News

အသက် ၁၈ နှစ်ကနေ ၅၀ အကြားအမျိုးသမီး ၈၆ ယောက်ကို မုဒိမ်းကျင့်သတ်ဖြတ်ခဲ့ကြောင်း ဝန်ခံထားပြီးဖြစ်တဲ့ ရုရှားနိုင်ငံရဲ့ အရက်စက်ဆုံး ကွင်းဆက်မုဒိမ်းလူသတ်သမားကို ပူတင်က လွှတ်ပေးပြီး ယူကရိန်းစစ်ပွဲမှာ စစ်မှုထမ်းခိုင်းဖို့ စီစဉ်နေပြီဖြစ် ကြောင်း The Sun သတင်းစာက ထုတ်ဖော်ရေးသားခဲ့ပါတယ်။ Warewolf လို့ ခေါ်ဆိုကြသလို သူနေထိုင်ခဲ့တဲ့ ဇာတိမြို့မှာ အန်ဂက်ရှ်မားနီးယက်စ် (Angarsk Maniac) လို့ စက်ဆုတ်ရွံရှာစွာခေါ်ဝေါ်ခံရတဲ့ ရဲအရာရှိဟောင်း မီခေးလ်ပေါ့ကော့ဗ်ဟာ အသက် ၅၉ နှစ်ရှိပြီဖြစ်ပြီး ဝန်ခံခဲ့ပြီး တဲ့ မုဒိမ်းကျင့်လူသတ်မှုတွေကြောင့် တစ်သက်တစ်ကျွန်း ၂ ကြိမ်ထောင်ဒဏ်အပြင် ထပ်တိုးထောင်ဒဏ် ၉ နှစ် ကျခံထားရသူဖြစ်ပါတယ်။ အခုနောက်ဆုံး အမျိုးသမီး ၃ ယောက်ကို သတ်ဖြတ်ခဲ့ကြောင်း ထပ်ဝန်ခံလိုက်လို့ ထောင်ဒဏ် ၁၀ […]

ထိုင်း-မြန်မာနယ်စပ်မြို့တစ်မြို့ဖြစ်သည့် ဘုရားသုံးဆူမြို့ပေါ်ရှိ စစ်ကောင်စီတပ် ဗိုလ်မှူးတစ်ဦးကို ပစ်ခတ်ခဲ့ကြောင်း နဂါးနီစစ်ကြောင်းတော်လှန်ရေးအဖွဲ့ကထုတ်ပြန်သည်။ ဘုရားသုံးဆူမြို့ရှိ အလှပြင်ဆိုင်တစ်ခုအတွင်း ရောက်ရှိနေသော စစ်ကောင်စီလက်အောက်ခံ ခလရ(၉၇)တပ် ဒုတပ်ရင်းမှူး အေးချမ်းအား နဂါးနီးစစ်ကြောင်းကပစ်ခတ်ခဲ့ခြင်းဖြစ်ပြီး နေရာတွင်ပင် ပွဲချင်းပြီးသေဆုံးသွားကြောင်းသိရသည်။ နိုဝင်ဘာလ(၂၃)ရက် မနက်ပိုင်းက ဖြစ်ပွားခဲ့ခြင်းဖြစ်သည်။ သေဆုံးသွားခဲ့သည့် ဗိုလ်မှူးအေးချမ်းသည် ကော့ကရိတ်မြို့အခြေစိုက် ခလရ(၉၇)တပ်ရင်းမှဖြစ်ပြီး ဘုရားသုံးဆူဒေသသို့ တာဝန်ဖြင့် ရောက်ရှိလာသူတစ်ဦး ဖြစ်သည်ဟု နဂါးနီစစ်ကြောင်းက ထုတ်ပြန်ထားသည်။ “(ဘုရားသုံးဆူကိုရောက်တာ) ခန့်မှန်းခြေ ၆ လ လောက်ရှိပြီဗျ” ဟု နဂါးနီစစ်ကြောင်း တာဝန်ရှိသူတစ်ဦးက ပြောသည်။ ဘုရားသုံးဆူမြို့၏ နယ်စပ်ချက်ပွိုင့်ဂိတ်တွင် အများပြည်သူမော်တော်ယာဉ်များ အဆမတန် ဆက်ကြေးကောက်ခံနေခြင်း၊ မြို့တွင်းပေါ်၌ အများပြည်သူ စိတ်အနှောင့်အယှက်ဖြစ်စေရန် ခြိမ်းခြောက်ခြင်းများ၊ တော်လှန်ပြည်သူများအား လိုက်လံဖမ်းဆီးခြင်းများ ပြုလုပ်ရန် အားထုတ်လျက်ရှိသူတစ်ဦးလည်းဖြစ်ဟု ရေးသားထုတ်ပြန်ထားသည်။ ထုတ်ပြန်ချက်နှင့်ပတ်သက်၍ နဂါးနီစစ်ကြောင်းသို့မေးမြန်းရာတွင် “ကျွန်တော်တို့

ချင်းပြည်နယ်တွင် ရိဒ်ခေါဒါရ်မြို့ပြီးလျှင် လိုင်လင်းပီမြို့သည် ဒုတိယမြောက်သိမ်းပိုက်ရရှိသော မြို့ဖြစ် ချင်းပြည်နယ်၊ မတူပီမြို့နယ်၊ လိုင်လင်းပီမြို့မှ စစ်ကောင်စီ၏ အဓိက စစ်စခန်းကို ချင်းတော်လှန်ရေးတပ်ဖွဲ့များက သိမ်းပိုက်ရရှိကြောင်း CNA မှ ပြောခွင့်ရပုဂ္ဂိုလ် ဆလိုင်းထက်နီကအတည်ပြု သည်။ CNA နှင့် ချင်းတော်လှန်ရေး တပ်ပေါင်းစုက လိုင်လင်းပီ စစ်ကောင်စီစခန်းကို နိုဝင်ဘာလ ၁၉ ရက်နေ့မှ စတင်တိုက်ခိက်ခဲ့ပြီး ယနေ့ နိုဝင်ဘာလ ၂၄ ရက်နေ့တွင် အပြီး တိုက်ခိုက်သိမ်းပိုက်နိုင်ခြင်းဖြစ်ကြောင်း သိရှိရသည်။ “လိုင်လင်းပီမှာ စစ်ကောင်စီစခန်းကြီးတစ်ခုပဲ အဓိကရှိတာ။ အဲဒီစခန်းရပြီဆိုတော့ မြို့က ခပ်သေးသေးဆိုတော့ မြို့သိမ်းလို့ရပြီလို့ ပြောလို့ရတယ်” ဟု ချင်းတော်လှန်ရေး သတင်းရင်းမြစ်က ပြောဆိုသည်။ လိုင်းလင်းပီ စစ်ကောင်စီတပ်စခန်းကို CNA၊ CDF-Mara၊ CDF -Matupi၊ CDF-Lautu နှင့်

လောင်းလုံးမှာ စစ်တပ်က ဆိုင်ကယ်အစီးနှစ်ဆယ်ကျော်ကို မီးရှို့ပြီး ရွှေငွေတွေပါယူဆောင်သွား တနင်္သာရီတိုင်း၊ လောင်းလုံးမြို့နယ်၊ သပြေရှောင်ရွာမှာ စစ်ကောင်စီတပ်က နိုဝင်ဘာ ၂၃ ရက်၊ မနေ့ညက ရွာခံတွေရဲ့ ဆိုင်ကယ် ၂၄ စီးနဲ့ ရေလုပ်သားတွေရဲ့ တဲအိမ် ရှစ်လုံးကို မီးရှို့ဖျက်ဆီးသွားတယ်လို့ ဒေသခံတွေက ပြောပါတယ်။ ” သူတို့(စစ်တပ်) ရွာထဲဝင်လာတော့ ကျမတို့က ထွက်ပြေးတာပေါ့။ အဲမှာ အိမ်မှာကျန်ခဲ့တဲ့ ဆိုင်ကယ်တွေ ယူထုတ်ပြီးရှို့တာ၊ အားလုံးစုပြီးမှ ရှို့ခဲ့တာ ” လို့ လုံခြုံရေးအရ အမည်မဖော်လိုသူ သပြေရှောင်ရွာခံ အမျိုးသမီးတဦးက DNA ကို ပြောပါတယ်။ စစ်ကောင်စီတပ်က အခုလို မီးရှို့ဖျက်ဆီးသွားတဲ့ ဆိုင်ကယ်အားလုံးရဲ့ စုစုပေါင်းကာလတန်ဖိုးဟာ အနည်းဆုံး သိန်းသုံးရာဝန်းကျင် ရှိနိုင်တယ်လို့လည်း ဆိုပါတယ်။ အင်အား ခုနစ်ဆယ်ခန့်ရှိ အဲဒီစစ်ကောင်စီတပ်သားတွေဟာ

ရန်ကုန်တိုင်း၊ သန်လျင်မြို့ ရေတပ်ဌာနချုပ်ရှိ စစ်ကောင်စီတပ်ဖွဲ့ဝင် ၁၇ ဦး လက်နက်အချို့ယူဆောင်ပြီး တပ်အတွင်းမှ ထွက်ပြေးသွားကြောင်း သိရသည်။ ယနေ့ နို၀င်ဘာ ၂၄ ရက် နံနက် ၁ နာရီခန့်က သန်လျင်ရေတပ်ဌာနချုပ်မှ စစ်ကောင်စီတပ်သား ၁၇ ဦး ကင်းလှည့်ထွက်လာစဉ် လက်နက်အချို့ကို ယူဆောင်၍ ထွက်ပြေးသွားကြောင်း တပ်တွင်းသတင်းရင်းမြစ်ထံက သိရသည်။ “ရှေ့လျှောက်တပ်ပြေးတဲ့သတင်းတွေ ပိုကြားရနိုင်တယ်။ အခုလည်း တပ်ထဲမှာ ၂၇ ရက်နေ့အတွက် တပ်လှန့်ထားတာရှိတယ်။ အခြေအနေမကောင်းတာတော့ အမှန်ပဲ”ဟု တပ်တွင်းသတင်းရင်းမြစ်က ဧရာ၀တီတိုင်းမ်ကို ပြောသည်။ လက်ရှိတွင် ထွက်ပြေးသွားသည့် စစ်ကောင်စီတပ်သားများကို ပြန်လည်ဖမ်းဆီးရမိရေး အတွက် လိုက်လံရှာဖွေနေကြောင်းသိရပြီး အဆိုပါရေတပ်မှ ထွက်ပြေးသည့် စစ်ကောင်စီတပ်သားများ၏ အသေးစိတ်အခြေ‌အနေကို ဧရာ၀တီတိုင်းမ် သတင်းဌာန အနေဖြင့် ဆက်လက်စုံစမ်းနေပြီး သိရှိရပါက ဆက်လက်ဖော်ပြပေးသွားမည်

ပြည်ရွှေဆံတော်ဘုရားစွယ်တော်နဲ့ ယတြာချေဖို့ စစ်ကောင်စီစဉ်နေ သုံးနှစ်တစ်ကြိမ်သာအပူဇော်ခံတဲ့ ပြည်မြို့က ရွှေဆံတော်ဘုရားမှာရှိတဲ့ ဗုဒ္ဓစွယ်တော်ကို စစ်ကောင်စီက ယတြာအရ လှည့်လည်အပူဇော်ခံဖို့စီစဉ်နေတယ်လို့ ဒေသခံတွေဆီကသိရပါတယ်။ ပြည်ရွှေဆံတော်ဘုရားရှိ ဗုဒ္ဓစွယ်တော်ဟာ ပုံမှန်အားဖြင့် သုံးနှစ်တစ်ကြိမ်သာလှည့်လည်အပူဇော်ခံတာဖြစ်ပြီး လာမယ့် ၂၀၂၄ ခုနှစ်မှသာ သုံးနှစ်ပြည့်ပြုလုပ်ရမှာဖြစ်ပေမယ့် စစ်ကောင်စီကဒီနှစ်မှာပြုလုပ်ဖို့ စီစဉ်နေတာဖြစ်ပါတယ်။ “ပြည်ရွှေဆံတော်ဘုရားစွယ်တော်က ၃ နှစ်မှ တစ်ကြိမ်အပူဇော်ခံတာ၊ ကျမတို့ဟိုးငယ်ငယ်ထဲက ၃ နှစ်တစ်ကြိမ်ပဲ၊ ၈၈ အရေးတော်ပုံတုန်းကတောင် အဲလို လုပ်တာမရှိဘူး။ အခုက ၃ နှစ်က ၂၀၂၄ မှ ပြည့်မှာ၊ အခု လှည့်လည်အပူဇော်ခံမယ်ဆိုလို့ မြို့က လူတွေက ဇွတ်လှည့်ဆိုပြီးပြောနေကြတယ်၊ တကယ်က ပုံမှန်ဆိုရင်စွယ်တော်က မနက်ကတည်းက ရပ်ကွက်တွေထဲ လှည့်အပူဇော်ခံတာ၊ ညနေဘက်အထိ၊ အခုကတော့ အချိန် ၄ နာရီလောက်ပဲ စတိလှည့်မဲ့သဘောပေါ့” လို့

လောက်ကိုင်ကို ဆက်ထိန်းချုပ်နိုင်ရန် စစ်ကောင်စီက ပြည်သူများကို လူသားဒိုင်းအဖြစ်အသုံးပြုနေ၍ အထူးဂရုပြုရန် MNDAA သတိပေး စစ်ကောင်စီက လူမဆန်သောလုပ်ရပ်နှင့် ကြမ်းတမ်းသောလုပ်ရပ်များလုပ်ဆောင်နေ၍ လောက်ကိုင်ဒေသမှ ဒုက္ခသည်များသည် စစ်ကောင်စီ၏ လူသားဒိုင်းကာမဖြစ်စေရန် အထူးဂရုပြုသတိထားရမည်ဖြစ်ကြောင်း ကိုးကန့်တပ်မတော်(MNDAA)က သတိပေးထုတ်ပြန်သည်။ နိုဝင်ဘာလ ၁၉ ရက်တွင် MNDAA စစ်ရေးကော်မတီမှ လောက်ကိုင်ဒေသရှိပြင်ပလူထုများအား စစ်မြေပြင်မှ လျင်မြန်စွာထွက်ခွာရန် အသိပေးထုတ်ပြန်ခဲ့ရာ လောက်ကိုင်ဒေသရှိ ပြင်ပလူထုနှင့် ဗမာလူမျိုးဒုက္ခသည် များလည်း လျင်မြန်စွာ ထွက်ခွာခဲ့ကြောင်း၊ သို့ရာတွင် စစ်ကောင်စီ လက်အောက်ခံ ကိုးကန့်ရုပ်သေးအဖွဲ့သည် လောက်ကိုင်ဒေသကိုဆက်လက်ထိန်းချုပ်နိုင်ရန်အတွက် လမ်းကြောင်းများကို ဖျက်ဆီးခဲ့ပြီး ဒေသခံများအားမြို့ထဲတွင် ပိတ်ဆို့စေခဲ့ကြောင်း ဖော်ပြသည်။ နောက်တစ်နည်းအားဖြင့် ထွက်ပြေးတိမ်းရှောင် သော ဒုက္ခသည်များကို လူသားဒိုင်းကာလုပ်၍ ရှေ့ကသွားစေပြီး စစ်ကောင်စီတပ်က နောက်ကနေရုပ်ဖြတ် ပြီးလိုက်ပါကာ MNDAAကို တန်ပြန်တိုက်ခိုက်ရန် ကြံရွယ်ခဲ့သည်