News

PDF တပ်ဖွဲ့များ စုဖွဲ့မှု အားကောင်း၍ စစ်ကောင်စီတပ်သား ၃ ဦး လက်နက်ခဲယမ်းများနှင့်အတူ အလင်းဝင် မကွေးတိုင်း၊ ဂန့်ဂေါခရိုင်တွင် PDF တပ်ရင်း ၅ ရင်း စုဖွဲ့လေ့ကျင့်မှု ပြုလုပ်နေပြီး PDF တပ်ဖွဲ့များ စုဖွဲ့မှု အားကောင်း၍ စစ်ကောင်စီတပ်သား ၃ ဦး လက်နက်ခဲယမ်းများနှင့်အတူ အလင်းဝင်ရောက်ခဲ့ကြောင်း ဂန့်ဂေါခရိုင် စုဖွဲ့လေ့ကျင်းမှု တပ်ရင်း ၅ ရင်း၏ ပြန်ကြားရေးတာဝန်ရှိ သူတစ်ဦးက ပြောကြားသည်။ ဇူလိုင်လ ၂၄ ရက်နေ့မှ စတင်၍ ဂန့်ဂေါခရိုင် အတွင်း အခြေစိုက်တပ်ရင်းများဖြစ်သော ခရိုင်အမှတ် (၁၃ ၊ ၁၅ ၊ ၁၆ ၊ ၁၇ ၊ ၁၈) တပ်ရင်းများ ပူးပေါင်းကာ ဒေသအတွင်း တော်လှန်ရေး […]

မန္တလေးတိုင်း၊ ညောင်ဦးမြို့နယ်တွင် ကင်းပတ် ရာမှပြန်လာသော စစ်ကောင်စီတပ်ယာဥ်တန်းကို ပူးပေါင်းတပ်ဖွဲ့များနှင့်အတူ ကြားဖြတ်တိုက်ခိုက်ခဲ့ကြောင်း ညောင်ဦးမြို့နယ်- ပကဖ(ပုဂံပြည် ဘီလူးတပ်)မှ တာဝန်ရှိသူတစ်ဦးကပြောသည်။ စက်တင်ဘာ ၂၀ ရက် ညနေ ၃နာရီခွဲခန့်က ညောင်ဦးမြို့နယ် ငါ့သရောက်-ဇဂျမ်းလမ်းမှ ကင်းပတ်ပြန်လာသော စစ်ကောင်စီလက်အောက်ခံ စစ်သားနှင့်ရဲများလိုက်ပါလာသည့် ကားလေးစီးနှင့် ဆိုင်ကယ်သုံးစီးပါ ယာဥ်တန်းကို ညောင်ဦးမြို့နယ်-ပကဖ(ပုဂံပြည်ဘီလူးတပ်)နှင့် မဟာမိတ်ညီနောင် များမှ ကြားဖြတ်တိုက်ခိုက်ခဲ့ခြင်း ဖြစ်သည်။ တိုက်ခိုက်မှုတွင် စစ်ကောင်စီဘက်မှ သုံးဦးနေရာတင် သေဆုံးပြီး ကိုးဦးမှာ ပြင်းထန်ဒဏ်ရာများရရှိကာ ညောင်ဦးခရိုင် ဆေးရုံသို့ ပို့ဆောင်လိုက်ရကြောင်း ညောင်ဦးမြို့ နယ်-ပကဖမှ တာဝန်ရှိသူတစ်ဦးက ပြော သည်။ ထို့နောက် ဒဏ်ရာရသူကိုးဦးအနက် နှစ်ဦးမှာ ယမန်နေ့(စက်တင်ဘာ ၂၁ ရက်)တွင် ဆေးကုသမှုခံယူရင်း ထပ်မံသေဆုံးသွားကြောင်း ၎င်းက ဆက်ပြောသည်။ ညောင်ဦးမြို့နယ် ဒုရဲမှူးဝင်းဆန်း၊စရဖ

လှိုင်မြို့နယ်ရှိ စစ်တပ်၏ တပ်ထိန်းတပ်ဖွဲ့ဝင်းကို ဒုံးဖြင့် ပစ်ခတ် တိုက်ခိုက်မှု စစ်ကောင်စီ တပ်သားများ ထိခိုက်မှုရှိပြီး လူနာတင်ကား ၂ စီးဝင်သွား ရန်ကုန်မြို့နယ်၊ လှိုင်မြို့နယ်ရှိ အကြမ်းဖက် စစ်တပ်၏ တပ်ထိန်းတပ်ဖွဲ့ဝင်းကို ဒုံးဖြင့် ပစ်ခတ် တိုက်ခိုက်ရာ စစ်ကောင်စီ တပ်သားများ ထိခိုက်မှုရှိကြောင်း ရန်ကုန်မြို့ပြ UG အဖွဲ့တစ်ခုမှ တာဝန်ရှိသူ တစ်ဦးကပြောဆိုသည်။ စက်တင်ဘာလ ၂၁ ရက်နေ့ ည ၈ နာရီခန့်တွင် လှိုင်မြို့​နယ်ရှိ အကြမ်းဖက် စစ်တပ်၏ တပ်ထိန်းတပ်ဖွဲ့ဝင်းကို ရန်ကုန် မြို့ပြ UG အဖွဲ့က အဝေးထိန်း နည်းပညာသုံး ဒုံး အသေးစားများဖြင့် ပစ်ခတ် တိုက်ခိုက်ခဲ့ကြောင်း သိရသည်။ အဆိုပါ တပ်ထိန်းဝင်းအတွင်းကို ဒုံး ၅ လုံးဖြင့် ပစ်ခတ်

ချောင်းဦးမြို့နယ်၊ ကံဇီးပျုစောထီးရွာကို တိုက်ခိုက် သိမ်းပိုက်မှု စစ်ကောင်စီ တပ်သား ၁၅ ဦးသေဆုံးပြီး ၃၀ ကျော် အရှင်မိ၊ စစ်သုံ့ပန်းများကို စစ်ဆေးမှု ပြုလုပ်နေ စစ်ကိုင်းတိုင်း၊ ချောင်းဦးမြို့နယ်၊ ကံဇီးပျုစောထီးရွာကို တိုက်ခိုက် သိမ်းပိုက်ရာ အကြမ်းဖက် စစ်ကောင်စီ တပ်သား ၁၅ ဦး သေဆုံးပြီး ၃၀ ကျော် အရှင်မိကာ စစ်သုံ့ပန်းများကို စစ်ဆေးမှု ပြုလုပ်နေကြောင်း မုံရွာ ခရိုင်အမှတ် ၉ တပ်ရင်း တပ်ရေးအရာရှိမှ တာဝန်ရှိသူ တစ်ဦးကပြောဆိုသည်။ စက်တင်ဘာလ ၁၉ ရက်နေ့ နံနက် ၇ နာရီ ၃၀ မိနစ်ခန့်တွင် ကံဇီးပျူစောထီးရွာကို တော်လှန်ရေး တပ်ဖွဲ့များက ဝင်ရောက် တိုက်ခိုက် သိမ်းပိုက်ခဲ့ပြီး အကြမ်းဖက် စစ်ကောင်စီ တပ်သား

ဆားလင်းကြီးမြို့နယ်၊ ပေါင်းဝဘုရားအနီး ချင်းတွင်းမြစ်အတွင်း သွားလာနေသော စစ်တပ်သင်္ဘော ၁၉ စီးကို တိုက်ခိုက်မှု စစ်တပ်ဘက်မှ သေဆုံးမှုရှိနိုင် စစ်ကိုင်းတိုင်း၊ ဆားလင်းကြီးမြို့နယ်၊ ပေါင်းဝဘုရားအနီး ချင်းတွင်းမြစ်အတွင်း ၌ အကြမ်းဖက် စစ်ကောင်စီ၏ ကြေးနီ၊ ကျောက်စိမ်းများတင်ဆောင်လာသော သင်္ဘော ၁၉ စီးကို မိုင်းဆွဲတိုက် ခိုက်ခဲ့ရာ စစ်ဗိုလ်တစ်ဦး သေဆုံးခဲ့ကြောင်း Brave Heart Army (BHA) တပ်ဖွဲ့မှ တာဝန်ရှိသူ တစ်ဦးက ပြောကြားသည်။ ယမန်နေ့ စက်တင်ဘာလ ၂၁ ရက်နံနက် ၁၀ နာရီ ၃၀ မိနစ်အချိန်က ကြေးနီများတင်ဆောင်ပြီး မုံရွာမြို့ဘက်မှ စုန်ဆင်းလာသော အကြမ်းဖက်စစ်ကောင်စီ၏ သင်္ဘော ၁၉ စီးကို ပြည်သူ့ကာကွယ် ရေးတပ်ဖွဲ့များ ပူးပေါင်းပြီး ဆားလင်းကြီးမြို့နယ်၊ ပေါင်းဝဘုရားကြီးအနီးအရောက် ရှေ့ထွက်

ရေကြီး၊မြေပြိုမှုများဖြစ်နေသော ဖယ်ခုံမြို့ကို စစ် ကောင်စီက လေကြောင်းမှ ဗုံးကြဲ၍ ကလေးငယ် ၄ ဦးနှင့် အမျိုးသမီးအပါအဝင်လူ ၉ ဦး ထိခိုက်ဒဏ်ရာရရှိကြောင်း ဒေသခံများက ပြောသည်။ ယမန်နေ့(စက်တင်ဘာ ၂၁ ရက်) နေ့လည်ပိုင်းတွင် စစ်ကောင်စီက ဖယ်ခုံမြို့အနောက်ဘက်ခြမ်းကို ဗုံးကြဲခဲ့ ခြင်းဟု သိရသည်။ “ဘာတိုက်ပွဲမှမရှိဘူး။လတိန်ရွာကို ည နေ ၄ နာရီ ကျော်လောက်မှာ လေယာဥ်နဲ့ဗုံး ကြဲသွားတာပါ။စုစုပေါင်းကိုးဦးထိတယ်။နေအိမ်တွေပျက်စီးတယ်”ဟု ဖယ်ခုံဒေသခံက ပြောသည်။ စစ်ကောင်စီသည် ရှမ်းပြည်တောင်ပိုင်း ပင်လောင်းမြို့နယ်မှတဆင့် ဖယ်ခုံမြို့ဘက်သို့ စစ်ကြောင်းထိုးနေကြောင်းလည်း ကရင်နီစစ်ရေးသတင်းရင်းမြစ်က အသိပေးသည်။ “ဖယ်ခုံ – မိုးဗြဲ – လွိုင်ကော် – ဒီမော့ဆို အထိလို့ သိရတယ်။ဖယ်ခုံရွှေပြည်အေးရွာ ဘက်ကို တနေ့က အဲဒီစစ်ကြောင်းရောက်ပြီပြောတယ်။လောလောဆယ်တော့ထိတွေ့မှုရှိနေကြတယ်”ဟု ၎င်းက ပြောသည်။

လာမယ့် ပွင့်လင်းခြောက်သွေ့ရာသီမှာ မဟာမိတ်တွေနဲ့အတူ လှုပ်ရှားတဲ့ဒေသတွေမှာ ဗျူဟာမြောက်စစ်ဆင်ရေးတွေ ပူးပေါင်းလုပ်ဆောင်သွားမယ်လို့ မွန်လက်နက်ကိုင် တော်လှန်‌ရေးအဖွဲ့တွေကပြောပါတယ်။ ဒါပေမယ့် ဘယ်လိုမျိုး ဗျူဟာမြောက် စစ်ဆင်ရေးတွေလုပ်သွားမယ် ဘယ်လိုတွေပြင်ဆင်နေလဲ ဆိုတာကိုတော့ စစ်ရေးဆိုင်ရာလုံခြုံရေးအရ ထုတ်ပြောတာတော့ မရှိခဲ့ပါဘူး။ မွန်ပြည်နယ်အတွင်းရှိ လက်နက်ကိုင်တော်လှန်ရေးအင်အားစုတွေအနေနဲ့ တပ်ပေါင်းစုအသွင် ဟန် ချက်ညီညီ ပိုမိုပူးပေါင်းဆောင်ရွက်သွားဖို့ မွန်လူငယ်နိုင်ငံရေးဆွေးနွေးပွဲကနေ ဘုံသဘောတူညီချက်တစ်ခုအဖြစ် စက် တင်ဘာ ၂၀ ရက်နေ့မှာ တိုက်တွန်းထားတာပါ။ မွန်ပြည်ကာကွယ်ရေးတပ် MSDF ရဲ့ တပ်မှူး ဒေါက်တာ သီရိမွန်ချမ်းက မွန်လက်နက်ကိုင်တော် လှန်ရေးအဖွဲ့ တွေ ဗျူဟာမြောက်စစ်ဆင်ရေးတွေ ဆင်နွှဲနိုင်ဖို့ ဆွေးနွေးခဲ့ကြသလို အောက်ခြေအဆင့် တပ်မှူးတွေကြားမှာလည်း ကျစ်ကျစ်လစ်လစ် ပူးပေါင်းတိုက်ပွဲဝင်နိုင်ဖို့ ဆုံးဖြတ်ခဲ့တယ်လို့ ပြောပါတယ်။ “MSFC၊ NMSP-AD ညှိနှိုင်းရေးအဖွဲ့မှာ မဟာဗျူဟာမြောက် ပူးပေါင်းမှုကနေတဆင့် ဗျူဟာမြောက်စစ်ဆင်ရေးတွေ ဆင်နွှဲနိုင်ဖို့

ရေဘေးကူညီ ရေးများတွင် နိုင်ငံရေးနှင့်စစ်အာဏာရှင် ဆန့်ကျင်ရေး လှုပ်ရှားမှုများ မရှိစေရေး ကြပ်မတ်ရန် စစ်ကောင်စီက အမိန့်ထုတ် အကြမ်းဖက်စစ်ကောင်စီက ဝန်ကြီးဌာနများအနေဖြင့် ရေဘေးသင့်ဒေသများကို ကူညီရန်အတွက် ဌာနအလိုက် အလှူငွေများ ပေးပို့ကြရန် ညွှန်ကြားထားရာ ဝန်ကြီးဌာနများကလည်း ပြည်သူများထံမှ ရေဘေးကူညီရေးဟုဆိုကာ ပြန် လည် ငွေညှစ်တောင်းခံမှုများ ဖြစ်ပေါ်နေကြောင်း သိရှိရသည်။ အကြမ်းဖက်စစ်ကောင်စီ၏ ညွှန်ကြားမှုကြောင့် ဝန်ကြီးဌာနများအလိုက် Non-CDM ဝန်ထမ်းများထံမှ ငွေအလှူခံခြင်း အပြင် ပြင်ပမှ ပြည်သူ လူထုနှင့် စီးပွားရေးအသိုင်းအ၀ိုင်းကိုပါ လိုက်လံ ငွေကြေးတောင်းခံ ငွေညှစ်နေကြကြောင်း၊ ဥပမာအားဖြင့် – ပြည်ထဲရေးဝန်ကြီးဌာနက အထွေ ထွေအုပ်ချုပ်ရေးဦးစီးဌာနကို ရေဘေးကူညီရေးဟုဆိုကာ အလှူငွေ ကောက်ခံခိုင်းကြောင်း၊ ထို့ကြောင့် ပြည်နယ်/တိုင်း၊ ခရိုင်၊ မြို့နယ်ထွေ/အုပ်များက ရပ်ကွက်နှင့်ကျေးရွာအုပ်ချုပ်ရေးမှူးများကို တစ်ရပ်ကွက်လျှင် ငွေကျပ် ၁၀

ရှမ်းပြည်နယ်မြောက်ပိုင်း နောင်ချိုမြို့နယ်နှင့် သီပေါမြို့နယ်တို့၌ ယနေ့ စက်တင်ဘာ ၂၁ရက်တွင် တိုက်ပွဲဆက်ဖြစ်နေကြောင်း တအာင်းတပ်မတော်(TNLA) ပြောရေး ဆိုခွင့်ရှိသူ လွေးယေဦးက ပြောသည်။ နောင်ချိုမြို့နယ် တောင်ခမ်းဒေသရှိ စစ်ကောင်စီ အမြောက်တပ် မစခ(၉၀၂) တပ်ရင်းနှင့် သီပေါ လက်ကျန်တပ်ရင်း ခလရ(၂၃)တို့တွင် စစ်ကောင်စီနှင့် TNLA တိုက်ပွဲဖြစ်နေသည်ဟု အတည်ပြုသည်။ “ဒီနေ့မှာက နောင်ချို ၉၀၂ တပ်စခန်းမှာတိုက်ပွဲနေတာဖြစ်ပါတယ်။ သီပေါမှာ ခလရ(၂၃)မှာ တိုက်ပွဲတွေဖြစ်ပွားနေပါတယ်”ဟု၎င်းက ဆိုသည်။ တောင်ခမ်းဒေသ၌ တိုက်ပွဲများရက်ရှည်ဖြစ်ပွားနေခြင်းဖြစ်ပြီး စစ်ကောင်စီတပ်ကလည်း လေကြောင်း တိုက်ခိုက်မှုများပြုလုပ်နေ၍ အရပ်သား သေဆုံးထိခိုက်မှုရှိနေသည်ဟုအသိပေးသည်။ “နောင်ချိုတစ်ခုလုံးကိုပြန်ကြည့်မယ်ဆိုရင်တော့ အရပ်သားသေဆုံးမှုဆို ကလေးငယ်က ၂ဦးပါမယ်။ လူကြီးတွေက ၁၅ဦးအထက်ရှိပြီး ထိခိုက် ဒဏ်ရာရသူတွေက ၁၀ဦးအထက်ရှိတာပေါ့”ဟု လွေးယေဦးက ပြောသည်။ ယနေ့ (စက်တင်ဘာ ၂၁ရက်) နံနက်

မန္တလေးတိုင်း၊ မြစ်သားမြို့နယ်တွင် အုပ်ချုပ်ရေးမှူးများနှင့် ပျူစောထီးများကို ပစ်ခတ် တိုက်ခိုက်ရာ ၅ ဦးသေဆုံးခဲ့ကြောင်း ကျောက်ဆည်မြို့နယ် တော်လှန်ရေးတပ် KRA တာဝန်ခံ မင်းလက်ရာ ကပြောဆိုသည်။ စက်တင်ဘာလ ၁၆ ရက်နေ့တွင် မြစ်သားမြို့နယ်၊ ခရူတုပ်ကျေးရွာမှ စစ်ကောင်စီခန့် အုပ်ချူပ်ရေးမှူဟောင်းဖြစ်သူ အကြမ်းဖက် စစ်တပ်အတွက် အလုပ်လုပ်ပေးနေပြီး အယောင်ဆောင်၍ ဘုန်းကြီးဝတ်ထားသော တက်တိုး ဆိုသူကို ပစ်ခတ် တိုက်ခိုက်ရာ သေဆုံးခဲ့ကြောင်း သိရှိရသည်။ ဩဂုတ်လ ၈ ရက်နေ့တွင် မြစ်သားမြို့နယ် မြင်းရွာလေးရွာမှ ပြည်သူများကို စစ်တပ်နှင့် ပေါင်းပြီး အနိုင်ကျင့် ဖမ်းဆီး ငွေညှစ်နေသည့် အကြမ်းဖက် စစ်ကောင်စီခန့် အုပ်ချုပ်ရေးမှူးနှင့် ချမ်းငြိမ်းသာရွာမှ ပျူစောထီး ခေါင်းဆောင် တို့ကို ပစ်ခတ် တိုက်ခိုက်ရာ သေဆုံးခဲ့ကြောင်း သိရသည်။ ဇူလိုင်လ