Admin

တောင်ဒဂုံ ၂၆ ရပ်ကွက် အုပ်ချုပ်ရေးမှူးရုံးကို ပြင်းအားမြင့် အဝေးထိန်းမိုင်း ၂ လုံးဖြင့် ဖောက်ခွဲတိုက်ခိုက်မှု ထိခိုက်သေဆုံးမှုရှိနိုင် ရန်ကုန်မြို့၊ ဒဂုံမြို့သစ်တောင်ပိုင်း မြို့နယ်၊ အမှတ် ၂၆ ရပ်ကွက် အုပ်ချုပ်ရေးမှူးရုံးကို ပြင်းအားမြင့်အဝေးထိန်း မိုင်း ၂ လုံးဖြင့်ဖောက်ခွဲတိုက်ခိုက်ခဲ့ရာ ထိခိုက်သေဆုံးမှုရှိနိုင်ကြောင်း မြောက်ဥက္ကလာပမြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောကြားသည်။ ယမန်နေ့ အောက်တိုဘာလ ၂၅ ရက်နေ့ ည ၇ နာရီ ၃၀ မိနစ်အချိန်​ ဒဂုံမြို့သစ်တောင်ပိုင်းမြို့နယ်၊ အမှတ် ၂၆ ရပ်ကွက်အုပ်ချုပ်ရေးမှူးရုံး၌ အကြမ်းဖက်စစ်သား၊ ရဲ ၊ အုပ်ချုပ်ရေးမှူးနှင့် ဆယ်အိမ်မှူး၊ ရာအိမ်မှူးများ စုဝေးနေစဉ် ပြင်းအားမြင့် အဝေးထိန်းမိုင်း ၂ လုံးဖြင့်ဖောက်ခွဲတိုက်ခိုက်ခဲ့ရာ ထိခိုက်သေဆုံးမှုရှိနိုင်ကြောင်း သိရသည်။ “ရုံးထဲမှာ အုပ်ကြီး၊ ဆယ်အိမ်မှူး၊ … Read more

ဘီးလင်းမြို့မှ ဗိုလ်မှူး လွင်ကိုကိုထွေး ဖာပွန်တွင် ရိက္ခာထုတ်စစ်ကြောင်းကို ဦးဆောင်ရင်း တိုက်ခိုက်ခံရပြီး သေဆုံး၊ နာရေးဖိတ်စာတွင် စစ်တပ်ရာထူးမထည့် မွန်ပြည်နယ်၊ ဘီးလင်းမြို့မှ ဗိုလ်မှူးလွင်ကိုကိုထွေးသည် ကရင်ပြည်နယ်၊ ဖာပွန်မြို့တွင် တာဝန်ကျစဉ် ရိက္ခာထုတ်သွားရန်အတွက် စစ် ကြောင်းကို ဦး ဆောင်ရင်း သွားရောက်စဉ် တိုက်ခိုက်ခံရပြီး သေဆုံးသွားကြောင်း မိသားစုနှင့် နီးစပ်သူများထံမှ သိရှိရသည်။ အောက်တိုဘာ ၂၃ ရက်နေ့ နံနက်ပိုင်းတွင် ဖာပွန်တွင် တာဝန်ကျသော ဗိုလ်မှူး လွင်ကိုကိုထွေးက စစ်သား ၃၀ ဦးနှင့်အတူ ရိက္ခာထုတ်ယူရန်အတွက် သွားစဉ် KNLA ဦးဆောင်သော တော်လှန်ရေးတပ်များ၏ တိုက်ခိုက်မှုကြောင့် သေဆုံးခဲ့ကြောင်း၊ သေဆုံးချိန်တွင် မိသားစုက အလောင်းပြန်လည် ရရှိခြင်း မရှိကြောင်း သိရှိရသည်။ “ဗိုလ်မှူးလွင်ကိုကိုထွေးက 2IC အဖြစ်နဲ့ ထားဝယ်တပ်မှာ … Read more

မန္တလေးတိုင်း၊ ပြင်ဦးလွင်မြို့က အာဏာသိမ်းစစ်တပ် မိသားစုဝင်တွေ အရေးပေါ် ပြောင်းရွေ့နေကြပြီး မြို့ပေါ်မှာ ပြည်သူတွေသာကျန်ခဲ့တယ်လို့ ဒေသခံတစ်ဦးက ပြောပါတယ်။ ၁၀၂၇စစ်ဆင်ရေး တစ်နှစ်ပြည့် အထိမ်းအမှတ်နဲ့တော်လှန်ရေးတပ်ဖွဲ့တွေက စစ်တပ်စခန်းတွေကို ထိုးစစ်ဆင် တိုက်ခိုက်တော့မယ်ဆိုတဲ့သတင်း‌တွေ ထွက်ပေါ်နေတာကြောင့် နေရပ်စွန့်ခွာသူတွေ များလာတယ်လို့လည်း သိရပါတယ်။ “လက်ရှိအချိန်ကတော့ အားလုံးတိတ်ဆိတ်နေကြတယ်။ လူတွေလည်း အသွားကလာမရှိတော့ဈေးတွေလည်းမရောင်းရဘူး။ မြို့ပေါ်မှာတော့ဒေသခံပြည်သူတွေပဲရှိတော့တယ်။ သွားစရာနေရာကလည်းအဆင်ပြေမှကောင်းတာ” လို့ ဒေသခံတစ်ဦးက ပြောပါတယ်။ အိမ်ခြံမြေဈေးကွက်မှာလည်း အရောင်းအဝယ်မရှိသလောက်နည်းပါနေပြီး မူလဈေးထက် အနည်းငယ်လျော့ရောင်သူတွေလည်း ရှိတယ်လို့ သူကပြောပါတယ်။ မန္တလေး (၁၆) မိုင်ဂိတ်ကနေစတင်ပြီး ကားငယ်တွေကို အတက်ပေးမဖြတ်တော့ဘဲ အဆင်း ကားငယ်တွေတော့ ဖြတ်သန်းခွင့်ပေးပြီး ဝက်ဝံဂိတ်မှာလည်း ပြင်ဦးလွင်ကားကလွဲရင် တခြားအိမ်စီးကားတွေကို ပေးမဖြတ်တော့ဘူးလို့ သိရပါတယ်။ “ဝက်ဝံဂိတ်ကဖြတ်ပြီးရင် နောင်ချိုဘက်ကိုတက်လို့ရတယ်။ ရှမ်းမြောက်ထဲဝင်သွားမှာစိုးလို့ အသေစစ်တယ်။ ဂိတ်ဖြတ်ရင်လည်း အုံနာစာအုပ်နဲ့လိုင်စင်တွေထားခဲ့ရတယ်။ အပြန်မှပြန်ယူလို့ရတယ်။ … Read more

အမျိုးသားဒီမိုကရေစီအဖွဲ့ချုပ် (NLD) ပါတီ ဒုတိယဥက္ကဋ္ဌ မန္တလေးတိုင်းဝန်ကြီးချုပ် ဒေါက်တာဇော်မြင့်မောင် ကွယ်လွန်ခြင်းအပေါ် ဝမ်းနည်းကြောင်း လူမှုကွန်ရက်၌ ရေးသားပြီး ၂ပတ်အကြာ အာဏာရှင်ဟောင်း ဦးသန်းရွှေ၏ သားမက် ဒေါက်တာ နေစိုးမောင် အား စစ်ကောင်စီက နိုင်ငံတော်တည်ငြိမ်အေးချမ်းရေး ပျက်ပြားစေရန် လူမှုကွန်ရက်တွင် လှုံ့ဆော်မှုဖြင့် ဖမ်းဆီးအမှု ဖွင့်လိုက်သည်။ အောက်တိုဘာ ၂၃ ရက် ညနေပိုင်းက ရန်ကုန်တိုင်း မရမ်းကုန်းမြို့နယ်နေ ဒေါက်တာနေစိုးမောင် အား မန္တလေးတိုင်း၊ ပြည်ကြီးတံခွန်မြို့မရဲစခန်း၌ အမှုဖွင့်ခဲ့ခြင်းဆိုသော်လည်း မည်သည့်ပုဒ်မဖြင့် အမှုဖွင့်ထားသည်ကိုမူ စစ်ကောင်စီက ပြောဆို ထားခြင်းမရှိပေ။ Facebook followers ၃ သိန်း ၂ သောင်း ၄ ထောင်ကျော်ရှိသည့် ဒေါက်တာနေစိုးမောင် သည် ဆင်းရဲသားများကို အခမဲ့ ဆေးကုသခြင်းအပါအဝင် လူမှုရေးလုပ်ငန်းများ လုပ်ဆောင်သလို … Read more

ခွင့်ပြုမိန့်မရဘဲ သေနတ်ပစ်ဖောက်ခဲ့၍ ဖမ်းဆီးထိန်းသိမ်းထားသည့် ဗိုလ်နဂါးဦးဆောင်သော BNRAမှ တပ်ဖွဲ့ဝင်များကို ပွင့်လင်းမြင်သာစွာ စစ်ဆေးနေပြီး ရက်ပိုင်းအတွင်းဆုံးဖြတ်ချက်မှတ် သွားမည်ဖြစ်ကြောင်း ခင်ဦးမြို့နယ်ပြည်သူ့အုပ်ချုပ်ရေးအဖွဲ့ တာဝန်ခံက ပြောသည်။ ပြီးခဲ့သည့် အောက်တိုဘာလ ၁၈ ရက်နေ့ညက ခင်ဦးမြို့နယ်၊ကန်သာယာကျေးရွာမှ BNRAတပ်ဖွဲ့ ဝင်အချို့သည်မြို့နယ်၊တိုက်နယ်၊ရပ်ကျေး ကာကွယ်ရေး နှင့် အုပ်ချုပ်ရေးအဖွဲ့ များ၊ နယ်မြေခံ တပ်ရင်းများကိုအသိပေးခြင်းမရှိဘဲ သေနတ်ပစ်ဖောက်ခဲ့၍ အခြေအနေကို ထိန်းသိမ်းရန်သွားရောက်စဉ် ပြန်လည်ပစ်ခတ်မည်ဟု ခြိမ်းခြောက်ပြောဆိုခြင်းကြောင့် ယင်းဖြစ်စဉ်၌ပါဝင်သည့် BNRA တပ်ဖွဲ့ဝင်၂၂ဦးနှင့် ဒေသခံအချို့ကို ဖမ်းဆီးထိန်းသိမ်းထားခြင်းဟု ၎င်းက ပြောသည်။ “ သူတို့ကို စစ်ဆေးလိုက်တဲ့အချိန်မှာ BNRA ရဲ့ တပ်ရင်းမှူးဖြစ်သူက သေနတ်မဖောက်ဘူးပြောခိုင်းတာ။ လာခေါ် ရင်လည်း လိုက်စရာမလိုဘူး။ အပြန်လမ်းတွေ မိုင်းထောင်ထားလိုက်ဆိုပြီး ညွှန်ကြားနေတဲ့ ဖုန်း Record တွေရထားတယ်။ အဲ့ … Read more

ဧရာ၀တီတိုင်း၊ ငပုတောမြို့တွင် ရဲတပ်ဖွဲ့၀င်များ စီးနင်းလာသော စက်လှေတိမ်းမှောက်သဖြင့် နယ်ထိန်းရဲနှစ်ဦး ရေနစ်သေဆုံးခဲ့ကြောင်း သိရှိရသည်။ အောက်တိုဘာ ၂၃ ရက် ညပိုင်းက ငပုတောမြို့မရဲစခန်းမှ ရဲတပ်ဖွဲ့ဝင်များသည် ကျင်စက်အသုံးပြု ငါးရှာနေသူများကိုဖမ်းဆီးရန် ပုလဲနှင့်ငါးလုပ်ငန်းမှ စက်လှေကို အသုံးပြုပြီး သွားရောက်ဖမ်းဆီးစဉ် ကံစိတ်ရွာအနီး ကျား‌ဘော(ငါးဖမ်းပိုက်များတွင် ဗောသီးအဖြစ်အသုံးပြုထားသောပစ္စည်း)ဖြင့် တိုက်မိကာ စက်လှေတိမ်းမှောက်ရာမှ နှစ်ဦးသေဆုံးခဲ့ခြင်းဖြစ်ကြောင်းရဲတပ်ဖွဲ့နှင့်နီးစပ်သူများထံမှသိရှိရသည်။ “မြို့မစခန်းက ရဲ နှစ်ယောက် ရေနစ်ပြီး သေတယ်လို့ပဲကြားတာ ၊ ဒီမနက်မှ စက်လှေမှောက်ကြတာလို့သိရတယ်။ သူတို့က ညဘက်ဆို သောက်စားမူးနေကြတော့လည်းဖြစ်မှာပေါ့”ဟု ငပုတောမြို့ခံတစ်ဦးမှ ပြောသည်။ သေဆုံးသွားသူများမှာ ငပုတောမြို့မရဲစခန်းမှ ဖျံရေကျော်ကျေးရွာအုပ်စု နယ်ထိန်း အောင်ကျော်ဦးနှင့် တမာန်ချောင်းကျေးရွာအုပ်စုမှ နယ်ထိန်းမျိုးကိုတို့ဖြစ်ကြောင်း ဒေသခံများ၏ ပြောကြားချက်အရ သိရှိရသည်။ “ရဲတပ်သားနှစ်ယောက် ရေနစ်သေဆုံးပြီး ၊ သေနတ်တစ်လက်ပါ ရေထဲမြုပ်သွားလို့ စခန်းမှာ … Read more

မြင်းခြံနယ် ကူရွာကဒေါ်ပြုံးကြည်ကို သီတာယုမွန်ပျူအဖွဲ့က သတ်ပြီး လက်ဝတ်ရတနာတွေခိုးယူသွား မန္တလေးတိုင်း၊ မြင်းခြံမြို့ တောင်ဘက်အထွက် ကူရွာသူ ဒေါ်ပြုံးကြည် အသက် ၅၅နှစ်ကို သီတာယုမွန်ပျူအဖွဲ့က သတ်ဖြတ်ပြီး လက်ဝတ်ရတနာတွေကို ခိုးယူသွားတယ်လို့ ဒေသခံတစ်ဦးက ပြောပါတယ်။ မနေ့မနက် ၅နာရီခွဲက ကူရွာထဲ ဆိုင်ကယ်၃စီး၊ ကား ၂စီးနဲ့ဝင်ရောက်လာပြီး ဒေါ်ပြုံးကြည်ကို သတ်ဖြတ်ကာ လက်ဝတ်လက်စားတွေကို ခိုးယူထွက်ပြေးသွားတာလို့သိရပါတယ်။ “မနေ့က ဆိုက်ကယ်၃စီး၊ လူက၆ယောက်၊ ကား၂စီးနဲ့ရွာထဲဝင်လာပြီး ဒေါ်ပြုံးကြည်ကိုသတ်သွားတယ်။ ပြီးတော့လက်ဝတ်လက်စားတွေကိုဖြုတ်ခိုးသွားတယ်။ ဒေါ်ပြုံးကြည်ကို ဓားနဲ့ရင်ဝထိုးပြီး သေနတ်နဲ့ပစ်သတ်သွားတာ။ သူတို့ပြန်ထွက်တာက ကူရွာတောင်ဘက် ရွှေကူကြီးဘုရားကနေ လမ်းအတိုင်းမြင်းခြံကိုပြန်ဝင်သွားတာ။ PDFကမလုပ်ဘူး အခုကပျူတွေလာလုပ်တာပါ”လို့ဒေသခံတွေကပြောပါတယ်။ စစ်အုပ်စုဝါဒဖြန့် တယ်လီဂရမ်မှာတော့ ကူရွာက ဒေါ်ပြုံးကြည်ကို PDFတွေက လုပ်ကြံသတ်ဖြတ်ပြီး လက်ဝတ်ရတနာတွေယူသွားတယ်လို့ ဝါဒဖြန့်ရေးသားထားပေမယ့် အခုကိစ္စလုပ်သွားသူတွေဟာ PDFတွေမဟုတ်ဘဲ သီတာယုမွန်ပျူအဖွဲ့ကလို့ ခိုင်လုံတိကျတဲ့သတင်းရင်းမြစ်တွေက … Read more

အာဏာသိမ်းပြီးနောက် စစ်ကောင်စီသည် ဆယ်နှစ်တစ်ကြိမ် ကောက်ယူလေ့ရှိသော ၂၀၂၄ ခုနှစ် သန်းခေါင်စာရင်းကို နိုင်ငံတဝန်းလုံး ကောက်ယူနိုင်ရေး ဘာသာပေါင်းစုံ၊ လူမျိုးပေါင်းစုံကို ခေါ်ယူတွေ့ဆုံ၍ မက်လုံးပေး စည်းရုံးကာ အကူအညီတောင်းခံခဲ့ကြောင်း သိရသည်။ စစ်ကောင်၏ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်သည် နေပြည်တော်တွင် ဘာသာပေါင်းစုံ၊ လူမျိုးပေါင်းစုံမှ ကိုယ်စားလှယ်များကို ယခုရက်အတွင်း ခေါ်ယူတွေ့ဆုံ၍ သန်းခေါင်းစာရင်းကိစ္စ ဆွေးနွေးခဲ့ကြောင်း ၎င်းတို့ဝါဒဖြန့် သတင်းစာအရ သိရသည်။ ထိုတွေ့ဆုံမှုသည် စစ်ကောင်စီအနေဖြင့် ၎င်းတို့အား ထောက်ခံနေသော အင်အားစုများ၏ အကူအညီကို ရယူခြင်းဖြစ်သလို တစ်ဖက်လှည့်ဖြင့် မက်လုံးပေးကာ စည်းရုံးခြင်း သဘောမျိုးဖြစ်ကြောင်း လေ့လာစောင့်ကြည့်သူများ၏ ထောက်ပြသုံးသပ်ချက်အရ သိရသည်။ “ဒီအဖွဲ့တွေ ကိုယ်တိုင်က အကြမ်းဖက် စစ်တပ်နဲ့ ပူးပေါင်းပြီး လုပ်ဆောင်နေတယ် ဆိုမှတော့ ဒါတွေက သက်ဆိုင်ရာ … Read more

လာမယ့်လအတွင်း ရှမ်းပြည် တောင်ကြီးမြို့မှာပြုလုပ်မယ့် တန်ဆောင်တိုင်ပွဲကို စစ်ကောင်စီက လူသတ်ကွင်းအနေနဲ့ ဖန်တီးနိုင်လို့ ပွဲလာသူတွေ အထူးသတိပြုရန်လိုအပ်ကြောင်း တောင်ကြီးတော်လှန်ရေးအင်အားစုတွေက သတိပေးနေတာ သိရပါတယ်။ လာမယ့် နိုဝင်ဘာလမှာ တောင်ကြီးမြို့ အဝေရာကွင်းမှာ ပြုလုပ်မယ့် မီးပုံးပျံလွှတ်ပွဲအတွင်း ပြည်သူတွေကို ဓားစားခံအဖြစ် စတေးပြီး စစ်ကောင်စီက အဓိကရုန်းလှုံ့ဆော်တာ၊ ဗုံးခွဲတာတွေ လုပ်လာပြီး လူသတ်ကွင်းအနေနဲ့ဖန်တီးကာ တော်လှန်ရေးအင်အားစုတွေကို အပြစ်ဖို့လွှဲချလာနိုင်ပြီး အပြစ်မဲ့ပြည်သူတွေကို ဖမ်းဆီးသတ်ဖြတ် လာနိုင်တာဖြစ်လို့ ပွဲလာသူတွေ အထူးသတိပြုရမှာ ဖြစ်တယ်လို့ တော်လှန်ရေးတပ်ဖွဲ့တွေက သတိပေးထားပါတယ်။ “ကိုယ့်မြို့ကို သိပ်ချစ်တယ်၊ မြို့ပုံရိပ်နဲ့ပြည်သူကို ထိခိုက်တာမျိုး မလုပ်ဘူး၊ အခုက ကျနော်တို့ကိုအကြောင်းပြပြီး အစစ်ဆေးတွေ တင်းကြပ်တာလုပ်လာတာမှာ ပွဲလာညီအကိုတွေတုတ်၊ဓား တွေ မဆောင်ထားပါနဲ့၊ ရန်မဖြစ်ပါနဲ့လို့မှာချင်တယ်၊ စစ်မိစ္ဆာတွေပြုလုပ်တဲ့ပွဲမှာ သူတို့ကိုယ်တိုင်လုပ်ပြီး ကျနော်တို့ကို အကြောင်းပြ၊ ညီအကို တို့ကိုတရားလက်လွှတ် … Read more