News

အကြမ်းဖက် မင်းအောင်လှိုင် ပြင်ဦးလွင်သို့ ခိုးကြောင်ခိုးဝှက် ရောက်ရှိပြီး DSAနှင့် DSTA ကျောင်းဆင်းပွဲများ တက်ရောက် တစ်မြို့လုံး လုံခြုံရေးတင်းကျပ်ထားပြီး ဒရုန်းများနှင့်ပါ ကင်းထောက်နေ အကြမ်းဖက်စစ်ခေါင်းဆောင် မင်းအောင်လှိုင်သည် ပြင်ဦးလွင်သို့ ခိုးကြောင် ခိုးဝှက် ရောက်ရှိနေပြီး ကျောင်းဆင်းပွဲများ လုပ်နေပြီး တစ်မြို့လုံး လုံခြုံရေးတင်းကျပ်ထားကာ ဒရုန်းများနှင့်ပါ ကင်းထောက်နေကြောင်း ဒေသခံပြည်သူများက ပြောဆိုသည်။ ယခု ဒီဇင်ဘာလဆန်းပိုင်းတွင် ပြုလုပ်သည့် စစ်တက္ကသိုလ် (DSA) နှင့် စစ်နည်းပညာတက္ကသိုလ်(DSTA ) ကျောင်းဆင်းပွဲများ တက်ရောက်ရန် အတွက် အကြမ်းဖက် စစ်ခေါင်းဆောင် မင်းအောင်လှိုင်က ပြင်ဦးလွင်သို့ ရောက်ရှိနေခြင်းဖြစ်ကြောင်း၊ တော်လှန်ရေးတပ်များ၏ ရှော့တိုက်ဒုံးဖြင့် ပစ်ခတ်မည်ကို စိုးရိမ်ခြင်း၊ ဒရုန်းဖြင့် တိုက်ခိုက်ခံရမည်ကို ပူပန်သဖြင့် ၎င်း၏ ခရီးစဉ်ကို မင်းအောင်လှိုင်က ခိုးကြောင်ခိုးဝှက် လာရောက်ခြင်းဖြစ်ကြောင်း၊ […]

စစ်တပ်၏ ပစ်ခတ်မှုများကြောင့်ပြည်သူ အနည်းဆုံး ၇ ဦးသေဆုံးပြီး မံစီမြို့တွင်လည်း တိုက်ပွဲပြင်းထန်နေ ကချင်ပြည်နယ်၊ဗန်းမော်မြို့တွင် ယမန်နေ့ စစ်ကောင်စီတပ်များနှင့် KIA ဦးဆောင်သော တော်လှန်ရေးတပ်များအကြား တိုက်ပွဲများအပြင်းအထန် ဖြစ်ပွားခဲ့ပြီးနောက် မြို့ထဲရှိ စစ်ကောင်စီ၏ ဌာနဆိုင်ရာရုံးအများစုကို တော်လှန်ရေးတပ်များက ထိန်းချုပ်လိုက်ကြောင်း KIA သတင်းရင်းမြစ်က ပြောဆိုသည်။ ဒီဇင်ဘာလ ၄ ရက်နေ့ နံနက် ၅ နာရီမှစတင်၍ KIA ဦးဆောင်သော တော်လှန်ရေးတပ်များက ဗန်းမော်မြို့နှင့် မံစီမြို့သိမ်းတိုက်ပွဲများ ဆင်နွှဲခဲ့ပြီး ယမန်နေ့ ဒီဇင်ဘာလ ၅ ရက်နေ့ တစ်ရက်လုံး စစ်ကောင်စီတပ်များနှင့် KIA ပူးပေါင်းမဟာမိတ်တပ်များအကြား တိုက်ပွဲ အပြင်းအထန် ဖြစ်ပွားခဲ့ကြောင်း၊ ယမန်နေ့ ဗန်းမော်မြို့ထဲတွင်ပါ တိုက်ပွဲများဖြစ်ပွားခဲ့ပြီး KIA ပူးပေါင်းမဟာမိတ်တပ်များက ဗန်းမော်မြို့တွင်းသို့ ဝင်ရောက်ကာ စစ်ကောင်စီ၏ ဌာနဆိုင်ရာ

ချင်းပြည်နယ်၏ မြို့တော် ဟားခါးမြို့နှင့် အနီးဆုံးတွင် တည်ရှိသည့် ထန်တလန်မြို့၏ အပေါ်နားဘက်က စိုးမိုးကုန်းလို နေရာယူထားသော အော်တိုတောင်စခန်းကုန်းတခုကလွဲ၍ ထန်တလန် – ဟားခါးအကြား စစ်ကောင်စီတပ်စခန်းများကင်းစင်သွားပြီဟု ချင်းအမျိုးသားတပ်မတော်(CNA) ထံမှ သိရသည်။ ထန်တလန် – ဟားခါးမြိုအကြားရှိ စစ်ရေးအရ အရေးပါသည့် C3 စခန်းကုန်းကို ချင်းအမျိုးသားတပ်မတော်နှင့် ချင်းကာကွယ်ရေးပူးပေါင်းတပ်ဖွဲ့များက ယမန်နေ့ (ဒီဇင်ဘာလ ၄ ရက်) ညနေပိုင်းက ထိန်းချုပ်ခဲ့ပြီးနောက် အော်တိုတောင်စခန်းတခုသာ ထီးထီးကြီး ကျန်ရှိနေခြင်း ဖြစ်သည်။ “C3 တပ်စခန်းကို သိမ်းပိုက်လိုက်ပြီး စစ်ကောင်စီတပ်စခန်းက အော်တိုတောင်စခန်း တခုပဲ ကျန်တော့တာ ဖြစ်တယ်” ဟု CNA ပြောရေးဆိုခွင့်ရှိသူ ဆလိုင်းထက်နီက ပြောသည်။ စစ်ရေးနားလည်သူများ၏ အဆိုအရ အော်တိုတောင်စခန်းကုန်းကို စစ်ကောင်စီ ထပ်မံလက်လွှတ်ရပါက ၂၂

ထိန်းချုပ်ဒေသများအတွင်း ပြန်ပေးဆွဲလူသတ်မှုများကျူးလွန်သူ ၆ဦးကို သေဒဏ်စီရင်လိုက် ကြောင်း မြန်မာအမျိုးသားဒီမိုကရက်တစ် မဟာမိတ်တပ်မတော်(MNDAA)က ယနေ့(ဒီဇင်ဘာ ၅ရက်) ထုတ်ပြန်သည်။ လူသတ်မှုအပါအဝင် ရာဇဝတ်မှုကျူးလွန်သူ ၂၁ ဦးကို MNDAA အထူးဒေသ (၁)တရားစီရင် ရေးဌာနတာဝန်ရှိသူများက စီရင်ချက်ချခဲ့ပြီး ၆ ဦးကို သေဒဏ်စီရင်ခြင်းဟု သတင်းရရှိသည်။ သေဒဏ်စီရင်ခံရသည့် ၆ ဦးတွင် အမျိုးသမီးတစ်ဦး ပါဝင်သည်။ အဆိုပါ အမျိုးသမီးသည် ၎င်း၏ခင်ပွန်းဖြစ်သူအား သတ်ဖြတ်မှုကျူးလွန်ခဲ့သူဖြစ်ကြောင်း MNDAAနှင့် နီးစပ်သူအချို့က ပြောသည်။ MNDAA အထူးဒေသ(၁) တရားစီရင်ရေးဌာနက လောက်ကိုင်မြို့ရှိ လူမြင်ကွင်းတစ်နေရာတွင် ယနေ့ (ဒီဇင်ဘာ ၅ ရက်)နံနက်ပိုင်း၌ တရားစီရင်ခဲ့ခြင်း ဖြစ်သည်။ ကျန် ၁၅ ဦးကို ဆက်လက်ထိန်းသိမ်းထားသည်ဟု ဆိုသည်။ MNDAA သည် ပြီးခဲ့သည့် ဧပြီကလည်း

ထီးလင်းမြို့ပေါ်ရှိ စစ်တပ် ထိန်းချုပ်ထားသော နေရာများတွင် တိုက်ပွဲအရှိန်မြှင့်တင်မည်ဖြစ်၍ မြို့ပေါ်နေ ပြည်သူအားလုံး ထွက်ခွာပေးရန် ထီးလင်းမြို့နယ် ပြည်သူ့အုပ်ချုပ်ရေးအဖွဲ့က အသိပေး မကွေးတိုင်း၊ ထီးလင်းမြို့ပေါ်ရှိ အကြမ်းဖက် စစ်တပ် ထိန်းချုပ်ထားသော နေရာများတွင် တိုက်ပွဲအရှိန်မြှင့်တင်မည်ဖြစ်၍ မြို့ပေါ်နေ ပြည်သူအားလုံး ထွက်ခွာပေးရန် မေတ္တာရပ်ခံကြောင်း ထီးလင်းမြို့နယ် ပြည်သူ့အုပ်ချုပ်ရေးအဖွဲ့မှ တာဝန်ရှိသူ တစ်ဦးက ပြောဆိုသည်။ ထီးလင်းမြို့ပေါ်တွင် နေထိုင်လျက်ရှိသော အရပ်သားပြည်သူများအနေဖြင့် အကြမ်းဖက်စစ်ကောင်စီ အခြေစိုက် နယ်မြေဖြစ်သော ထီးလင်းမြို့ကို စွန့်ခွာ၍ အမျိုးသား ညီညွတ်ရေးအစိုးရ၏ စိုးမိုးနယ်မြေများကို လာရောက် ခိုလှုံကြပါရန် ထုတ်ပြန်ချက်တွင် ဖော်ပြထားသည်။ အမျိုးသားညီညွတ်ရေးအစိုးရ ထိန်းချုပ်နယ်မြေအတွင်းရှိ ပြည်သူများ၊ ပအဖ ၊ ပကဖ များ၊ တပ်ရင်းတပ်ဖွဲ့များ အနေဖြင့် စစ်ကောင်စီ အခြေစိုက်ထားသော ထီးလင်းမြို့ပေါ်တွင် နေထိုင်သူများ

လက်နက်မချ​သော စစ်သားဗိုလ်ကြီးအပါ ၇ ဦး​သေဆုံး မတ္တရာမြို့နယ်က တိုက်ပွဲတစ်ခုမှာ ပြည်သူ့ကာကွယ်ရေးတပ်မတော်(မန္တလေး)ရဲ့ ရဲဘော်တွေက စစ်သုံ့ပန်းတွေကို လက်ဆွဲနှုတ်ဆက်ဖို့ ချော့မော့ခေါ်ယူခဲ့ပါတယ်။ ဒီဇင်ဘာ ၂ ရက် ညပိုင်းက မန္တလေး PDF ထိန်းချုပ်စိုးမိုးထားတဲ့ မတ္တရာမြို့နယ် အရှေ့ဘက်ခြမ်းက မြို့ကုန်းကျေးရွာကို စစ်ကောင်စီတပ် စစ်ကြောင်းဝင်ရောက်လာပြီးနောက် တိုက်ပွဲ စတင်ဖြစ်ပွားခဲ့ပါတယ်။ ဒီဇင်ဘာ ၃ ရက်မှာလည်း စစ်ကောင်စီ စစ်ကြောင်းနဲ့ မန္တလေး PDFတို့ တနေကုန်နီးပါး ထပ်မံတိုက်ပွဲဖြစ်ပွားခဲ့ပါတယ်။ အဲဒီတိုက်ပွဲမှာ အဆောက်အအုံတခုထဲနဲ့ စပါးပုံဘေးမှာပုန်းအောင်းနေတဲ့ စစ်ကောင်စီတပ်သားတွေကို မန္တလေး PDF ရဲဘော်တွေက ချော့ခေါ်ခဲ့တာပါ။ “လာလာလာ မင်းမသတ်ဘူးလာ။”လို့ ရဲဘော်တစ်ယောက်က ပြောတယ်။ နောက်ရဲဘော်တစ်ယောက်ကလည်း “မသတ်ဘူး။ မသတ်ဘူး။ ညီကိုတွေ ညီကိုတွေ။လက်ဆွဲနှုတ်ဆက်မယ်နော့။”လို့ ပေါ့ပေါ့းပါးပါးရင်းရင်းနှီးနှီး လှမ်းအော်တယ်။ သူကပဲ ဆက်ပြောတယ်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နေထိုင်ခဲ့တဲ့ ရန်ကုန်မြို့၊ တက္ကသိုလ်ရိပ်သာလမ်း၊ ခြံအမှတ် ၅၄ ကို တတိယအကြိမ်လေလံတင်ရာမှာ ကြမ်းခင်းဈေးလျှော့မလျှော့ဆုံးဖြတ်ချက် လာမယ့်ရုံးချိန်းမှာ ကြားဖြတ်အမိန့်ချသွားဖို့ ရှိနေပါတယ်။ ကာယကံရှင် ဒေါ်အောင်ဆန်းစုကြည်ရဲ့ သဘောထားမပါဘဲ ဈေးနှုန်းသတ်မှတ်ပြီး လေလံအကြိမ်ကြိမ်တင်နေတာဟာ ဥပဒေနဲ့ညီညွတ်မှုမရှိဘူးလို့ ဥပဒေကျွမ်းကျင်သူတွေက ပြောပါတယ်။ တက္ကသိုလ်ရိပ်သာလမ်း၊ ခြံအမှတ် ၅၄ နေအိမ်ကို ကြမ်းခင်းဈေး ငွေကျပ် သိန်းပေါင်း ၂ ဒသမ၉ သန်းနဲ့ တတိယအကြိမ်လေလံတင်ဖို့ တရားပြိုင် ဦးအောင်ဆန်းဦးက အဆိုတင်သွင်းထားပြီး ရှေ့နေအဖွဲ့က ကန့်ကွက်ထားတာပါ။ ကြမ်းခင်းဈေးလျှော့မယ်မလျှော့ဘူးဆိုတာကို ဒီဇင်ဘာ ၁၈ ရက်မှာ ကမာရွတ်ခရိုင်တရားရုံးက ကြားဖြတ်အမိန့်ချဖို့ တရားရုံးက ရုံးချိန်းပေးထားပါတယ်။ ဒီကိစ္စတွေနဲ့ပတ်သက်ပြီး ရှေ့နေအဖွဲ့က ကာယကံရှင် ဒေါ်အောင်ဆန်းစုကြည်ရဲ့ သဘောထားရယူဖို့ တွေ့ဆုံခွင့် အကြိမ်ကြိမ်တောင်းခဲ့ပေမဲ့ တရားရုံးက မသိကျိုးကျွံပြုတဲ့အခြေအနေနဲ့ ကြုံတွေ့နေရတယ်လို့

စစ်တပ်က အင်အား ထပ်မံဖြည့်တင်းနေ၍ စစ်ရေးတင်းမာနေ ပဲခူးတိုင်း၊ ရေတာရှည်မြို့နယ် အနောက်ခြမ်း၊ နှောပင်ကျေးရွာအနီးကို စစ်ကြောင်းထိုးလာသည့် စစ်တပ်ကို ကြားဖြတ် တိုက်ခိုက်ရာ စစ်တပ်ဘက်မှ ထိခိုက်သေဆုံးသူ များပြားပြီး စစ်တပ်က အင်အား ထပ်မံဖြည့်တင်းနေ၍ စစ်ရေးတင်းမာနေကြောင်း စစ်တောင်းမြစ်ဝှမ်း – ရေတာရှည်ပူးပေါင်းစစ်ဆင်ရေးအဖွဲ့မှ တာဝန်ရှိသူ တစ်ဦးက ပြောကြားသည်။ ယနေ့ ဒီဇင်ဘာလ ၅ ရက်နေ့ နံနက် ၈ နာရီခန့်တွင် ရေတာရှည်မြို့နယ်၊ စစ်တောင်းမြစ်ဝှမ်း အနောက်ခြမ်း နှောပင်ကျေးရွာသို့ အင်အား ၁၀၀ ကျော်ဖြင့် စစ်ကြောင်းထိုးလာသော စစ်ကောင်စီ တပ်သားများကို ကြားဖြတ်တိုက်ခိုက်ခဲ့ရာ အပြန် အလှန်ပစ်ခတ်တိုက်ပွဲ ၅ နာရီကျော်ကြာဖြစ်ပွားခဲ့ပြီး အကြမ်းဖက် စစ်သား ၂၀ ဦးထက်မနည်း သေဆုံး ကာအများအပြား ထိခိုက် ဒဏ်ရာရရှိခဲ့ကြောင်း

လက်နက် ၄၀ ကျော်နှင့် စစ်သုံ့ပန်း ၃၆ ဦး ဖမ်းဆီးရရှိ ကရင်ပြည်နယ်၊ KNU တပ်မဟာ ၅ နယ်မြေ၊ ဖာပွန်ခရိုင်တွင် စစ်ကောင်စီတပ်၏ တောင်သုံးလုံးစခန်း၊ ဆင်စွယ်တပ်စခန်းတို့ကို သိမ်းပိုက်ရရှိပြီး လက်နက် ၄၀ ကျော် ခဲယမ်းများနှင့်အတူ စစ်သုံ့ပန်း ၃၆ ဦးကိုပါ ဖမ်းဆီးရရှိကြောင်း KNLA ရှေ့တန်းသတင်းရင်းမြစ်တချို့ထံမှ သိရှိရသည်။ ဒီဇင်ဘာလ ၃ ရက်နေ့တွင် ဖာပွန်ခရိုင်၊ စစ်ကောင်စီ၏ ဆင်စွယ်တပ်စခန်းကိုလည်းကောင်း၊ ဒီဇင်ဘာလ ၄ ရက်နေ့တွင် တောင်သုံးလုံး တပ်စခန်းကိုလည်းကောင်း အသီးသီး သိမ်းပိုက်ရရှိကြောင်း၊ လက်နက် ၄၀ ကျော် ခဲယမ်းများနှင့်အတူ သိမ်းဆည်းရရှိကြောင်း၊ စစ်သုံ့ပန်း ၃၅ ဦးကိုလည်း ဖမ်းဆီးရရှိထားကြောင်း သိရှိရသည်။ “သက်ဆိုင်ရာက တရားဝင်ထုတ်ပြန်ပါလိမ့်မယ်။ တော်လှန်ရေးဘက်က အထိအခိုက်

ကောလင်း-ဝန်းသို လမ်းပိုင်းကို စစ်ကြောင်းထိုးလာသည့် စစ်ကောင်စီ တပ်သားများကို တိုက်ခိုက်မှု စစ်တပ်ဘက်မှ ထိခိုက်သေဆုံးမှု များပြားပြီး လက်နက် ၂ လက် သိမ်းဆည်းရရှိ စစ်ကိုင်းတိုင်း၊ ကောလင်း-ဝန်းသို လမ်းပိုင်းကို စစ်ကြောင်းထိုးလာသည့် အကြမ်းဖက် စစ်ကောင်စီ တပ်သားများကို တိုက်ခိုက်ရာ စစ်တပ်ဘက်မှ ထိခိုက်သေဆုံးမှု များပြားပြီး လက်နက် ၂ လက် သိမ်းဆည်းရရှိခဲ့ကြောင်း ကောလင်းခရိုင်တပ်ရင်း ၂ က ပြောဆိုသည်။ အောက်တိုဘာလ ၂၀ ရက်နေ့တွင် တော်လှန်ရေး တပ်ဖွဲ့များ ထိန်းချုပ်ထားသော ကောလင်း-ဝန်းသို လမ်းပိုင်းကို ကောလင်းဘက်မှလာသည့် အင်အား ၅၀ ခန့်ပါ စစ်ကြောင်းနှင့် ဝန်းသို ဘက်မှလာသည့် အင်အား ၁၂၀ ကျော် ပါ စစ်ကြောင်းတို့ စစ်ကြောင်းထိုး ဝင်ရောက်ခဲ့ကြောင်း သိရသည်။