Author name: Admin

မောင်တောရှိ စစ်တပ်နယ်ခြားစောင့်တပ်စခန်း ၂ ခုကို AA က သိမ်းပိုက်၊ နယ် ခြားစောင့်တပ်များ မထွက်ပြေးမီ လက်နက်များကို ARA နှင့် RSO အဖွဲ့များထံ ဘင်္ဂလားဒေ့ရှ်ငွေ ၁၀ သန်းဖြင့် ရောင်းစားခဲ့မှု စိစစ်တွေ့ရှိရ ■ စစ်ကောင်စီတပ်စခန်းအတွင်းမှ ရဲအလောင်းများနှင့် ARA ၊ RSO အဖွဲ့ဝင်အလောင်းများပါ တွေ့ရှိရဟုဆို ရန်ကုန်၊ ဖေဖော်ဝါရီ ၈ ရခိုင်ပြည်နယ်၊ မောင်တောမြို့ရှိ နယ်ခြားစောင့်တပ်စခန်း ၂ ခုကို AA က သိမ်းပိုက်လိုက်ပြီး စစ်ကောင်စီတပ်ဖွဲ့ဝင်များက မထွက် ပြေးမီ စခန်းနှစ်ခုလုံးမှ လက်နက်များကို ARA နှင့် RSO အဖွဲ့များထံ ရောင်းစားခဲ့မှုကို စိစစ်တွေ့ရှိရကြောင်း AA က ယမန်နေ့ ပိုင်း သတင်းထုတ်ပြန်သည်။ […]

မန္တလေးတိုင်း၊ တံတားဦးမြို့နယ်၊ ပေါက်မြိုင်ကျေးရွာမှာ ကြံခိုင်ရေးပါတီဥက္ကဌနဲ့ ပါတီဝင်တို့ သေနတ်နဲ့ပစ်သတ်ခံရတယ်လို့ ဒေသခံတွေဆီက သိရပါတယ်။ ဖေဖော်ဝါရီ ၆ ရက် မနေ့ကမနက် ၂ နာရီခန့်မှာ ပေါက်မြိုင်ကျေးရွာထဲကို လက်နက်ကိုင်အဖွဲ့တခု ဝင်ရောက်လာပြီး ရပ်ကျေးကြံခိုင်ရေးပါတီဥက္ကဌ ဦးမွန်ကျော် ၆၅ နှစ်နဲ့ ပါတီဝင် ဦးနိုင်ဝင်း ၆၁ နှစ်တို့ကို ပစ်ခတ်သွားတာလို့ ဆိုပါတယ်။ “သိရသလောက်က သူတို့ကိုခေါ်ထုတ်လို့ ထွက်ပြေးချိန်မှာ ပစ်ခံရတာ။ ရွာသားတွေလည်း အပြင်မထွက်ရဲဘူး။ မနက်ကျမှပဲ အလောင်းတွေကို ကောက်ရဲကြတယ်”လို့ ဒေသခံတဦးက ပြောပါတယ်။ ဦးမွန်ကျော်ဟာ လက်ရှိ ပေါက်မြိုင်ရွာ ကြံခိုင်ရေးပါတီဥက္ကဌဖြစ်သလို ယခင် ဦးသိန်းစိန်အစိုးရ လက်ထက်မှာလည်း ကျေးရွာအုပ်ချူပ်ရေးမှူးလုပ်ခဲ့ဖူးသူဖြစ်တယ်လို့ သိရပါတယ်။ ပစ်ခတ်မှုကြောင့် ဦးမွန်ကျော်နဲ့ ဦးနိုင်ဝင်းတို့ရဲ့ ဦးခေါင်းတွေမှာ ကျည်ဖောက်ဝင်ဒဏ်ရာတွေနဲ့ နေရာမှာပဲ သေဆုံးခဲ့တယ်လို့ ဆိုပါတယ်။

ဘူးလက်လှဆွေ လက်အောက်ခံ မြောက်ခင်ရန်းကျေးရွာမှ ပျူစောထီးခေါင်းဆောင် ထက်ဝေဦး ဦးဆောင်သော ပျူစောထီးအဖွဲ့နှင့် စစ်တပ်က တော်လှန်ရေး ရဲဘော် ၂ ဦးကို သံကြိုးတုပ်၍ အရှင်လတ်လတ် မီးရှို့သတ်ဖြတ်ပြီး အောင်ပွဲခံ ရန်ကုန်၊ ဖေဖော်ဝါရီ ၆ မကွေးတိုင်း၊ ဂန့်ဂေါမြို့နယ်ရှိ ကြံ့ဖွတ်ပါတီမှ ဘူးလက်လှဆွေ လက်အောက်ခံ မြောက်ခင်ရန်းကျေးရွာမှ ပျူစောထီးခေါင်းဆောင် ထက်ဝေဦး ဦးဆောင်သော ပျူစောထီးအဖွဲ့နှင့် စစ်တပ်က တော်လှန်ရေးတပ်ဖွဲ့မှ ရဲဘော် ၂ ဦးကို အရှင်ဖမ်းဆီးရရှိချိန်တွင် ဖမ်းဆီးနှိပ်စက်ပြီး အရှင်လတ်လတ် မီးရှို့သတ်ဖြတ်ခဲ့ကြောင်း သိရှိရသည်။ ၂၀၂၃ ခုနှစ် နိုဝင်ဘာလ ၇ ရက်နေ့ မြောက်ခင်ရန်းကျေးရွာရှိ ပျူစောထီးတပ်ဖွဲ့၊ စစ်တပ်ကို တော်လှန်ရေး ပူးပေါင်း အဖွဲ့YDF ၊ YPDF ၊ CNA ၊

မြောင်မြို့နယ်၊ မတ္တရာနှင့် အရာတော်တို့တွင် စစ်တပ်စခန်း၊ ပျူခေါင်းဆောင်နေအိမ်၊ ရဲစခန်း၊ ထွေအုပ်ရုံးနှင့် မြို့အဝင် စစ်ဆေးရေးဂိတ်ကို ဒရုန်းဗုံး၊ ရှော့တိုက်ဒုံးများဖြင့် ပစ်ခတ်တိုက်ခိုက် ရန်ကုန်၊ ဇန်နဝါရီ ၂၈ စစ်ကိုင်းတိုင်း၊ မြောင်မြို့နယ်၊ ကျောက်ရစ်စစ်တပ်အထိုင်စခန်းကို ရှော့တိုက်ဒုံး ၁၅ လုံး၊ ဒရုန်းဖြင့် ဗုံးသီး ၁၀ လုံး ကျဲချတိုက်ခိုက်ခဲ့ရာ စစ်ကောင်စီတပ်သားများ ထိခိုက်သေဆုံးမှုရှိနိုင်ကြောင်း စစ်ကိုင်း ခရိုင်အမှတ် ၄ တပ်ရင်း – MSPDF မှ သတင်းနှင့်ပြန်ကြားရေးတာဝန်ခံ လွင်ဂူးက ရန်ကုန်ခေတ် သစ်သတင်းဌာနထံသို့ ပြောကြားသည်။ ယမန်နေ့ ဇန်နဝါရီလ ၂၇ ရက်နေ့ နံနက် ၉ နာရီမှ ၁၀ နာရီခန့်အထိ မြောင်မြို့နယ်၊ ကျောက်ရစ်အထိုင် စခန်းရှိ စစ်ကောင်စီတပ်သားများ နေထိုင်ရာ နေရာများကို

မံစီမြို့နယ်က သိမ်းပိုက်နယ်မြေတွေကို KIA စစ်ဦးစီးချုပ်နဲ့ NUG ကာကွယ်ရေးဝန်ကြီးတို့ လှည့်လည်စစ်ဆေး ကချင်လွတ်လပ်ရေးတပ်မတော် KIA က တိုက်ခိုက်သိမ်းပိုက်ခဲ့တဲ့ ကချင်ပြည်နယ်၊ မံစီမြို့နယ်၊ မန်ဝိန်းကြီးနယ်မြေအတွင်းက စစ်ကောင်စီစခန်းကုန်းနေရာတွေကို အမျိုးသားညီညွတ်ရေးအစိုးရ NUG၊ ကာကွယ်ရေးဝန်ကြီးဌာနတာဝန်ရှိသူနဲ့ KIA တာဝန်ရှိသူတွေ လှည့်လည်စစ်ဆေးခဲ့ကြတယ်လို့ NUG ကာကွယ်ရေးဝန်ကြီးဌာနက ဇန်နဝါရီ ၂၇ ရက် ဒီနေ့မှာထုတ်ပြန်လာပါတယ်။ NUG ကာကွယ်ရေးဝန်ကြီးဌာန၊ ပြည်ထောင်စုဝန်ကြီး ဦးရည်မွန်နဲ့ KIA စစ်ဦးစီးချုပ် အမှတ် ၁ စစ်ဒေသမှူး၊ ဒုဗိုလ်ချုပ်ကြီး ခေါင်လွန်း (R Hkawng Lum)တို့က ဇန်နဝါရီ ၂၁ ရက်မှာ လှည့်လည်စစ်ဆေးခဲ့ကြတာပါ။ သိမ်းပိုက်ရရှိထားတဲ့ စခန်းကုန်းတွေ၊ မြို့ရွာတွေနဲ့ စစ်လက်နက်ပစ္စည်းတွေကို စစ်ဆေးခဲ့ပြီး ဖမ်းဆည်းရမိထားတဲ့ စစ်သုံ့ပန်းတွေ၊ အလင်းဝင်လာသူတွေကိုပါ တွေ့ဆုံခဲ့တယ်လို့ဆိုပါတယ်။ ဒါ့အပြင်

ပြည်သူ့ကာကွယ် ရေးတပ်မတော် (PDF) ရန်ကုန်တိုင်းစစ်ဌာနတပ်ရင်း ၅၁၀၁ အား လက်နက်တပ်ဆင် ပေးအပ်ခဲ့ကြောင်း အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာနက ဇန်နဝါရီလ ၂၅ ရက်တွင် သတင်းထုတ်ပြန်သည်။ လက်နက်တပ်ဆင်ခြင်းက အခမ်းအနားကို ရှေ့တန်းတနေရာတွင် ပြုလုပ်ခဲ့ခြင်းဖြစ်ပြီး PDF တောင်ပိုင်းစစ်ဒေသ၊ ဒုစစ်ဒေသမှူး ရဲဘော်စောရှားနှင့် အမှတ် (၂) စစ်ဒေသခွဲ၊ ရန်ကုန်တိုင်းစစ်ဌာန စစ်ဆင်ရေးတာဝန်ခံ ရဲဘော်ဒေဝတို့ တက်ရောက်ခဲ့ကြောင်း သိရသည်။ တပ်ဆင်ပေးသည့် လက်နက်ငယ်များကို တပ်ရင်းမှူး ဩကာသ နှင့် တပ်ခွဲမှူး ရဲဘော်စိုင်းငယ်တို့က လက်ခံရယူခဲ့ပြီး တိုက်ပွဲအတွင်း ရန်သူအားထူးချွန်စွာ ချေမှုန်းနိုင်ခဲ့သည့် စနိုက်ပါ တပ်ဖွဲ့ နှင့် စည်းကမ်းရေးရာစံပြတပ်သားစုတို့ ကိုပါ ပေးအပ်ချီးမြှင့်ခဲ့ကြောင်း ထုတ်ပြန်ထားသည်။ ယခုကဲ့သို့ လက်နက်တပ်ဆင်ခြင်းသည် စစ်ကောင်စီအား ချေမှုန်းတိုက်ခိုက်ရန်နှင့် ပြည်သူကိုကာကွယ်ရန်ဖြစ်ကြောင်း ရဲဘော်ဒေဝက

ထားဝယ်မြို့နယ်၊ ဘန်းချောင်းဒေသရှိ စစ်တပ်၏ ကျောက်ထုတပ်စခန်းကို တော်လှန်ရေး ပူးပေါင်းတပ်ဖွဲ့များ တိုက်ခိုက် သိမ်းပိုက် ရန်ကုန်၊ ဇန်နဝါရီ ၂၅ တနင်္သာရီတိုင်း၊ ထားဝယ်မြို့နယ်၊ ဘန်းချောင်း​ဒေသရှိ အကြမ်းဖက် စစ်တပ်၏ ကျောက်ထုစခန်းကို တော်လှန်ရေး ပူးပေါင်းတပ်ဖွဲ့များက တိုက်ခိုက် သိမ်းပိုက်ခဲ့ကြောင်း နယ်မြေခံသတင်းရင်းမြစ်များထံမှ သိရသည်။ ဇန်နဝါရီလ ၂၄ ရက်နေ့တွင် ထားဝယ်မြို့နယ်၊ ဘန်းချောင်း​ဒေသရှိ အကြမ်းဖက် စစ်တပ်၏ ကျောက်ထုစခန်းကို KNLA တပ်မဟာ ၄ (တပ်ရင်း၂၇) နှင့် ပြည်သူ့ကာကွယ်ရေး ပူးပေါင်းတပ်များက တိုက်ခိုက် သိမ်းပိုက်ခဲ့​ကြောင်း ဒေသတွင်း သတင်းရင်းမြစ်များထံမှ သိရှိရသော်လည်း ပါဝင်တိုက်ခိုက်ခဲ့သည့် တပ်ဖွဲ့ အမည်စာရင်း အတိအကျကို အတည်မပြုနိုင်သေးကြောင်း သိရသည်။ အဆိုပါ တပ်စခန်းသည် တနင်္သာရီတိုင်းအတွင်း ပြည်သူ့ကာကွယ်ရေးတပ်ဖွဲ့များ ပထမဆုံး သိမ်းပိုက်နိုင်သည့်

နမ့်ဖက်ကာ စကခ (၁၇) ခလရ (၁၂၃)အား KIAမှ အပြီးသတ် တိုက်ခိုက်သိမ်းပိုက်။ နမ့်ဖက်ကာ- ၂၄ ဇန်နဝါရီ ၂၀၂၄။ ရှမ်းပြည်နယ် မြောက်ပိုင်း ကွတ်ခိုင်မြို့နယ် နမ့်ဖက်ကာအခြေစိုက် စကခ(၁၇) လက်အောက် တပ်မ အထိုင် တပ်ရင်းစခန်း ခလရ (၁၂၃)အား ကချင်လွတ်လပ်ရေးတပ်မတော် KIAမှ အပြီးသတ် တိုက်ခိုက်သိမ်းပိုက်နိုင်ခဲ့ကြောင်း သိရသည်။ ယနေ့ ဇန်နဝါရီလ (၂၄) ရက်နေ့ညနေ (၄)ခွဲခန့်အချိန်တွင် နမ့်ဖက်ကာရှိ စကခ(၁၇) လက်အောက် (၁၂၃)တပ်စခန်းအား KIA တပ်ပေါင်းစုမှ တိုက်ခိုက်သိမ်းပိုက်နိုင်ခဲ့ကာ ထွက်ပြေးသွားသော စကစ စစ်သားများအား လိုက်လံပစ်ခတ် ရှင်းလင်းနေကြောင်း သိရသည်။ “ညနေ (၄)နာရီခွဲမှာ စခန်းတစ်ခုလုံးကို ရှင်းလင်းတိုက်ခိုက်နိုင်ခဲ့ပါတယ်။ ထွက်ပြေးသွားတဲ့ စကစ စစ်သားတွေကို လိုက်လံ ရှင်းလင်းပစ်ခတ်နေပါတယ်။

ဟင်္သာတမြို့တွင် အမျိုးသာရေး သမားများ၊ ကြံ့ခိုင်ရေးပါတီဝင်များနှင့် တပ်ထောက်ခံသူများမှ ဦးဆောင်ကာ ဆန္ဒထုတ်ဖော် ဇန်နဝါရီလ ၂၄ ရက် ဟင်္သာတမြို့တွင် အမျိုးသာရေးသမားဟုဆိုသူများ၊ ကြံ့ခိုင်ရေးပါတီဝင်များနှင့် တပ်ထောက်ခံသူများမှ ဦးဆောင်ကာ ဇန်နဝါရီ ၂၃ ရက်နေ့က ဆန္ဒထုတ်ဖော်ခဲ့ကြကြောင်း မြို့ခံများထံမှသိရသည်။ ဟင်္သာတမြို့ ၊ သုံးပင်ကွင်းရပ်ကွက် ၊ဆယ်ထပ်ကြီးရုပ်ရှင်တော်မြတ်ဘုရားဝန်းအတွင်း ဇန်နဝါရီလ ၂၃ ရက်နေ့က အမျိုးသားရေး ဆရာတော်များနှင့် အမျိုးသားရေး ဦးဆောင်လှုပ်ရှားသူများ ၊ကြံ့ခိုင်ရေးပါတီဝင်များ ၊တပ်ထောက်ခံသူများ ပါဝင်ကာ ဗုဒ္ဓဘာသာဝင်များ ကိုးကွယ်နေသည့် ဘုရားပုထိုးများအား ဖျက်စီးနေသည့် အကြမ်းဖက်သမားများအား ကန့်ကွက်ရှုပ်ချသည့် ဆန္ဒပြပွဲ ဟု သုံးနှုန်းကာ ဘာသာရေးဝါဒဖြန့်သော ဆန္ဒပြပွဲတစ်ခုကို ဟင်္သာတမြို့တွင် ပြုလုပ်ခဲ့ကြောင်း ဒေသခံများက ပြောသည်။ “လူကတော့များတယ် ဘုန်းကြီးတွေရော သီလရှင်တွေရောဆိုရင် လူ ၂၀၀ ကျော်လောက်ရှိမယ်ထင်တယ်။