ့ပြီး တပ်ရင်းအတွင်းရှိ အဆောက်အုံများအား ဇူလိုင်အတွင်းက အပြီးသတ်ဖျက်ဆီးလိုက်ခြင်းဟု ဆိုသည်။ ” ဓမ္မာရုံပဲချန်တာ။ အကုန် ဘူဒိုဇာနဲ့ ထိုးပစ်တာ။ ခြံစည်းရိုးပါ ဖြိုပစ်တာ” ဟု ဒေသခံတစ်ဦးကပြောသည်။ အဆိုပါနေရာ၌ တပ်စွဲပါက စစ်ကောင်စီက လေကြောင်းမှတိုက်ခိုက်နိုင်ခြေရှိ၍ တပ်မစွဲဘဲ ဖျက်ဆီးပစ်လိုက်ခြင်းဟု ကချင်စစ်ရေးသတင်းရင်းမြစ်တစ်ဦးက ပြောသည်။ ခမရ (၃၂၁)သိမ်းပိုက်သည့်တိုက်ပွဲအတွင်း တပ်ရင်းမှ အရာခံဗိုလ်တစ်ဦး ဦးဆောင်သည့် စစ်ကောင်စီတပ်ဖွဲ့ဝင်အချို့သည် KIA ထံ ပူးပေါင်းခဲ့သည်။ စစ်‌ကောင်စီဘက်မှထိခိုက်သေဆုံးမှုများပြားခဲ့ပြီး ထွက်ပြေးသွားသူများမှာ ခလရ(၅၈)တပ်ရင်းသို့ သွားရောက်ပူးပေါင်းခဲ့ကြသည်။

ကချင်လွတ်လပ်ရေး အဖွဲ့ချုပ် (KIO) ဗဟိုဌာနချုပ်အနီး တည်ရှိသည့် မိုးမောက်မြို့နယ်သည် စစ်ကောင်စီတပ်စခန်းအားလုံး ကင်းစင်ပြီး ပထမဆုံးလွတ်မြောက်နယ် ဖြစ်လာပြီဖြစ်ကြောင်း ကချင်သတင်းရင်းမြစ်များက ပြောသည်။ သွားလာရခက်ခဲသည့်အတွက် စစ်ကောင်စီတပ်များ နောက်ဆုတ်သွားသည့် အင်ဂျန်းယန်မြို့နယ်ပြီးပါက ယခုမိုးမောက်မြို့နယ်သည် KIO ဗဟို၏ အထူး စစ်ဆင်ရေးအနေဖြင့် တိုက်ခိုက်သိမ်းယူလိုက်သည့် မြို့နယ် ဖြစ်သည်။ မြစ်ကြီးနား – ဗန်းမော် ပြည်ထောင်စုလမ်းမကြီး ဖြတ်သန်းရာ မိုးမောက်မြို့နယ်က စစ်ကောင်စီတပ်စခန်းများသည် ကချင်လွတ်လပ်ရေးတပ်မတော် (KIA) ကို တနည်းတဖုံ ကန့်သတ်တားမြစ်နေသည့် အထူးနယ်မြေ ဖြစ်သည်။ သြဂုတ်လ ၁၉ ရက်နေ့မှာ မိုးမောက်မြို့နယ်တခုလုံးတွင် နောက်ဆုံးတခုတည်းသာ ကျန်ရှိသည့် စစ်ကောင်စီတပ်၏ ခမရ (၄၃၇) တပ်ရင်းကို KIA ပူးပေါင်းအဖွဲ့က တိုက်ခိုက်သိမ်းယူလိုက်သည်။ ဗန်းမော်မြို့အဝင်၊ မိုးမောက်မြို့စောင့်တပ် ခမရ (၄၃၇)